| 1. |
Die Wes-Kaap Onderwysdepartement (WKOD) sal gedurende die 2010-2011-finansiële jaar R101 miljoen in handboeke, leesboeke en ander leer- en onderrigondersteuningsmateriaal (LOOM) belê. Hierdie bedrag sluit nie uitgawes deur skole op LOOM uit die norme-en-standaardefondse in nie, en vorm deel van die WKOD se verbintenis om teksryke skole daar te stel. |
| 2. |
Die WKOD sal voortgaan om groot bedrae te belê in LOOM, maar wil graag die reeks handboeke wat met die geld gekoop kan word, uitbrei. Ons kan dit egter alleenlik doen indien skole handboeke aan die einde van elke jaar terugkry, wat dan fondse sal vrystel vir die aankoop van ander soorte handboeke. |
| 3. |
Terwyl baie skole alreeds handboekherwinningstelsels in plek het, blyk dit ook dat ander nie daaroor beskik nie. Die WKOD het dus deur die hele provinsie heen 'n publisiteitsveldtog geloods om by leerders en hulle ouers aan te dring om handboeke aan die einde van elke jaar aan skole terug te besorg. |
| 4. |
Ons sal pamflette en plakkate in geselekteerde gebiede versprei, en heg voorbeelde aan vir u inligting. Indien u gedrukte kopieë verlang, lig asseblief u kringspanbestuurder daaroor in. Ons sal addisionele kopieë in die nuwe jaar verskaf. |
| 5. |
Intussen sal ons dit hoog op prys stel as prinsipale 'n handboekherwinningsprogram by hulle skole instel indien hulle dit nog nie gedoen het nie. Benewens dit dring ons by prinsipale daarop aan om te verseker dat 'n omvattende stelsel vir die bestuur van handboeke reeds in plek is vir die nuwe skooljaar. Skakel asseblief u kringspanbestuurder of IBB-bestuurder indien u meer inligting benodig oor hoe om dit in te stel. |
| 6. |
U samewerking sal opreg waardeer word. |
GETEKEN: JH LYNERS
HOOF: ONDERWYS
DATUM: 2010:11:17
|