| 1. |
Die doel van hierdie minuut is om u te herinner aan die insette wat benodig word vir die samestelling van die interim finansiële state (IFS) deur die Wes-Kaap Onderwysdepartement (WKOD) vir die 2010 - 2011 vir die 30 finansiële jaar soos op 30 September 2010. |
| 2. |
Soos u voorheen ingelig is, het die Nasionale Tesourie voorskrifte dat alle staatsdepartemente IFS's moet saamstel soos op 30 September en dit moet voorlê aan die betrokke Tesourie vir hersiening. Die doel van interim verslagdoening is om die integriteit en gehalte te verbeter van finansiële inligting soos gerapporteer in die jaarlikse finansiële state (JFS'e) en in besonder in openbaarmakingsnotas, en om departemente voor te berei op die oorgang na toevallingsrekeningkunde. Die WKOD se IFS'e moet voorgelê word aan die Provinsiale Tesourie (PT) teen nie later nie as 15 November 2010. |
| 3. |
Ten einde hierdie direktoraat in staat te stel om aan hierdie bepalings te voldoen, is dit noodsaaklik dat die verantwoordelike persone wat op die aangehegte lys aangedui word, hulle insette so gou moontlik na die einde van die finansiële maand van September 2010 op die Basiese Rekeningkundige Stelsel, of teen nie later nie as 15 Oktober 2010, indien. |
| 4. |
Let asseblief daarop dat alle insette vergesel moet wees van ondersteunende dokumentasie wat deur die opsteller onderteken is en as korrek gesertifiseer en onderteken is deur die betrokke direkteur of opsiener. Waar nodig, moet die ondersteunende dokumentasie in elektroniese formaat ingedien word, soos die normale vereiste vir die JFS is. Die IFS sal nie deur die Kantoor van die OG geouditeer word nie, maar sal hersien word en geassesseer word deur die PT, wat hulle bevindings aan die Rekeningkundige Beampte sal rapporteer. Daarom sal die hooffokus wees op die toetsing van data-integriteit en die voorkoming van enige toekomstige ongunstige oudituitkomste. |
| 5. |
Vir gerieflike verwysing sal elektroniese weergawes van profielvorms vir die samestelling van die finansiële state soos van toepassing op elke afdeling aan die persone op die aangehegte lys ge-e-pos word saam met die betrokke gids vir die voorbereiding van finansiële state. |
| 6. |
Enige navrae in bogenoemde verband kan gerig word aan mnr MJ Comer by tel. 021 467 2736, of mnr S van Wyk by tel. 021 467 2738. |
| 7. |
U samewerking sal hoog waardeer word. |
GETEKEN: LJ ELY
HOOF: ONDERWYS
DATUM: 2010:10:08
|