INGCACISO EMFUTSHANE YECANDELO LOLAWULO LWEEMVIWO: 0008/2010 |
IYA: | KUBALAWULI (KWANDLUNKULU NAKWII-OFISI ZEZITHILI ZEMFUNDO), KWIINGCALI ZEMFUNDO EZIZIINTLOKO, KWIINTLOKO ZOQUQUZELELO NENGCEBISO NGEZE-IMG, KUBAPHATHI BEEKOMITI ZEESEKETHE, KUBAPHATHI BEZE-IMG, KUBACEBISI NGEZEKHARITYHULAM YE-ABET NAKUBAPHATHI BAMAZIKO EMFUNDO YABADALA |
| UBHALISO LWABAFUNDI BEBHALISELA IIMVIWO ZE-ABET INQANABA 4 (ABET LEVEL 4 EXAMINATIONS) MEYI 2010 NGENJONGO YOKUFUMANA ISATIFIKETHI SEMFUNDO NOQEQESHO NGOKUBANZI (GENERAL EDUCATION AND TRAINING CERTIFICATE) |
| 1. |
ISebe leMfundo leNtshona Koloni (WCED) liya kuqhuba iimviwo ze-ABET iNqanaba 4 (ABET Level 4 examinations) Meyi 2010 ngokungqinelana nemigaqo, iikhrayitheriya nemigangatho esetyenziswayo. NCEDA UQAPHELE UKUBA IIMVIWO ZIYAKU QALA NGOMHLA WESI 3 MEYI 2010 UYOKUMA WAMA 25 MEYI 2010 |
| 2. |
Ayacelwa onke amaziko emfundo yabadala abhalise kwiSebe leMfundo leNtshona Koloni (WCED community learning centres), ukuba abhalise abaviwa bawo ukuze bangenele ezi mviwo,ezikuluhlu iwezifundo ezivavanywayi -WCED kwiinkalo zezifundo abazikhethele zona, ngokuxhomekeka ekubeni abaviwa abo bayigqibile yonke imilinganiselo yemigangatho (have completed all unit standards) kwiinkalo zezifundo ezichaphazelekayo.
|
| 3. |
Uviwo lwenza i-50%, lo gama enye i-50% iya kuvela kwiiphothifoliyo zovavanyo ezimodareyithwe liziko ngokwalo (moderated site-based assessment portfolios).AKUKHO BAFUNDI MABAVUNYELWE UKUBA BANGENELE UVIWO KWINKALO YESFUNDO UKUBA LOO MFUNDI AKALUGQIBANGA UVAVANYO OLUQHUBEKELA KWIZIKO LWALOO NKALO YESIFUNDO. ABAFUNDI ABANGENAWO AMANQAKU OVAVANYO OLUQHUBEKLA KWIZIKO ABAYI KUFUMANA SIPHUMO.
|
| 4. |
Bayacelwa abaphathi bamaziko ukuba bazalise ifom enye kwezo zobhaliso zifakwe apha ngokumalunga nomviwa ngamnye onqwenela ukungenela ezi mviwo. Ukuba uthi umviwa angabikho, ngenxa yokugula okanye ngenxa yeemeko ezingenakuthintelwa, mayisayinwe loo fom yobhaliso ngumphathi weziko, nomakathi kwakhona abonise, ngakwisiginitsha yakhe, ukuba umviwa lowo wayengekho. |
| 5. |
Ngokumalunga nesicelo sohlobo loviwo olungenelwayo (entry type) kwifom, kucelwa usebenzise ikhowudi efanelekileyo ukubonisa ukuba ngaba umfundi uvela kwiziko lemfundo yabadala likarhulumente ("public") okanye kwiziko lemfundo yabadala labucala ("industry") elizimeleyo.
|
| 6. |
Kucelwa niqaphele ukuba akukho lutshintsho kwiinkalo zezifundo luya kuvunyelwa emva kokuba iifom zobhaliso (entries) zigqityiwe. Ngako oko ke iifom zobhaliso mazizaliswe ngokuchanekileyo.
|
| 7. |
Zonke iifom zobhaliso ezifakwe zonke iinkcukacha zaza zacwangciswa ngokwe-alfabethi, kunye nesiHlomelo A mazifike kwiCandelo loLawulo lweeMviwo engadlulanga uLwesihlanu we- 1 April 2010. Akukho zifom zingeniswe emva kwexesha ziya kwamkelwa. |
| 8. |
Izikhokelo ngokumalunga nokumiselwa kwemigangatho, izibheno nokukhutshwa kwezatifikethi (standardisation, appeals and certification) zingafunyanwa kwiSetyhula 0027/2004 yaye mazifundwe kunye nolu xwebhu National Policy on the Conduct of the ABET Level 4 Examinations(,Government Gazette No 23590, 2002), olwanikwa amaziko emfundo yabadala karhulumente ngo-2002. |
ISAYINWE: NGU-T SINGH
INTLOKO: YESEBE LEMFUNDO
UMHLA: 2010:03:23
Grand Central Towers, Lower Parliament Street, Private Bag X9114, Cape Town 8000
Nceda ubhale iimombolo zesalathisa kuyo yonke imbalelwano
Safe Schools: 0800 45 46 47
CLIENT CALL CENTRE: 0861 92 33 22
|
