KWINQUNUNU
| 1. |
Njengoko usazi, isikolo sakho sakhethwa njengesinye sezikolo ezingama-250 eziza kuthatha inxaxheba kwiphulo lokuqala lokuqaliswa kongenelelo ngoncedo i-LitNum Intervention eliza kwenziwa kwiphondo liphela. |
| 2. |
Ngo-2009, isikolo sakho sacelwa ukuba sikhethe ootitshala abade baye kutsho kwisi-8 ukuba baye kuqeqesho loLwazi lokuFunda nokuBhala ngethuba leeholide zikaJulayi 2009. Oku kwaye kwalandelwa kukunikwa inkxaso noqeqesho okokoko okwaqhubekela esikolweni kwabanye ootitshala besikolo sakho. |
| 3. |
Kulo nyaka siza kutshintshela kumjikelo we- Numeracy/Mathematics cycle. Uqeqesho lootitshala abaziintshatsheli luya kwenziwa ngeentsuku ezi-5: 10, 11, 12 (uMgqibelo), 14 ne- 15 Juni, okuya kwenza ke kungabikho kuphazamiseka kutheni kwithuba leholide yesikolo (Khangela isiHlomelo A2 malunga nendawo yokuqhubela uqeqesho.) Amaxesha ngala: 08:00 kuye ku-16:30 yonke imihla, ngaphandle komhla we-11 Juni 2010 apho iiseshoni ziya kuphela ngo-13:00 ukulungiselela iTheki lokuVulwa kweNdebe yeHlabathi yeSoka. Yonke imihla kubhaliswa ukususela ngo-07:30. |
| 4. |
Kucelwa isikolo sakho sikhethe abanye ootitshala abasi-8 ukuba beze kuqeqesho lwe- Numeracy/Mathematics bakhethwe ngolu hlobo lulandelayo:
| ISigaba seSiseko: |
1 x HOD, 1 x utitshala weBakala 1, 1 x utitshala weBakala 2, 1 x utitshala weBakala 3; |
| ISigaba esiPhakathi: |
1 x HOD, 1 x utitshala weBakala 4, 1 x utitshala weBakala 5, 1 x utitshala weBakala 6. Aba titshala mababe ngabafundisa iMathematika. |
|
| 4.1 |
Izikolo ezincinane nezikolo ezineeklasi zamabakala amaninzi kwiklasi enye (multigrade classes) mazikhethe ngokwezi ndidi zingasentla kuloo meko iqhubekayo apho kuzo. |
| 4.2 |
Ngenxa yemfuno yokuba kufuneka luhlale luqhubeka ithuba elide ungenelelo ngoncedo, kuphela ngootitshala abakwizithuba zengqesho ezisisigxina zeSebe iWCED abaya kuthathelwa ingqalelo. (Khangela kwakhona ku-7 apha ngasezantsi.) |
| 5. |
Ziyacelwa iinqununu ukuba zizalise le fom yobhaliso iqhotyoshelweyo (isiHlomelo B2) zize zizibuyisele INGADLULANGA i-14:00 ngoLwesiHlanu, we-26 Matshi 2010 kumququzeleli we-GET wesithili semfundo ochaphazelekayo olapha ngasezantsi:
|
| 6. |
Kuya kuhlawulwa isibonelelo semali yohambo (travel allowance) phantsi kwale miqathango ilandelayo:
- Ukuza ngokupheleleyo ekhosini okuya kungqinwa ngumququzeleli we-GET wesithili semfundo nayirejista yokubakho esayiniweyo (signed attendance register);
- Ukuba uhambo lulonke oluhanjiweyo ngeli thuba lungaphezu kwe-100 km.
Makuncedwe kukhweliswane ezithuthini, kangangoko oku kunokwenzeka. Apho kusetyenziswa iiteksi, mabancede ootitshala benze amalungiselelo okuba badibanele endaweni enye abaza kuthathwa kuyo.
|
| 7. |
Eli lithuba elilodwa nelahluke mpela kwamanye lootitshala abakhethiweyo ukuba babe ziintshatsheli neenkokeli kuLwazi lokuBala/kwiMathematika esikolweni sakho. Baya kuthi kwakhona bakwazi ukuncedisa ababoneleli-nkonzo kunye neSebe leMfundo ekwenzeni uqeqesho nasekunikeni inkxaso ngokwemeko engqonge isikolo ngethuba longenelelo ngoncedo. Obu budlelwane bentsebenziswano eyinzuzo macala buya kukhuthaza ukufunda nokufundiswa koLwazi lokuFunda nokuBhala/kweeLwimi kwisikolo siphela. |
| 8. |
Ukuba unayo nayiphi na imibuzo, kucelwa ungathandabuzi ukuqhagamshelana nomququzeleli we-GET wesithili semfundo sakho. |
| 9. |
ISebe iWCED lijonge ngethemba ekuthatheni inxaxheba kwesikolo sakho kungenelelo ngoncedo i-LitNum Intervention. Le yimpendulo ekhuthazayo kumngeni esijongene nawo wokunyusa amanqanaba olwazi lokufunda nokubhala kunye nolwazi lokubala kuzo zonke izikolo, nasekuqinisekiseni ukuba bonke abafundi bayakwazi ukufunda, ukubhala nokubala ngokwamanqanaba alindelekileyo. |
ISAYINWE: NGU-BK SCHREUDER
INTLOKO: YESEBE LEMFUNDO
UMHLA: 2010-03-16
|