1. Die besluit geneem by die Provinsiale Topbestuursvergadering van 2 Julie 2009 oor die opgradering van salarisse van die klerklike personeel verwys.
2. By daardie vergadering is besluit dat die salarisvlakke van klerke in die volgende posklasse na Salarisvlak 5 opgegradeer sal word:

  • Lynfunksies en ondersteuning;
  • Bestuur en ondersteuning;
  • Menslike hulpbronne en ondersteuning.
3. Die voormelde het betrekking op Administratiewe Klerke by onderwysinrigtings in die Lynfunksie- en ondersteuningsposklas. Salarisopgraderings sal op 1 April 2010 in werking tree, met terugwerkende krag tot 1 Oktober 2009.
4. Om die salarisse van hierdie werknemers op te gradeer na Salarisvlak 5, moet departemente seker maak dat alle werknemers voldoen aan Deel V.C.6 van Hoofstuk 1 van die Staatsdiensregulasies, 2001 (soos gewysig), wat soos volg lees:

C.6 Indien 'n uitvoerende gesag die salaris van 'n pos soos voorsien ingevolge regulasie V.C.5 verhoog, mag hy of sy steeds die posbekledende werknemer in die hoër gegradeerde pos behou sonder om die pos te adverteer indien die posbekleër:

  • reeds die pligte van die pos uitvoer;
  • 'n bevredigende aanslag gekry het in haar of sy haar mees onlangse prestasie-assessering; en
  • diens begin lewer teen die minimum kerf van die hoër salarisvlak.
5. Om te voldoen aan die voormelde bepalings, moet prinsipale van onderwysinrigtings verifieer of die betrokke werknemers diens lewer wat voldoen aan die taakomskrywing van Administratiewe Klerk (verifikasievorm aangeheg).
6. Indien 'n werknemer nie 'n diens voorsien wat voldoen aan die pos van Administrtiewe Klerk soos bepaal in die werknemer se taakomskrywing nie, sal daardie werknemer nie vir 'n salarisopgradering in aanmerking kom nie.
7. Prinsipale van skole wat 'n pos van Administratiewe Klerk het wat deur 'n werknemer gevul word, word versoek om die aangehegte verifikasievorm te voltooi en te onderteken en dan teen 12 Maart 2010 aan die toepaslike nommer hieronder te faks.

Onderwysdistrik Metro-sentraal - 086 549 0004
Onderwysdistrik Metro-Oos - 086 579 4306
Onderwysdsitrik Metro-Noord - 086 549 0004
Onderwysdistrik Metro-Suid - 086 549 0004
Onderwysdistrik Kaapse Wynland - 086 691 8628
Onderwysdistrik Eden & Sentrale Karoo - 086 579 4306
Onderwysdistrik Overberg - 086 691 8628
Onderwysdistrik Weskus - 086 691 8628
8. Bestuurders word vriendelik versoek om by die keerdatum te hou, aangesien laat voorleggings vertragings in die implementering van die salarisopgraderings sal veroorsaak.


GETEKEN: S. CYSTER
HOOF: ONDERWYS
DATUM: 2010:00:00

"Salary Scales as at 1 July 2010"  (grootte: 15 KB)
"Verification Form"  (grootte: 12 KB)