OPERASIONELE-ONDERSTEUNINGSEENHEIDMINUUT : 0008/2010 |
AAN: | DIREKTEURE, KRINGSPANBESTUURDERS, IBB-BESTUURDERS EN ADJUNKDIREKTEURE TE ONDERWYSDISTRIKSKANTORE, EN PRINSIPALE EN BEHEERLIGGAAMVOORSITTERS VAN GEWONE OPENBARE SKOLE |
| HERINNERING AAN NIE-ARTIKEL 21-SKOLE OM REKWISISIES VIR LEER- EN ONDERRIGONDERSTEUNINGSMATERIAAL (LOOM) SOWEL AS PLAASLIKE AANKOPE VOOR TE LÊ. |
| 1. |
Bylae A, paragraaf 3.5.2, van Norme-en-standaardeomsendbrief 0032/2009 van 17 September 2009 het nie-artikel 21-skole versoek om hulle hoofrekwisisies vir leer- en onderrigondersteuningsmateriaal (LOOM) (WKOD 034) en plaaslike aankope (WKOD 026) voor te lê teen Vrydag, 23 April 2010. |
| 2. |
Dit word aanbeveel dat skole LOOM-bestellings plaas vir ten minste 70% van hulle toegekende LOOM-begroting in hulle hoofbestelling. Skole moet verseker dat elke leerder 'n handboek het in elke vak of leerarea. |
| 3. |
Behalwe handboeke, kan die volgende LOOM ook versoek word op die WKOD 034-vorm: biblioteekboeke, plakkate, kaarte, muurkaarte, klasleesboeke, naslaanboeke, voorgeskrewe werke, woordeboeke, biblioteekbronne, voorafopgeneemde oudio- en videokassette, CD's opvoedkundige sagteware. |
| 4. |
Volgens ons rekords het baie skole nog nie hulle hoofrekwisisies vir LOOM & plaaslike aankope voorgelê nie. Uitstel sal dus verleen word vir die voorlegging van hoofrekwisisies vir LOOM en plaaslike aankope tot Vrydag, 28 Mei 2010. |
| 5. |
Skole word versoek om te bly by die keerdatums soos hierbo genoem, aangesien die verkorte tweede kwartaal, die ongewone lang wintervakansie en die drukkers se jaarlikse prysverhoging vanaf 1 Julie 2010 'n aansienlike impak sal hê op laat bestellings. |
| 6. |
Die WKOD wil graag daardie prinsipale en skoolbeheerliggame wat reeds hulle WKOD 034- en 026-vorms voorgelê het, bedank vir die akkuraatheid waarmee hulle Norme-en-standaardetoekennings gekanaliseer is. |
GETEKEN: MM HARKER
HOOF: ONDERWYS
DATUM: 2010-05-18
Grand Central Towers, Laer-Parlementstraat, Privaatsak X9114, Kaapstad 8000
Meld asseblief verwysingsnommers in alle korrespondensie
VEILIGE SKOLE: 0800 45 46 47
INBELSENTRUM: 0861 92 33 22
|
