| 1. |
ICandelo likaNondyebo wePhondo leNtshona Koloni (Western Cape Provincial Treasury), ngokusebenzisana neNedbank neSebe leMfundo leNtshona Koloni (WCED), licela izikolo ukuba zingenele olu khuphiswano 2010 Western Cape Bursary Competition, ekulukhuphiswano lokubhala isincoko (an essay-writing competition).
|
| 2. |
Olu Khuphiswano ngeeBhasari lunika abafundi beBakala 11 abakweli Phondo abenza izifundo ezidibanisa i-Economics, iMathematics ne-Accounting ithuba lokuba bafumane iibhasari nezinye izinto ezikhuthaza ukuba baqhubeke nezifundo zabo kula macandelo eyunivesithi.
|
| 3. |
Ziibhasari ezili-12, kwakunye namabhaso ayimali anjengokuncediswa ngemali ngethuba abafundi bekunyaka wabo weBakala 12, eziya kunikwa abafundi abanjongo ikukwenza isidanga kwi-Economics (umz. B Comm Economics), kwi-Accounting (umz. B Acc, B Compt.) kwi-Commerce (umz. B Bus Science) okanye kwi-Mathematics kwiyunivesithi yaseMzantsi Afrika.
|
| 4. |
Ezi bhasari zezabafundi beBakala 11 abatshatsheleyo ezifundweni (elona nqanaba lisezantsi lokuphumelela libe ngu-60%) ubuncinane kwizifundo ezibini kwezi i-Economics, iMathematics ne-Accounting yaye babe ngabafundi abafanele ukupasa bangene ngokulula eyunivesithi ngo-2012. Abangenele olu khuphiswano mababe ngabemi baseMzantsi Afrika abakwazi ncam ukuthetha nokubhala isiNgesi.
|
| 5. |
Olu khuphiswano ngeebhasari lunezi njongo
- ukudala umdla omkhulu kwi-Economics, Mathematics nakwi-Accounting kunye namakhondo emisebenzi anokulandelwa;
- ukuphucula ulwazi ngekharityhulam nezakhono kwi-Economics, Mathematics ne-Accounting;
- ukuvelisa izakhono zokwazi ukusombulula iingxaki nokwazi ukucazulula imibandela;
- ukwazisa abafundi ngeendlela ezisetyenziswayo zophando nangezakhono zokwazi ukubhala izincoko;
- ukunika abafundi amathuba okufikelela nokuqhagamshelana nelizwe lengqesho;
- ukwenza kwaziwe imiba yezentlalo neyezoqoqosho eMzantsi Afrika;
- ukukhuthaza nokuvuza abamsebenzi ugqwesileyo; kunye
- nokuphuhlisa iinkokeli zangomso kwizifundo ze-Economics, iMathematics ne-Accounting
|
| 6. |
Ixesha eliya kuthathwa lolu khuphiswano ngeebhasari liqalela kuMatshi 2010 liye kutsho kuMatshi 2011.
|
| 7. |
Kucelwa ufunde isiHlomelo A ukujonga izihloko zezincoko (zinikwe ngesiNgesi kuphela).
|
| 8. |
Kucelwa ufunde izihlomelo ukujonga oku kulandelayo:
|
| 9. |
Kufuneka izikolo zikhethe abafundi abaza kuthatha inxaxheba kukhuphiswano. Kuya kufuneka babhale isincoko esinamagama amalunga nama-2 200. Abanye abafundi beklasi yeBakala 11 abenza i-Economics bangasibhala isincoko phantsi kwesi sihloko sinye kodwa ibe ngamagama angama-500 awona maninzi.
|
| 10. |
Igqiza lootitshala esikolweni liya kusebenzisa igridi yokuvavanya ebonelelweyo ukukhetha abafundi abathathu abona baziintshatsheli abayanelisayo eyona mfuno isezantsi yokufumana i-70% (kwisincoko nakwinkcazo-ntetho yomlomo (oral presentation) zidityanisiwe) ukuba badlulele kumjikelo olandelayo wokhuphiswano. Izincoko neemakhishithi zabafundi abathathu abaziintshatsheli kunye nezabo bonke abafundi abafumene ngaphezu kwe-70% mazingeniswe kwi-ofisi yesithili semfundo ukuba zivavanywe kwiNqanaba 2 (iNqanaba lesithili) ungadlulanga owe-8 Oktobha 2010.
|
| 11. |
Igqiza lovavanyo kwisithili semfundo ngasinye liya kuvavanya izincoko ezifanelekileyo zezikolo lize likhethe abaza kungenela umjikelo wokugqibela. Ezona zincoko zili-10 zigqwesileyo kwisithili ngasinye ziya kukhethwa leli gqiza zize zidluliselwe phambili kwinqanaba lokugqibela (inqanaba lephondo) ungadlulanga owe-22 Novemba 2010.
|
| 12. |
Kuya kukhethwa ezona zincoko zitshatsheleyo ezingamashumi amabini ligqiza lokhetho lokugqibela eliya kwenziwa ngabameli bakwaNedbank, beProvincial Treasury nabeSebe iWCED.
|
| 13. |
Abagqwesileyo bokugqibela (finalists) abalishumi elinesihlanu abona baninzi, baya kucelwa ukuba beze kukhetho lokugqibela (final selection), oluya kubaseKapa ngoMatshi 2011 - ngoLwesihlanu ngenjikalanga nangoMgqibelo phambi nje kokuba kwenziwe iNtetho yeBhajethi yePhondo (Provincial Budget Speech). Kuya kufuneka benze inkcazo-ntetho yomlomo (oral presentation) ngeziphumo zophando lwabo nokuba baphendule imibuzo ebuzwa ligqiza lokhetho. Ootitshala be-Economics babafundi abafikelele kumjikelo wokugqibela baya kucelwa ukuba bakhaphe abafundi abo. Amalungu egqiza lesithili semfundo aya kumenywa ukuba eze kwitheko lonikezelo-mabhaso ngoMgqibelo.
|
| 14. |
Ziyacelwa iinqununu ukuba zazise okuqulethwe yile ngcaciso imfutshane bonke ootitshala beBakala 11 be-Economics, Mathematics, Accounting ne-Life Orientation ukuze bakuthathele ingqalelo.
|
ISAYINWE: NGU-BK SCHREURDER
INTLOKO: YESEBE LEMFUNDO
UMHLA: 2010:03:30
|