INGCACISO EMFUTSHANE YECANDELO LOPHUHLISO LWEKHARITYHULAM: DCF 0004/2010 |
IYA: | KUMASEKELA BALAWULI-JIKELELE, KUBALAWULI ABAZIINTLOKO, KUBALAWULI, KWIINTLOKO ZOQUQUZELELO NENGCEBISO NGEZEKHARITYHULAM, KUBAPHATHI BEEKOMITI ZEESEKETHE, KUBAPHATHI BEZE-IMG, KUMASEKELA EENGCALI ZEMFUNDO EZIZIINTLOKO, KUBACEBISI NGEZEKHARITYHULAM BESIFUNDO SOLWAZI NGEZOBOMI KWI-FET NAKWIINQUNUNU ZEZIKOLO EZIPHAKAMILEYO |
| ISIFUNDO SOLWAZI NGEZOBOMI (FET)-UQEQESHO LOOTITSHALA KWINCWADI YABAFUNDI I-TODAY'S CHOICES |
| 1. |
Kuqhutywe iikhosi zoqeqesho kwikhontenti enokusetyenziswa kwinkalo egxila koku UkuPhila Qete koMntu (Personal Well-being) ebekuqeqeshwa kuyo ootitshala bezithili zemfundo ngoJuni 2010. |
| 2. |
Enye ikhosi yoqeqesho eentsuku-ntathu kwangale khontenti inye, iya kuba nge-29 nange-30 Septemba nange-1 Oktobha 2010 ukulungiselela abo titshala bangazange baye ekhosini ngo-Juni 2010. |
| 3. |
Kucelwa ootitshala besifundo soLwazi ngezoBomi kwiFET abangazange baye kumasifundisane ngoJuni ukuba baye kulo masifundisane wesibini nekuya kucaciswa kuye okukwincwadi yabafundi i-Today's Choices. |
| 4. |
Umasifundisane uya kuqala ngo-08:30 ngosuku ngalunye aze aphele ngo-17:00. |
| 5. |
Indawo aya kuqhutyelwa kuyo lo masifundisane yi-Bernadino Heights Secondary School, La Boheme Road, Kraaifontein. |
| 6. |
Kucelwa ukuba ootitshala bazalise ifom yobhaliso eqhotyoshelweyo (IsiHlomelo A) baze bayithumele ngefeksi kuNksk Hazel Visser, Directorate: Life Skills and HIV/AIDS, kule nombolo yefeksi 086 567 9334 phambi kwe-30 Agasti 2010. Kungaqhagamshelwana noNksk Visser kule nombolo yefoni 021 467 2631.
|
| 7. |
Ootitshala abasuka kwizithili ezisemaphandleni baya kubuyiselwa ngeendleko zokuhamba. Abo titshala banenjongo yokwenza izicelo zamabango entlawulo ngezi ndleko mabeze ekhosini nale ngcaciso ilandelayo:
- Inombolo yePESALI
- Umthamo wenjini yesithuthi nonyaka esenziwe ngawo
- Umgama ngeekhilomitha ukusuka esikolweni ukuya kwindawo kamasifundisane.
|
| 8. |
Ootitshala abasuka kwizithili ezisemaphandleni abafuna indawo yokuhlala mabazenzele amalungiselelo abo. Aba titshala mabangenise amabango abo entlawulo ngeendleko zendawo yokuhlala phambi kokuba bagoduke ngosuku lokugqibela lwekhosi. |
| 9. |
Ziyacelwa iinqununu ukuba zazise okubhalwe kule ngcaciso imfutshane ootitshala besifundo soLwazi ngezoBomi bamaBakala 10 - 12 ukuze bakuthathele ingqalelo. |
ISAYINWE: NGU-BK SCHREUDER
INTLOKO: YESEBE LEMFUNDO
UMHLA: 2010-08-02
Grand Central Towers, Lower Parliament Street, Private Bag X9114, Cape Town 8000
Nceda ubhale iimombolo zesalathisa kuyo yonke imbalelwano
Safe Schools: 0800 45 46 47
CLIENT CALL CENTRE: 0861 92 33 22
|
