INGCACISO EMFUTSHANE YECANDELO LOPHUHLISO LWEKHARITYHULAM: DCF 0002/2010 |
IYA: | KUMASEKELA BALAWULI-JIKELELE, KUBALAWULI ABAZIINTLOKO, KUBALAWULI, KWIINTLOKO ZOQUQUZELELO NENGCEBISO NGEZEKHARITYHULAM, KUBAPHATHI BEEKOMITI ZEESEKETHE, KUBAPHATHI BEZE-IMG, KWIINGCALI ZEMFUNDO EZIZIINTLOKO, KUMASEKELA EENGCALI ZEMFUNDO EZIZIINTLOKO, KUBACEBISI NGEZEKHARITYHULAM NAKWIINQUNUNU ZEZIKOLO |
| UKUSIWA KWEPHAKHEJI YEBAKALA 12 KUMVIWA NGAMNYE WOVIWO LWESATIFIKETHI SEMATRIKI SIKAZWELONKE (NSC) NGO-2010 ENTSHONA KOLONI |
| 1. |
ISebe leMfundo leNtshona Koloni lenze iphakheji yomviwa ngamnye wabaviwa be-NSC baseNtshona Koloni ngo-2010 ukubanceda kumalungiselelo abo eemviwo. Le phakheji iza ikwi-folda yePVC, ibandakanya izinto zokubhala (stationery), incwadana enika iingcebiso ngokufunda, iingcebiso ngeemviwo, ithayimthebhili yoviwo, ingcaciso ngeebhasari, iingcebiso zokubanceda bafumane impumelelo kunye nenye ingcaciso eluncedo. |
| 2. |
Injongo yoku kukuba le phakheji mayinikwe umfundi ngamnye weBakala 12 kwiveki yokuqala yekota yesibini ukuqaphela iintsuku eziyi-200 phambi kokuqala kweemviwo ze-NSC zika-2010. |
| 3. |
Ikhuriya iya kuzisa ezi phakheji kuzo zonke izikolo eziphakamileyo ungadlulanga owe-15 Apreli 2010. |
| 4. |
Inqununu okanye utitshala otyunjelwe lo msebenzi, uya kucelwa ukuba akungqine (acknowledge) ukufika kweephakheji emva kokuqinisekisa ukuba inani lezinto (items) ezisiweyo liyangqinelana ne-invoyisi ehamba kunye nebhokisi nganye. Umntu owamkela ezi phakheji makanike le ngcaciso ilandelayo kwi-invoyisi:
- Igama lakhe, inombolo yesazisi (ID) nesiginitsha yakhe;
- Igama nedilesi yesikolo ;
- Istampu sesikolo ;
- Umhla wokusiwa kweephakheji.
Ikopi ye-invoyisi mayigcinwe sisikolo.
|
| 5. |
Ukuba kuthe kanti inani leephakheji ezisiwe esikolweni alichanekanga, kucelwa uqhagamshelane ne-ofisi yesithili sakho semfundo. Iiphakheji ezingaphezu kwemfuneko mazibuyiselwe kwi-ofisi yesithili. |
| 6. |
Bayacelwa ootitshala ukuba babakhuthaze abafundi ukuba bazifunde kwaye bazisebenzise ngokukhawuleza izinto ezikwezi phakheji ukulungiselela iimviwo zabo zokugqibela. |
| 7. |
Kucelwa wazise okukule ngcaciso imfutshane bonke ootitshala ukuze bakuthathele ingqalelo. |
ISAYINWE: NGU-BK SCHREUDER
INTLOKO: YESEBE LEMFUNDO
UMHLA: 2010:03:23
Grand Central Towers, Lower Parliament Street, Private Bag X9114, Cape Town 8000
Nceda ubhale iimombolo zesalathisa kuyo yonke imbalelwano
Safe Schools: 0800 45 46 47
CLIENT CALL CENTRE: 0861 92 33 22
|
