| 1. |
Isifundo soLwazi ngezoBomi sineenkalo ezine esigxile kuzo: UkuPhila Qete koMntu (Personal Well-being), IMfundo ngezoBumi (Citizenship Education), EzokuChitha isiThukuthezi nokuPhila Qete eMzimbeni (Recreation & Physical Well-being), EzaMakhondo noKhetho lwaMakhondo omSebenzi (Careers & Career Choices). |
| 2. |
Izifundo zoqeqesho kwinkalo ekugxilwe kuyo: UkuPhila Qete koMntu zenziwa ngo-Apreli 2010 ukuxhobisa abaqeqeshi abakhulu (master trainers) abakhethwe zizithili zemfundo. Ezi zifundo zifikelela kwikhontenti yonke emalunga nale nkalo ekugxilwe kuyo. |
| 3. |
Ukuqala ngo-Apreli 2009, iSebe iWCED lanika umfundi ngamnye okumaBakala 10 no-11 incwadi, esihloko sithi Today's Choices for FET Learners, nesethi eyahlukileyo yeToday's Choices engekhontenti yeBakala 12. Isikolo ngasinye safumana kwakhona iseti yesikhokelo sikatitshala ngotitshala ngamnye wesifundo soLwazi ngezoBomi, ehamba kunye nee-CD. Zonke ezi zinto zokufunda mazithathwe njengezinto zokuncedisa ukufunda zokongeza koko kukwincwadi yesifundo (textbook) soLwazi ngezoBomi kwanezinye izinto zokufunda. |
| 4. |
Bayacelwa bonke ootitshala besifundo soLwazi ngezoBomi beFET ukuba nge-10, 11 nange-12 Juni 2010 baye koomasifundisane (workshops) kwizithili ngezithili zemfundo, apho kuya kucaciswa indlela yokusebenzisa ezi zinto zokufunda. Oomasifundisane baya kuqala ngo-8:30 baphele ngo-16:00. Iindawo abaya kuba kuzo zidweliswe kwisiHlomelo A. |
| 5. |
Bayacelwa ootitshala ukuba bazalise ifom yobhaliso ezalisiweyo (isiHlomelo B) baze bayithumele ngefeksi kuNksk Hazel Visser, uMlawuli we-Life Skills and HIV/AIDS, kule nombolo yefeksi 086 567 9334, ungadlulanga owe-24 Meyi 2010. Kungaqhagamshelwana noNksk Visser ngale nombolo yefoni 021 467 2631. |
| 6. |
Ootitshala abasuka kwizithili zasemaphandleni baya kubuyiselwa ngeendleko zohambo. Ootitshala abanenjongo yokwenza amabango ngezi ndleko mababe nale ngcaciso ilandelayo beze nayo kwindawo eqhubekela kuyo ikhosi:
- inombolo yePESALI
- Ubukhulu benjini yesithuthi esisetyenzisiweyo nonyaka wokwenziwa kwaso
- Umgama ngeekhilomitha wokusuka esikolweni ukuya kwindawo ekuyo ikhosi
|
| 7. |
Ootitshala abasuka kwizithili zasemaphandleni abafuna indawo yokulala mabaqhagamshelane nomcebisi ngezekharityhulam we-Life Orientation wesithili. Aba titshala mabangenise amabango abo phambi kokuba bahambe ngosuku lomasifundisane. |
| 8. |
Ziyacelwa iinqununu ukuba zazise okubhalwe kule ngcaciso imfutshane ootitshala besifundo soLwazi ngezoBomi bamaBakala 10 - 12 ukuze bakuthathele ingqalelo. |
ISAYINWE: NGU-BK SCHREUDER
INTLOKO: YESEBE LEMFUNDO
UMHLA: 2010-05-14
|