INGCACISO EMFUTSHANE YECANDELO LEKHARITYHULAM YE-FET: DCF 0014/2010 |
IYA: | KUBALAWULI ABAZIINTLOKO, KUBALAWULI (KWANDLUNKULU NAKWII-OFISI ZEZITHILI ZEMFUNDO), KUBAPHATHI BEEKOMITI ZEESEKETHE, KUBAPHATHI BEZE-IMG, KWIINTLOKO ZOQUQUZELELO NENGCEBISO NGEZE-IMG, KWIINTLOKO ZOQUQUZELELO NENGCEBISO NGEZEKHARITYHULAM BESIFUNDO SOLWAZI NGEZOBOMI NAKWIINTLOKO ZAMAZIKO EMFUNDO E-WCED AFUNDISA AMABAKALA 8 - 12 |
| ISIFUNDO SOLWAZI NGEZOBOMI KWI-FET: UQEQESHO LOOTITSHALA KWI-PACE School-to-Work-Programme |
| 1. |
Njengokuba bonke ootitshala besifundo soLwazi ngezoBomi kufuneka bazithembe babe nolwazi nobuchule kwisifundo samakhondo emisebenzi (career guidance) abasifundisa abafundi, iSebe leMfundo leNtshona Koloni (WCED) lilungiselela ukuqeqesha ootitshala besifundo soLwazi ngezoBomi be-FET. |
| 2. |
Ikhosi yoqeqesho kwiprogram yePACE: School-to-Work Programme iya kwenzelwa ootitshala besifundo soLwazi ngezoBomi bamaBakala 10 - 12 abangalufumananga uqeqesho kule program ngaphambili. Le khosi yosuku olunye iya kuqhutywa nge-19 Februwari 2011 eRavensmead Secondary School, eUilswaterweg (uphuma eDe la Rey Road, Ravensmead, PAROW, ukuqala ngo-8:30-16:00. |
| 3. |
Kucelwa utitshala abe MNYE we-FET kwisikolo ngasinye ukuba eze kule khosi. |
| 4. |
Ootitshala abasuka kwizithili ezisemaphandleni baya kubuyiselwa ngeendleko zokuhamba. Ootitshala abanenjongo yokwenza izicelo zebango lentlawulo ngezi ndleko mabeze ekhosini nale ngcaciso ilandelayo:
- Inombolo yePESALI
- Umthamo wenjini yesithuthi nonyaka esenziwe ngawo
- Umgama ngeekhilomitha ukusuka esikolweni ukuya kwindawo yoqeqesho
|
| 5. |
Ootitshala abasuka kwizithili ezisemaphandleni abafuna indawo yokuhlala mabazenzele amalungiselelo abo. Aba titshala mabangenise amabango abo entlawulo ngeendleko zendawo yokuhlala phambi kokuba bagoduke ngosuku lokugqibela lwekhosi. |
| 6. |
Makuzaliswe ifom yobhaliso eqhotyoshelweyo (isiHlomelo A) ngotitshala ngamnye oza kube eze ekhosini. Ziyacelwa iinqununu ukuba zithumele ngefeksi ifom yobhaliso, isiHlomelo A, kuNksk D. Christiaans, apha 021 467 2258, ungadlulanga owe-31 Januwari 2011. |
| 7. |
Ziyakhunjuzwa iinqununu ukuba ukuya kule khosi kungathathelwa ingqalelo xa kuzaliswa iifom ze-IQMS zootitshala. |
| 8. |
Ukuba ufuna ingcaciso engaphezulu, kucelwa uqhagamshelane noNksk D Christiaans kule nombolo yefoni 021 467 2589 okanye umthumelele i-imeyili apha dchristi@pgwc.gov.za.
|
| 9. |
Ziyacelwa iinqununu ukuba zazise okubhalwe kule ngcaciso imfutshane bonke ootitshala besifundo soLwazi ngezoBomi ukuze bakuthathele ingqalelo. |
ISAYINWE: NGU-BK SCHREUDER
INTLOKO: YESEBE LEMFUNDO
UMHLA: 2010:12:03
Grand Central Towers, Lower Parliament Street, Private Bag X9114, Cape Town 8000
Nceda ubhale iimombolo zesalathisa kuyo yonke imbalelwano
Safe Schools: 0800 45 46 47
CLIENT CALL CENTRE: 0861 92 33 22
|
