| 1. |
ISebe leMfundo leNtshona Koloni (WCED) linovuyo ukubhengeza ukuba kukho iibhasari eziyi-250 ezifumanekayo kumalungu eekomiti zolawulo lwezikolo anqwenela ukufumana iSatifikethi se-Advanced Certificate in Education (ACE): School Leadership (SL). |
| 2. |
Ikhosi ye-ACE: SL ijolise ekuphuculeni imfundo ezikolweni ngokuqeqesha iikomiti zolawulo lwesikolo kubunkokeli nolawulo ezikolweni. |
| 3. |
Aba bantu balandelayo banokufaka izicelo zeebhasari:
- Iinqununu ezine-REQV 13 (M+3) okanye ngaphezu koko
- Amasekela-nqununu ane-REQV 13 (M+3) okanye ngaphezu koko
- IiNtloko zeZifundo ezine-REQV 14 (M+4) okanye ngaphezu koko
- Ootitshala abaqeshwe isigxina liSebe iWCED
- Ootitshala abazanelisayo iimfuno zokwamkelwa kwiyunivesithi efanelekileyo (Funda isiHlomelo A)
- Ootitshala abangafumananga enye ibhasari karhulumente okanye nayiphi na enye ibhasari.
|
| 4. |
Ikhosi ye-ACE: SL iya kwenziwa ngokungesosigxina ithuba leminyaka emibini, ukususela ngo-Januwari 2011 ukuya kuDisemba 2012. Ikhosi iya kukhokelela kwi-NQF Level 6 qualification kwaye iya kuqhutywa ngokusebenzisa i-network education, kwakunye neeseshoni zokufundiswa ngqo ngumntu xa kuziiholide zesikolo. (Funda isiHlomelo A) |
| 5. |
Ibhasari nganye iya hlawulela iifizi zobhaliso nezokufunda kwaye iya kuhlawulwa ngqo kwi-akhawunti yebhanki yeziko lemfundo eliphezulu elichaphazelekayo. |
| 6. |
Indawo yokuhlala elungiselelwe nokuba ngaba yiyunivesithi ekuvunyelwene nayo okanye liSebe iWCED, iya kunikwa kuphela ootitshala abasuka kwiindawo ezisemaphandleni. |
| 7. |
Apho kunokwenzeka, iindleko zohambo lokuya nokubuya kwiindawo ekwenzelwa kuzo uqeqesho ziya kuhlawulwa liSebe iWCED, ukuba ngaba ootitshala abasuka kwidolophu enye okanye kwisikolo esinye bayakhwelisana.
|
| 8. |
Ootitshala bamazihlawulele ngokwabo iindleko zeencwadi nezibonelelo ezincedisa ukufunda nokufundisa, apho kusebenzayo oku. |
| 9. |
Bayacelwa ootitshala abanqwenela ukuba baqwalaselelwe ikhosi nebhasari ukuba bazalise isiHlomelo B nefom C eqhotyoshelweyo baze bazingenise kule dilesi ilandelayo engadlulanga uLwesithathu we-10 Novemba 2010:
| |
Head: Education
For attention: Mr G de Bruyn/Ms JC Titus
Directorate: Internal Human Capital Development
Western Cape Education Department
Cape Teaching & Leadership Institute
Private Bag X14
Kuils River
7579 |
|
| 10. |
Izicelo zinokufakwa kwibhokisi ephawulwe "Teacher Development" kumgangatho wesibini wesakhiwo iPerforming Arts Building ejongene neCape Teaching & Leadership Institute's Administration Building esise-Old Nooiensfontein Road, Kuils River. |
| 11. |
Apha kule ngcaciso imfutshane kuqhotyoshelwe iifom zesicelo nezemvumelwano. Iikopi zezi fom zikwafumaneka kwicandelo laBenzelwa iiNkonzo leWCED kumgangatho wesibini eGrand Central Towers, eKapa |
| 12. |
Kucelwa uqaphele ukuba
- Izicelo ezingaphelelanga okanye ezingafundekiyo aziyi kuthathelwa ngqalelo.
- Aziyi kwamkelwa izicelo ezithunyelwe ngefeksi.
|
| 13. |
Izicelo ezifunyenwe emva komhla wokuvala aziyi kuthathelwa ngqalelo. |
| 14. |
QAPHELA:
- Igama leYunivesithi oyikhethayo (iYunivesithi yaseStellenbosch okanye iYunivesithi yaseKapa) malibhalwe ngokucace gca kwifom yesicelo.
- makungeniswe nesicelo sakho iikopi ezingqiniweyo zesatifikethi sematriki sakho, izatifikethi zemfundo kunye/okanye zoqeqesho nekopi yesazisi engqiniweyo.
|
ISAYINWE: NGU-BK SCHREUDER
INTLOKO: YESEBE LEMFUNDO
UMHLA: 2010:11:01
|