| 1. |
1. As ? opvolg tot die Eksamen-en-assesseringsminuut: 0001/2010, dien hierdie minuut om u te herinner dat die Wes-Kaap Onderwysdepartement (WKOD) jaarlikse Taal- en Wiskunde-toetse vir alle graad 9-leerders in Oktober 2010 sal afneem. |
| 2. |
Die toetse is geskeduleer vir 6 - 19 Oktober 2010 met een dag per skool. Alle skole is ingelig aangaande hulle toetsdatums via 'n e-posbrief en deur SOBIS. |
| 3. |
Let asseblief daarop dat vir 2010 die graad 9-toets ? volle loodsstudie is wat in alle skole met 5 of meer leerders in graad 9 afgeneem sal word. Die graad 9 Taal- en Wiskundetoetse sal hoofsaaklik die graad 9-leeruitkomste toets, maar sal ook graad 6, 7 en 8-items insluit, met die oog daarop om die vlak waarop die leerders presteer vas te stel. |
| 4. |
Die WKOD se graad 9 Sistemiese Toetse moet nie verwar word met die Jaarlikse Nasionale Assesserings nie. |
| 5. |
Toetsitems is opgestel en gemodereer vir gehalte deur deskundiges. |
| 6. |
Die toetse is diagnosties van aard en sal verseker dat die WKOD doeltreffend beplan vir en reageer op die probleme wat skole in hierdie vakke ondervind. Daarom dra die sistemiese toetse nie by tot die finale bevorderingsuitslae van die leerders nie. |
| 7. |
Ter wille van die integriteit van die uitslae sal die toetse ekstern deur onafhanklike diensverskaffers aangebied word. |
| 8. |
Elke skool sal 'n ontleding ontvang van sy leerders se prestasies, wat bedoel is om onderwysers en ondersteuningspersoneel 'n begrip te gee van hoe die leerders in elke skool vaar in hulle taal- en wiskundevaardighede en om geskikte ondersteuning te verleen. |
| 9. |
Die WKOD wil u graag bedank vir u samewerking en ondersteuning in hierdie verband. |
GETEKEN: PA VINJEVOLD
HOOF: ONDERWYS
DATUM: 2010:09:14
|