| 1. |
Paragraaf 8.3.3.6 van die Rekenkundige Beampte-stelsel bepaal dat geen tenders mag sluit binne die tydperk 15 Desember tot 15 Januarie van enige finansiële jaar nie. Daarom moet rekwisisies vir die verkryging van die volgende items binne die 2010/11 finansiële jaar voorgelê word aan die Direktoraat: Verkrygingsbestuur (Aandag: Mnr RL Africa) teen nie later nie as 31 Oktober 2010:
- Goedere en dienste wat verkry is via tender, mits die verkryging op die betrokke komponent se verkrygingsplan verskyn;
- Alle toerusting (soos meubelment of IKT-verwante goedere) en dienste;
- Ander goedere (soos kantoortoerusting en drukkerkasette) en dienste.
|
| 2. |
Verantwoordelikheidsbestuurders moet 'n behoorlik voltooide BRS-uitgawestruktuurvorm (PGWC 002) asook die spesifikasies vir die goedere of dienste aanheg by hulle rekwisisies. Hulle moet op die PGWC 002 vorm aandui watter bedrag toegeken is aan die betrokke item of diens. Indien daar onsekerheid bestaan oor die struktuur, neem asseblief vrymoedigheid om die Direktoraat: Bestuursrekeningkunde te raadpleeg. |
| 3. |
Bring asseblief die inhoud van hierdie minuut onder die aandag van alle betrokkenes. |
| 4. |
U samewerking in hierdie verband sal hoog op prys gestel word. |
GETEKEN: LJ ELY
HOOF: ONDERWYS
DATUM: 2010:09:07
|