1. Die besluit geneem by die Provinsiale Topbestuursvergadering van 2 Julie 2009 oor die opgradering van salarisse van die klerklike personeel verwys:
2. By daardie vergadering is besluit dat die salarisvlakke van klerke in die volgende posklasse na Salarisvlak 5 opgegradeer sal word:

  • Lynfunksies en ondersteuning;
  • Bestuur en ondersteuning;
  • Menslike hulpbronne en ondersteuning.
3. Die betrokke klerklike poste hou verband met die volgende funksies

  • Verkrygingslynbestuur;
  • Algemeen of Administratief;
  • Registrasie;
  • Rekeningkunde;
  • Menslike hulpbronne.
4. Opgraderings sal op 1 April 2010 in werking tree, met terugwerkende krag tot 1 Oktober 2009.

5. Ten einde die salarisse van hierdie werknemers op te gradeer na Salarisvlak 5, moet departemente seker maak dat alle werknemers voldoen aan Deel V.C.6 van Hoofstuk 1 van die Staatsdiensregulasies, 2001 (soos gewysig), wat soos volg lees:

C.6 Indien 'n uitvoerende gesag die salaris van 'n pos soos voorsien ingevolge regulasie V.C.5 verhoog, mag sy of hy steeds die posbekledende werknemer in die hoër gegradeerde pos behou sonder om die pos te adverteer indien die posbekleër :

  • reeds die pligte van die pos uitvoer;
  • 'n bevredigende aanslag gekry het in haar of sy mees onlangse prestasie-assessering; en
  • diens begin lewer teen die minimum kerf van die hoër salarisvlak.
6. Ten einde te voldoen aan die voormelde bepalings, moet direkteure te Hoofkantoor en onderwysdistrikskantore verifieer of die betrokke werknemers diens lewer wat voldoen aan die taakomskrywings van die volgende poste:

  • Verkrygingslynbestuursklerk;
  • Administratiewe Klerk;
  • Registrasieklerk;
  • Rekeningkundige Klerk;
  • Menslikehulpbronklerk (Personeelklerk).
7. Daardie werknemers wat nie dienste voorsien wat voldoen aan die bogemelde poste, soos in hulle taakomskrywings bepaal is nie, sal nie vir 'n salarisopgradering in aanmerking kom nie.
8. Alle direkteure word vriendelik versoek om die aangehegte verifikasievorm te voltooi vir werknemers in hulle direktorate wat dienste lewer wat verband hou met die onderskeie klerklike funksies. 'n Lys van u klerklike personeel sal aan u ge-epos word.
9. Die voltooide en ondertekende verifikasievorms moet teen 12 Maart 2010 na nommer 086 579 4305 gefaks word. Direkteure word versoek om by die keerdatum te hou, aangesien laat voorleggings vertraging in die implementering van die salarisopgraderings sal veroorsaak.


GETEKEN: PA VINJEVOLD
HOOF: ONDERWYS
DATUM: 2010:02:19

"Salary Scales as at 1 July 2010"  (grootte: 15 KB)
"Verification Form"  (grootte: 12 KB)