| 1. |
Hierdie minuut dien om alle skole wat onder die Wes-Kaap Onderwysdepartement (WKOD) ressorteer daaraan te herinner dat hulle teen16:00 op 26 Januarie 2010 al die name van hulle geregistreerde leerders, en teen 16:00 op 2 Maart 2010 die data van hulle geregistreerde leerders op SOBIS bygewerk moet hê. Die volgende is 'n lys van die data van die geregistreerde leerders wat teen 2 Maart 2010 vasgelê moet wees:
|
| 1.2 |
Vakke wat deur die leerders aangebied word
|
| 1.3 |
Taal/tale van leer en onderrig
|
| 2. |
Die volgende is belangrike aspekte waarop daar vir die keerdatum van 26 Januarie 2010 gelet moet word:
|
| 2.1 |
Alle geregistreerde leerders moet in klasse geplaas word.
|
| 2.2 |
Alle geregistreerde leerders moet in toepaslike grade geplaas word.
|
| 2.3 |
Al die leerders wat die skool verlaat het om 'n ander skool by te woon en wie se name nog op SOBIS onder die naam van die skool verskyn, moet oorgeplaas word.
|
| 2.4 |
Die name van al die leerders wat die skool verlaat het en wat nie 'n ander skool bywoon nie, maar wat nog op SOBIS onder die naam van die skool verskyn, moet van die register verwyder word.
|
| 3. |
Bogemelde data is om die volgende redes belangrik:
|
| 3.1 |
Konsultasies sal vroeg in Augustus 2010 gehou word met die arbeidsvakbonde wat verteenwoordig is in die Provinsiale Raad op Arbeidsverhoudinge in die Onderwys (PRAVO), asook met die Skoolbeheerliggaamverenigings.
|
| 3.2 |
Die opvoederpersoneeldiensstaat (OPD) van 'n skool sal vroeg in September 2010 aan die skool gestuur word.
|
| 3.3 |
Die OPD's sal skole in staat stel om hulle bepanning vir 2011 so vroeg as moontlik in 2010 te finaliseer.
|
| 3.4 |
Die data op die stelsel om 16:00 op 2 Maart 2010 sal die data wees wat die WKOD sal verifieer. Dit sal ook die data wees wat gebruik sal word om 'n skool se OPD vir 2011 te bepaal.
|
| 4. |
In 2009 het die WKOD die OPD's van 'n paar skole teruggehou omdat die inligting wat daardie skole op SOBIS verskaf het, foutief was, en gevolglik is die opvoederdiensstate van daardie skole verklein. Skole word aangeraai om leerders se name voor 26 Januarie 2010 van die register te verwyder en oor te plaas. As hierdie leerders se name na, in plaas van voor, 2 Maart 2010 oorgeplaas of van die register verwyder word, sal daardie leerders nie in berekening gebring word by die bepaling van die skool se OPD nie.
|
| 5. |
Indien skole konnektiwiteitsprobleme en/of enige ander verwante probleme ondervind en nie in staat is om hulle data op SOBIS by te werk nie, word hulle aangeraai om 'n afspraak met die Direktoraat: Menslikekapitaalbeplanning te Hoofkantoor te reël ten einde van hulle fasiliteite gebruik te maak.
|
| 6. |
Indien 'n skool probleme met die bywerk van sy leerderdata op SOBIS ondervind, moet die prinsipaal die Direktoraat Menslikekapitaalbeplanning voor 12:00 op 2 Maart 2010 skriftelik daarvan in kennis stel deur van die volgende kontakbesonderhede gebruik te maak:
avmalgas@pgwc.gov.za of addposts@pgwc.gov.za of faksnommer 021 467 9384.
Wanneer die verslag gestuur word, moet die skool die volgende aandui: wat die probleem is, die tydperk waartydens die skool die probleem ondervind het, wat die skool gedoen het om die probleem op te los, wat die skool bereid is om te doen om die probleem op te los en wat die skool dink die Direktoraat: Menslikekapitaalbeplanning kan doen om te help om hulle probleem op te los. Die skool moet ook die spesifieke onderwysdistrikskantoor waaronder dit ressorteer, en die OBIS-afdeling van die Direktoraat: Kennisbestuur by die WKOD-hoofkantoor, daarvan in kennis stel.
|
| 7. |
Voor 17 September 2010 sal 'n skool die reg hê om te appelleer teen die bepaling van sy OPD vir 2011. Sodanige appèl sal egter slegs oorweeg word as die skool se data, soos versoek, teen 16:00 op 2 Maart 2010 bygewerk was.
|
| 8. |
Let daarop dat die skool se leerderdata van 26 Januarie 2010 gebruik sal word wanneer skole aansoek doen om addisionele poste vir 2010. Skole word versoek om Omsendbrief 0031/2009 en Menslikekapitaalbeplanningsminuut 0008/2009 noukeurig te lees voordat hulle aansoek doen om 'n bykomende pos vir 2010. Vir u gerief word voorbeelde van die bylaes wat saam met die aansoek om addisionele poste vir 2010 ingedien moet word, aangeheg. U word daaraan herinner dat gewone openbare skole hulle aansoeke om addisionele poste vir 2010 moet indien voordat SOBIS om 15:00 op Vrydag, 5 Februarie 2010 sluit.
|
| 9. |
Die WKOD is van voorneme om op Donderdag, 9 September 2010 OPD's via prinsipaalvergaderings wat deur Kringspanbestuurders oor die provinsie heen gehou sal word, aan alle openbare skole uit te reik . Gewone openbare skole sal die reg hê om van 4 Oktober 2010 tot 15 Oktober 2010 aansoek te doen om addisionele poste en al hierdie aansoeke sal verwerk word teen Dinsdag, 30 November 2010.
|
| 10. |
Bring asseblief die inligting in hierdie minuut onder die aandag van alle personeel en lede van skoolbeheerliggame.
|
GETEKEN: PA VINJEVOLD
HOOF: ONDERWYS
DATUM: 2010:01:12
|