1. Die Kantoor van die Premier van die Wes-Kaap het die WKOD onlangs aangeraai om alle PPBOS-prestasieassesserings te finaliseer, met insluiting van die modereringsproses vir die 2009/2010-siklus, teen 28 Mei 2010.
2. Die instruksie het 'n wysiging genoodsaak in die gestelde datum soos voorsien in die Interne Menslikekapitaalbestuursminuut 001/2010, wat ook die skedule vir die voltooiing van die 2009-2010 PPBOS-siklus verskaf het.
3. Die aanvanklike datum wat gestel is vir die voorlegging van die finale prestasieassesserings, nl. 28 Mei 2010, is nou gewysig en verander na 30 April 2010.
4. Al die Bylaes (A - G) moet op die nuwe datum voorgelê word. Diegene wat alreeds Bylaes A, B, C1 en C2 ingelewer het, moet die res van die Bylaes teen die nuwe datum inlewer.
5. Lynbestuurders en toesighouers moet verseker dat al die Bylaes voltooi en onderteken word deur die gepaste beamptes.
6. Dit is van die uiterste belang dat die modereringsproses onmiddellik na 30 April 2010 begin, sodat moderering teen 28 Mei 2010 afgehandel kan wees.
7. Voorsitters en paneellede sal gekies word ingevolge die gestipuleerde modereringsvereistes, wat aangestuur sal word na die gekeurde beamptes in die loop van hierdie maand.
8. Dit is belangrik vir die verkose voorsitters en paneellede om 'n behoorlike modereringskedule op te stel om seker te maak dat moderering teen 28 Mei 2010 afgehandel sal wees.
9. Bring asseblief die inhoud van hierdie minuut onder die aandag van alle openbare dienspersoneel onder u toesig.


GETEKEN: PA VINJEVOLD
HOOF: ONDERWYS
DATUM: 2010:04:20