| 1. |
Kungosizi olukhulu ukukwazisa ukuba iCandelo loCwangciso noLawulo lwaMaziko (Izikolo) (Directorate: IMGP (Schools) liyihlehlisile iNkomfa yeRCL ebiza kuba ngoMgqibelo we-18 Septemba 2010 layihlehlisela kuMgqibelo we-05 Matshi 2011. |
| 2. |
Isizathu sokuhlehliswa kwale nkomfa kukubakho kogwayimbo oluye lwachaphazela amalungiselelo enkomfa yethu ngolu hlobo lulandelayo:
|
| 2.1 |
Zibe mbalwa kakhulu izikolo eziye zaphendula zasithumelela ngefeksi amagama abafundi nawootitshala abangamagosa oqhagamshelwano (teacher liaison officers (TLOs)) ababeza kuya kule nkomfa. Oku kubangelwe kukuba:
- abafundi kunye/okanye ootitshala bebengekho sikolweni baza ke ngoko ababinako ukungenisa amagama afanelekileyo kwaNdlunkulu kwangexesha ukwenzela ukuba kugqityezelwe amalungiselelo othutho (transport) nawendawo yokulala (accommodation);
- abazali babe madol' anzima ukunika imvume yabo yokuba abafundi baye kwinkomfa njengoko bebexhalele ukhuseleko lomfundi (lwabafundi).
|
| 2.2 |
Izikolo ezininzi zikwaqhuba iiprogram zokubuyisa 'ixesha elilahlekileyo' ngeMigqibelo, ngenxa yogwayimbo. Oku bekuza kuthintela abafundi abaninzi ekuyeni kwinkomfa. |
| 3. |
Ngenxa yezi zizathu kuye kwafikelelwa esigqibeni sokuba inkomfa ihlehliselwe i-05 Matshi 2011, njengoko kubonakala ukuba kuya kuba yinkcitho engenanzuzo ukuqhubeka nenkomfa eyiwe ngabantu abambalwa. Siyaxolisa ngayo nayiphi na inkxamleko yenu ngenxa yokuhlehliswa kwale nkomfa. |
| 4. |
Siya kuzazisa izikolo ngamalungiselelo amatsha ethubeni. |
| 5. |
Kucelwa wazise okukule ngcaciso imfutshane bonke abachaphazelekayo ukuze bakuthathele ingqalelo. |
ISAYINWE: NGU-JH LYNERS
INTLOKO: YESEBE LEMFUNDO
UMHLA: 2010:09:14
|