| 1. |
Iintsuku eziyi-16 zoKulwa uBundlobongela ngakuBafazi liphulo laMazwe aManyeneyo (United Nations) elikhunjulwa ukuqalela nge-25 Novemba ukuya kwi-10 Disemba kunyaka ngamnye ukukhuthaza ulwazi ngendima enkulu edlalwa bubundlobongela ngakubafazi nasebantwaneni. |
| 2. |
UMXHOLO WEPHULO NGO-2010
"Musa ukudukisa, bulwe ubondlobongela" ("Don't Look Away, Act Against Abuse")
|
| 3. |
IMIHLA EBALULEKILEYO NGETHUBA LEENTSUKU EZIYI-16 ZOKULWA UBUNDLOBONGELA |
| 3.1 |
25 Novemba 2010 - USuku lwaMazwe ngaMazwe loKulwa uBundlobongela ngakuBafazi
I-International Day for the elimination of Violence against Women iqalisa iphulo leeNtsuku eziyi-16 zoKulwa uBundlobongela ngakubafazi. Olu suku luqatshelwe ngamatsha-ntliziyo alwela amalungelo abafazi (women activists) njengosuku lokulwa ubundlobongela ngakubafazi (nakubantwana) ukususela ngo-1981. Olu suku luthathwa njengolokukhumbula ukugwintwa ngolunya nangenkohlakalo ngo-1960 koodade abathathu iiMirabal sisters (three Mirabal sisters), amatsha-ntliziyo ezopolitiko kwiDominican Republic, ngokwemiyalelo yomlawuli weDominican, uRafael Trujillo (1930-1961). Olu suku lujolise ekuxhobiseni abafazi ngokuthi mabaphakame balwele amalungelo abo, kodwa kukwabhenelwa nasemadodeni ukuba adlale indima ephambili ekupheliseni ubundlobongela obusekelwe kwezesini (gender-based violence). |
| 3.2 |
1 Disemba 2010 - uSuku lwe-AIDS kwiHlabathi Jikelele
USuku lwe-AIDS kwiHlabathi Jikelele lumalunga nokwandisa ulwazi, ukufundisa nokulwa ukuqala ugwebe (prejudice). Lukhumbuza abantu ngokuba I HIV lidabi eliqhubeka okokoko neliliwa yonke imihla.Ngethuba lePhulo iWorld AIDS Campaign abantu bayakhuthazwa ukuba banxibe iribhoni ebomvu ukuvuyela impilo yabantu abaphila neHIV nokukhumbula abo bathe basweleka ngenxa ye-ukuba nenkathalo nokuba nenkxalabo nge-HIV ne-AIDS nokukhumbuza abanye ngemfuneko yenkxaso yabo nokuzibophelela kwabo. |
| 3.3 |
3 Disemba 2010 - USuku lwaBantu abaKhubazekileyo lwaMazwe ngaMazwe
Olu suku lujolise ekukhuthazeni ukuqonda imiba engokhubazeko, amalungelo abantu abakhubazekileyo nokungabakhupheli bucala abantu abakhubazekileyo koko bafakwe kuyo yonke imibandela yezopolitiko, yezentlalo, yezoqoqosho neyenkcubeko yoluntu jikelele. Lunika ithuba lokuba elowo nalowo noluntu ngokubanzi luthathe inxaxheba kwimisebenzi enjongo ikukudala umoya jikelele wokubandakanya abantu abakhubazekileyo kwizinto zonke ezenziwayo. Njengangoku, bamalunga ne-3.4% abantu eNtshona Koloni abaphila nokhubazeko. |
| 3.4 |
10 Disemba 2010 - USuku lwaMalungelo oLuntu lwaMazwe ngaMazwe
Sonke sinelungelo ngokulinganayo kumalungelo oluntu apho kungekho lucalu-calulo. NgoSuku lwaMalungelo oLuntu lwaMazwe ngaMazwe kuvuyelwa usuku ekwamkelwa ngalo i-Universal Declaration of Human Rights yi-General Assembly of the United Nations. |
| 4. |
Sicela bonke abaqeshwa beSebe i-WCED basijoyine ekujoliseni kwezi ntsuku zili-16 baze bathathe inxaxheba ekukhuthazeni ukuqatshelwa kobundlobongela obusekelwe kwezesini nemiba engamalungelo oluntu kwaye babe yinxalenye yephulo lokuphelisa zonke iintlobo zobundlobongela ngakubafazi nasebantwaneni. |
ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2010:11:24
|