| 1. |
ISebe leMfundo leNtshona Koloni (iSebe iWCED) lenza iprojekthi eyodwa yokubonelela ngencwadi yokufunda (textbook) umfundi ngamnye weeSayensi zoBomi kwiBakala 12 ngo-2011. |
| 2. |
Le projekthi inika inkxaso ukuqaliswa kokufundiswa kwekhontenti entsha yesifundo seeSayensi zoBomi kwiBakala 12 ngo-2011, yaye, ngakumbi, ukufunda nokufundisa ngendlela eyiyo iiSayensi zoBomi. |
| 3. |
Kusebenza apha iSetyhula 0005/2008, yomhla we-13.12.2008, necacisa ikhontenti entsha yesifundo seeSayensi zoBomi, njengoko zifakwe kuluhlu kwiNgcaciso yeKharityhulam kaZwelonke yamaBakala 10 - 12 (IZifundo ngokuBanzi). |
| 4. |
Iincwadi zokufunda zeeSayensi zoBomi zeBakala 12, ezifakwe kuluhlu lwesishwankathelo seeKhathalogu zeeNcwadi zokuFunda zeBakala 10 - 12 zikaZwelonke (iSihlomelo A), ziye zahlaziywa ngabapapashi zaza zaskrinwa liSebe leMfundo elisiSiseko likazwelonke. |
| 5. |
Iincwadi zokufunda zeeSayensi zoBomi zeBakala 12 mazikhethwe kwakwezo zintlu sezipapashiwe nesele isikolo sizi-odolele abafundi baso beeSayensi zoBomi beBakala 10 nabeBakala 11 ngo-2008 nango-2009 ngokulandelelanayo. |
| 6. |
Ifom yerikhwizishini, isiHlomelo A, ifuna ukuba isikolo sibonise incwadi yokufunda yaso yeeSayensi zoBomi yeBakala 12 esiyikhethileyo kunye nenani labafundi beBakala 12 abaya kuba besenza iiSayensi zoBomi ngo-2011, size emva koko sikhethe umthengisi-ncwadi, iSebe iWCED eliya kungena kwimvumelwano naye ukuba asizisele iincwadi. |
| 7. |
Iifom zerikhwizishini mazisayinwe yinqununu zifakwe isitampu sesikolo saseburhulumenteni. |
| 8. |
Iifom zeerikhwizishini mazingeniswe ngesandla okanye ngeposi engadlulanga uLwesihlanu, we-13 Agasti 2010 kule dilesi ilandelayo:
| |
Grade 12 Life Sciences Special Project
For attention: Ms J Maliqua
Cape Teaching and Leadership Institute
Nooiensfontein Road / Private Bag X14
Kuils River
7580
Ifoni 021 900 5011/28 |
|
| 9. |
Zakubanje iincwadi zizisiwe, mazibhalwe kwi-inventri yesikolo zinikwe abafundi ngomhla wokuqala wesikolo ka-2011. Abafundi mabanikwe umyalelo wokuba bazinyamekele njani na iincwadi yaye makumiselwe inkqubo yokubuyiswa kweencwadi ngabafundi ekupheleni konyaka. Kuya kufuneka amagosa eSebe iWCED abeke esweni ukuphunyezwa kwale miqathango xa etyelela izikolo. |
| 10. |
ISebe iWCED linovuyo ukuba libe nokubonelela ngezi ncwadi zokufunda ezikolweni kwaye linethemba lokuba ziya kusetyenziswa kakuhle ukuqhubela phambili ukufunda nokufundisa iiSayensi zoBomi. |
ISAYINWE: NGU-MM HARKER
INTLOKO: YESEBE LEMFUNDO
UMHLA: 2010:08:11
|