1. Die doel van hierdie minuut is om u te herinner aan die insette wat u moet lewer vir die samestelling van die finansiële state deur die Wes-Kaap Onderwysdepartement vir die 2009-2010 finansiële jaar.
2. Ingevolge artikel 40(1)(c) van die Wet op Openbare Finansiële Bestuur, Wet 1 van 1999, soos gewysig deur Wet 29 van 1999, moet die Rekenpligtige Beampte finansiële state vir elke finansiële jaar voorberei en hulle binne twee maande na die einde van 'n finansiële jaar vir ouditering indien by die Ouditeur-generaal (OG) en die Provinsiale Tesourie (PT), wat gekonsolideerde finansiële state sal voorberei. Dit beteken dat die WKOD se voltooide en ondertekende finansiële state nie later nie as 31 Mei 2010 ingedien moet word.
3. Ten einde hierdie direktoraat in staat te stel om aan die bepalings van die Wet op Openbare Finansiële Bestuur te voldoen, is dit noodsaaklik dat die verantwoordelike persone op die aangehegte lys hulle insette by hierdie direktoraat moet indien so gou as moontlik na die einde van die finansiële jaar, of teen nie later nie as 16 April 2010, indien nie onderworpe aan jaarsluiting nie. Let asseblief daarop dat insette vergesel moet word van stawende dokumentasie in elektroniese formaat, soos en wanneer vereis deur die OG se kantoor. Insette/stawende dokumentasie wat in hardekopieformaat ingedien word, moet as korrek gesertifiseer en onderteken wees deur die betrokke direkteure/toesighouers.
4. Vir gerieflike verwysing sal elektroniese weergawes van uittreksels uit profielvorms vir die samestelling van die finansiële state soos van toepassing op elke afdeling, saam met die toepaslike gids vir die voorbereiding van die finansiële state, aan die persone op die aangehegte lys ge-e-pos word.
5. Enige navrae in hierdie verband kan gerig word aan mnr MJ Comer by 021 467 2736, of mnr S van Wyk by 021 467 2738.
6. U samewerking sal hoog op prys gestel word.


GETEKEN: LJ ELY
HOOF: ONDERWYS
DATUM: 2010:03:31

"Bylae A"  (grootte: 28 KB)