1. Hoofde van onderwysinrigtings word versoek om staatsdienswerknemers op kontrak by onderwysinrigtings op salarisvlakke 1 - 5 en met een jaar of meer jare se deurlopende diens soos op 1 Januarie 2010, vir omskakeling van kontrakaanstellings na permanente aanstelling op proef te identifiseer. Die goedkeuring van hierdie permanente aanstellings geskied egter nie outomaties nie, aangesien daar aan spesifieke kriteria voldoen moet word voor goedkeuring deur die Onderwyshoof vir sodanige oorskakeling verleen kan word.
2. 'n Amptelike verifikasiesertifikaat wat kriteria spesifiseer vir die goedkeuring van die oorskakeling, moet geteken word deur die onderskeie hoofde van onderwysinrigtings vir elkeen van die inrigting se staatsdiens-kontrakwerknemers met een of meer jaar se deurlopende diens soos op 1 Januarie 2010. Alle voltooide verifikasiesertifikate moet voorgelę word aan die Direkteur: Menslikekapitaalbestuur teen 23 Maart 2010.
3. Om seker te maak dat alle verifikasiesertifikate korrek voltooi is en dat hoofde van onderwysinrigtings sertifikate voorgelę het van alle kwalifiserende kontrak-staatsdienswerkers, is distrikskantore versoek om met die verifikasie te help.
4. Die lys van kwalifiserende kontrak-staatsdienswerkers per distrik, sowel as 'n afskrif van die verifikasiesertifikaat wat voltooi moet word, sal aan elke distriksdirekteur ge-e-pos word.
5. Daar sal van die distrikskantore verwag word om die volgende take te verrig:
5.1 Betrokke IBB-bestuurders sal die lys van kwalifiserende kontrak-staatsdienswerkers met een of meer jare deurlopende diens soos op 1 Januarie 2010 versprei onder onderwysinrigtings;
5.2 Kringspanbestuurders sal voltooide verifikasiesertifikate ontvang van hoofde van onderwysinrigtings en sal verifieer dat alle velde voltooi is en sertifikate geteken is deur hoofde van inrigtings;
5.3 Kringspanbestuurders sal alle uitstaande sertifikate nagaan en voltooide verifikasiesertifikate voorlę aan die distriksdirekteur;
5.4 Distriksdirekteure sal alle voltooide verifikasiesertifikate aanstuur na die Direkteur: Menslikekapitaalbestuur teen 23 Maart 2010.
6. Let asseblief daarop dat goedkeuring om voort te gaan met die oorskakeling van die status van 'n staatdienswerknemer op kontrak na permanent op proef, alleenlik verleen kan word indien die oorskakeling aanbeveel is deur die hoof van die betrokke inrigting.
7. U hulp met hierdie proses sal hoog op prys gestel word.


GETEKEN: PA VINJEVOLD
HOOF: ONDERWYS
DATUM: 2010:03:05