| 1. |
Ons is baie jammer om u in kennis te stel dat die Direktoraat :IBBB (Skole) die Konferensie vir Verteenwoordigende Leerlingrade (VLR's) moes uitstel van Saterdag, 18 September 2010 tot Saterdag, 05 Maart 2011. |
| 2. |
Die VLR Konferensie is uitgestel weens die stakingsaktiwiteite om die volgende redes: |
| 2.1 |
Daar was 'n swak reaksie van die skole wat vir ons name moes faks van leerders en onderwyserskakelbeamptes (OSB's) wat die konferensie sou bywoon. Die redes hiervoor was as volg:
- Leerders en/of opvoeders was nie op skool nie, en kon dus nie die betrokke name betyds aan die Hoofkantoor lewer vir die finalisering van vervoer- en akkommodasiereëlings nie.
- Ouers was onwillig om verlof toe te staan dat die leerders dit kon bywoon aangesien hulle besorgd was oor hulle veiligheid.
|
| 2.2 |
Baie skole is besig met programme op Saterdae om die verlore tyd te probeer inhaal. Dit sou baie leerders verhinder het om die konferensie by te woon. |
| 3. |
Gevolglik is daar besluit om die konferensie uit te stel na 05 Maart 2011, aangesien dit vrugtelose uitgawe sou wees om voort te gaan met 'n konferensie wat swak bygewoon sou word. |
| 4. |
Ons sal skole spoedig in kennis stel van die nuwe reëlings. |
| 5. |
Bring asseblief die inhoud van hierdie minuut onder die aandag van alle belanghebbendes. |
GETEKEN: JH LYNERS
HOOF: ONDERWYS
DATUM: 2010:09:14
|