INGCACISO EMFUTSHANE YECANDELO LEKHARITYHULAM YE-FET: DCF 0015/2010 |
IYA: | KUMASEKELA BALAWULI-JIKELELE, KUBALAWULI ABAZIINTLOKO, KUBALAWULI (KWANDLUNKULU NAKWII-OFISI ZEZITHILI ZEMFUNDO), KWIINTLOKO ZOQUQUZELELO NENGCEBISO NGEZEKHARITYHULAM, KUBACWANGCISI BEZEKHARITYHULAM ABAKHULU, KUBAPHATHI BEEKOMITI ZEESEKETHE, KUBACEBISI NGEZEKHARITYHULAM, NAKWIINTLOKO ZAWO ONKE AMAZIKO EMFUNDO ALUNGISELELA ABAVIWA IIMVIWO ZESATIFIKETHI SEMATRIKI SIKAZWELONKE |
| IPROGRAM YOKURIVAYIZA NGOFEBRUWARI-MATSHI 2011 YABAVIWA ABABHALA IIMVIWO ZOKUXABANGELA ZESATIFIKETHI SEMATRIKI SIKAZWELONKE |
| 1. |
ISebe iWCED libonelela ngeprogram yokurivayiza ngo-Februwari-Matshi 2011 ukuncedisa abaviwa ababhala iimviwo zokuxabangela zeSatifikethi seMatriki sikaZwelonke (National Senior Certificate (NCS)). Iprogram yokurivayiza, eqala nge-1 Februwari ize iphele nge-13 Matshi 2011, iya kuqhutywa ukususela ngo-15:00 ukuya ku-17:00 ngeentsuku zeveki nokususela ngo-14:00 ukuya ku-18:00 ngeeCawa. Izifundo ziya kuqhutywa ngotitshala abanamava beBakala 12 zize zisasazwe ngqo lo gama ziqhutywayo ngezixhobo zesathelayithi ukuya kumaziko akhethiweyo kwizithili zemfundo ezisibhozo zaseNtshona Koloni. |
| 2. |
Izifundo zeNCS eziza kufundiswa zezi zilandelayo:
- Mathematics
- Physical Sciences
- Accounting
- Geography
- Life Sciences
- English FAL
- Afrikaans HL
|
| 3. |
Esi siHlomelo A siqhotyoshelweyo sinethayimthebhili yezifundo. |
| 4. |
Abaviwa abanqwenela ukulisebenzisa eli thuba lihle kucelwa babhalise ungadlulanga umhla we-25 Januwari 2011 kwiziko elinika inkxaso abafundi elilelona likufutshane kwindawo abahlala kuyo. (Funda isiHlomelo B ukufumana ingcaciso ngala maziko.) |
| 4.1 |
Abaviwa banokubhalisa izifundo zibe zininzi kangangoko befuna kwezi zingentla. |
| 4.2 |
Iifom zobhaliso (isiHlomelo C) ezizaliswe ngokupheleleyo mazingeniswe ngesandla okanye ziposelwe kwelona ziko linika inkxaso likufutshane ungadlulanga owe-25 Januwari 2011. |
| 4.3 |
Bayacelwa abaviwa ukuba beze kwizifundo namaphepha emibuzo afanelekileyo abawabhalileyo ngo-Oktobha-Novemba 2010 nezinto zabo zokubhala. |
| 5. |
Abaviwa abangenako ukufikelela kumaziko anika inkxaso kubafundi adweliswe kwisiHlomelo B, bangazithenga ezi zifundo zokunika inkxaso (support lessons) zikwi-DVDs ngexabiso elifikelelekayo kwiSebe iWCED ngokuzalisa ifom yoku-odola (isiHlomelo D) baze bayithumele ngefeksi kwa-EDUMEDIA apha 021 685 7421. |
| 6. |
Kucelwa iinqununu zinike ikopi yethayimthebhili yokurivayiza neefom ezifanelekileyo umviwa ngamnye ofanelekileyo ukubhala iimviwo zokuxabangela ngo-Februwari-Matshi, ngosuku abaze kuthatha ngalo iziphumo zabo esikolweni. |
ISAYINWE: NGU-BK SCHREUDER
INTLOKO: YESEBE LEMFUNDO
UMHLA: 2010:12:03
Grand Central Towers, Lower Parliament Street, Private Bag X9114, Cape Town 8000
Nceda ubhale iimombolo zesalathisa kuyo yonke imbalelwano
Safe Schools: 0800 45 46 47
CLIENT CALL CENTRE: 0861 92 33 22
|
