INGCACISO EMFUTSHANE YECANDELO LOLAWULO LWEEMVIWO: 0014/2010 |
IYA: | KUBALAWULI (KWANDLU-NKULU NAKWII-OFISI ZEZITHILI ZEMFUNDO), KWIINGCALI ZEMFUNDO EZIZIINTLOKO, KWIINTLOKO ZOQUQUZELELO NENGCEBISO NGEZE-IMG, KUBAPHATHI BEEKOMITI ZEESEKETHE, KUBAPHATHI BEZE-IMG, KUBACEBISI NGEZEKHARITYHULAM YE-ABET NAKUBAPHATHI BAMAZIKO EMFUNDO OLUNTU |
| UBHALISO LWABAVIWA BEBHALISELA IIMVIWO ZESATIFIKETHI SEMATRIKI ZIKA-MEYI- JUNI 2010 NANGO-2011 |
| 2. |
Kucelwa niqaphele lo mmiselo ulandelayo ngokumalunga nobhaliso lwabaviwa ababhalisela uviwo lweSatifikethi seMatriki nesiya kupheliswa ngoJuni 2011. Kuphela ngabaviwa ababhalisela uviwo okanye ababhala uViwo lweSatifikethi seMatriki ngo-2009 okanye ngaphambi kwango-2009 abafanele ukuba babhaliselwe iiMviwo zeSatifikethi seMatriki zango-2010 nango-2011.
|
| 3. |
Kuphela kukwiimeko ezizodwa kakhulu (in exceptional circumstances), apho ingabaviwa abalipase ngokupheleleyo iBakala 11 lalaa kharityhulam indala abanikwe imvume yiNtloko yeSebe ukuba babhale uviwo lweSatifikethi seMatriki ngo-2010.
|
| 4. |
ISebe iWCED liqaphele ukuba aBaphathi bamaZiko (Centre Managers) neeNtloko zeeKholeji zaBucala (Heads Private Colleges) babhalisa abaviwa, nokuba ngaba baneminyaka eli-14 nje ubudala, nabangazanelisiyo iikhrayitheriya zobhaliso lokubhalisela uviwo lweSatifikethi seMatriki. Ngaphezulu, kucacile ukuba iqela elikhulu labaviwa elibhalisele uviwo lweSatifikethi seMatriki kuMeyi/Juni 2010 abazange babhale zimviwo ngo-2009 okanye ngaphambi koko.
|
| 5. |
ISebe iWCED likuthatha oku njengento engathandeki kwaphela yaye lilungiselela ukwenza uphando ngalo mbandela.
|
| 6. |
Baya celwa aBaphathi bamaZiko neeNtloko zeeKholeji ukuba banike ubungqina bokuba abaviwa bayazanelisa iikhrayitheriya zobhaliso ungadlulanga umhla we-20 April 2010. Apho kufunyenwe ukuba aBaphathi bamaZiko okanye iiNtloko zeeKholeji nabaviwa banika ingcaciso engachanekanga kwiifom zobhaliso ukwenzela ukuba balufanele ubhaliso (qualify for registration), ubhaliso lwaloo mviwa kunye/okanye iziphumo zaloo mviwa ziya kubhengezwa njengezililize nento engasebenziyo (null and void). Oku ke kuya kuba sisitenxo (constitute an irregularity).
|
| 7. |
Umviwa uya kubhaliselwa uviwo lukaMeyi-Juni 2011 kuphela ukuba unekopi engqiniweyo (certified copy) yeziphumo zangaphambili zeBakala 12 (advice of results) eqhotyoshelweyo okanye ukuba kuziwa nenombolo yoviwo yomviwa.
|
| 8. |
Kucelwa niqinisekise ukuba abaviwa abaza kubhalisela uviwo lweSatifikethi seMatriki luka-2011 bayangqinelana neemfuno ezingummiselo ezicaciswe kwiGazethi kaRhulumente yoMgaqo-nkqubo kaZwelonke yowe-6 Julayi 2007 kunye neSetyhula 0058/2007 yowe-1 Novemba 2007.
|
| 9. |
Iya kuthakazelelwa intsebenziswano yakho malunga noku.
|
ISAYINWE: NGU-BK SCHREUDER
INTLOKO: YESEBE LEMFUNDO
UMHLA: 2010:04:07
Grand Central Towers, Lower Parliament Street, Private Bag X9114, Cape Town 8000
Nceda ubhale iimombolo zesalathisa kuyo yonke imbalelwano
Safe Schools: 0800 45 46 47
CLIENT CALL CENTRE: 0861 92 33 22
|
