1. Die Wes-Kaap Onderwysdepartement (WKOD) sal as gasheer optree vir 'n Interaktiewe VRL-konferensie op Saterdag, 18 September 2010, by die Kaapse VOO-kollegesaal, Kromboomweg, Crawford (voorheen bekend as die Hewat Onderwyskollege).
2. Die doel van die konferensie is dat lede van die onderskeie VRL-groepe in die provinsie met mekaar in wisselwerking kan tree en sekere onderwerpe kan bespreek. Hierdie konferensie sal ook aan die leerders 'n geleentheid bied om netwerke te vestig onder die onderskeie VRL'e in die distrikte, wat ondersteuningstrukture vir hulle kan verskaf.
3. Skole wat graag wil deelneem aan die konferensie, moet die aangehegte registrasievorm (Bylae B) voltooi en faks na mnr Ryan Erasmus van die Direktoraat: IBB-beplanning by faksno. 021 467 9385 teen Vrydag, 27 Augustus 2010.
4. Elke skool is versoek om twee VRL-lede na die konferensie te stuur - verkieslik die twee wat op die skoolbeheerliggaam dien.
5. Die aangehegte ouerlike toestemmingsvorm (Bylae D) moet deur die ouer of voog van elke leerder voltooi word en dan deur die skool veilig bewaar word.
6. Al die leerders wat die konferensie bywoon, moet in skooldrag geklee wees en, waar dit van toepassing is, hulle VRL-wapens dra.
7. Vervoer is gereël vir leerders vanaf die volgende lys van opklimpunte en tye (Bylae C) in elke onderwysdistrik. Hulle sal vergesel word van die onderwyserskakelbeamptes (OSB's) van hulle distrikte.
8. Leerders moet daaraan herinner word om hulle bagasie tot 'n absolute minimum te beperk en waardevolle items tuis te laat bly.
9. Leerders wat naby die optelpunte of die konferensievergaderplek woon, kan deur hulle ouers vervoer word of afgelaai word by die skool wat hulle bywoon. Die VRL-koördineerders in die onderskeie distrikte moet reël dat 'n onderwyser of OSB die leerders na die opklimpunt bring en hulle weer kom oplaai by die opklimpunt wanneer hulle van die konferensie af terugkeer.
10. Die leerders van Eden en Sentraal-Karoo (Busse 1 - 4) en diegene van die Weskus-onderwysdistrik wat in Busno. 10 reis (wat die reis in Van Rhynsdorp begin) sal in verskillende hotelle geakkommodeer word naby die konferensiesentrum. Ongeveer 300 leerders en 40 opvoeders (distriksbeamptes ingesluit) sal oorbly op die nag van Vrydag, 17 September 2010. Die hotelle sal Vrydagaand aandete die Saterdagoggend van 18 September 2010 ontbyt verskaf. Alle busse wat vervoer verskaf, sal onmiddellik na die konferensie op Saterdag, 18 September 2010 vertrek, dieselfde terugroete volg waarmee hulle na die konferensie gekom het en die leerders op dieselfde punte waar hulle opgeklim het, aflaai. Skole moet seker maak dat die leerders opgelaai word nadat hulle van die bus afgeklim het.
11. Die onderwysers wat leerders na die sentrale opklimpunte vervoer het, en terug na die skool geneem het, kan vir reiskoste eis deur die Z43-vorm en 'n Reis-en-verblyf-eisvorm invul.
12. Elke onderwysdistrik is versoek om vir leerders te reël om vergesel te word van een OSB vir elke 30 VRL-lede. Dit sal beteken dat elke bus 'n minimum van 2 OSB's sal hê wat die leerders sal vergesel.
13. Die konsepprogram, die registrasievorm en die ouerlike toestemmingsvorm is aangeheg.
14. Bring asseblief die inhoud van hierdie minuut onder die aandag van alle belanghebbendes.


GETEKEN: JH LYNERS
HOOF: ONDERWYS
DATUM: 2010:08:13

Bylae A: 2010 VRL Interaktiewe Konferensie Konsepprogram  (grootte: 14 KB)
Bylae B: Registrasievorm  (grootte: 36 KB)
Bylae C: Lys van bus-opklimpunte en tye  (grootte: 17 KB)
Bylae D: Ouerlike toestemmingsvorm  (grootte: 36 KB)