| 1.1 |
Le ngcaciso imfutshane mayifundwe kunye neNgcaciso eMfutshane yoLawulo loVavanyo 0018/2009, eyayisazisa izikolo ngolawulo lotshintsho lwezifundo kumaBakala 10, 11 no-12. |
| 1.2 |
Kwixesha elizayo, lonke utshintsho lwezifundo ezikolweni malwenziwe kwiCentral Education Management Information System (CEMIS). |
| 1.3 |
Ziyacelwa izikolo ukuba ziluphephe naluphi na utshintsho lwezifundo kumaBakala 11 no-12 ngaphandle kokuba oko kuyimfuneko enkulu kwaye kulungiselela ngeyona ndlela ibhetele abafundi abachaphazelekayo. |
| 1.4 |
Kwakubanje kuvunywe izicelo zotshintsho lwezifundo, isikolo masiqinisekise ukuba abaviwa bayazanelisa iimfuno ezingummiselo zovavanyo oluqhutyelwa esikolweni kweso sifundo sitsha. |
| 2. |
IINGXAKI EZIFUMANEKILEYO KUTSHINTSHO LWEZIFUNDO NGO-2010
|
| 2.1 |
Uninzi lwezikolo alukhange luwuthobele umhla wokuvalwa kwezicelo zotshintsho lwezifundo ngo-2010. Ukuqala ngo-2011 ukuya phambili, akuyi kwamkelwa zicelo zingeniswa emva kwexesha. |
| 2.2 |
Babe baninzi kakhulu abafundi abenza isicelo sokutshintsha izifundo ngaphezu kotshintsho oluvunyelwa ngumgaqo-nkqubo. Ziyacelwa izikolo ukuba zilandele ngqo umgaqo-nkqubo kwaye zenze izicelo ezingekho ngaphezu kwelona nani liphezulu lotshintsho lwezifundo livumelekileyo kumfundi ngamnye njengoko kucacisiwe kwiCandelo 3 lale ngcaciso imfutshane. |
| 2.3 |
Ingcaciso enikwe zizikolo kwifom yokwenza isicelo ngekhompyutha (online application form) yayineenkcukacha ezingaphelelanga kwiimeko ezininzi. Izikolo mazikhumbule ukuyizalisa ikholam yokunika izizathu ezixhasa isicelo (motivation column). |
| 2.4 |
Inani lilonke lezicelo zotshintsho lwezifundo kwiphondo beliphezulu kakhulu. Uninzi lwazo ibe izizicelo zokwenziwa kwezilungiso kwizicelo zobhaliso olukwiCEMIS. Xa abaphathi beze-IMG bendwendwela izikolo apha enyakeni, mabaqinisekise ukuba iishedyuli zamanqaku (mark schedules) kumabakala ahlukeneyo kwisikolo ngasinye zibonisa ubhaliso olukwiCEMIS wesikolo. Iinqununu mazinike abaphathi beze-IMG iilisti zobhaliso kwiCEMIS (CEMIS registrations). |
| 3. |
INKQUBO YOKUVUNYWA KOTSHINTSHO LWEZIFUNDO KUMABAKALA 10, 11 NO-12 UKUQALA NGO-2011 |
| 3.1 |
UTSHINTSHO LWEZIFUNDO KWIBAKALA 10 |
| 3.1.1 |
Zizifundo ezibini kumfundi ngamnye ezona zininzi ngonyaka ezinokutshintshwa.
|
| 3.1.2 |
Olu tshintsho kwizifundo maluvunywe yinqununu luze emva koko lufakwe kwiCEMIS.
|
| 3.1.3 |
Umhla wokuvala kokwenza utshintsho lwezifundo ezikolweni yi-31 Julayi ngonyaka ngamnye
|
| 3.2 |
UTSHINTSHO LWEZIFUNDO KWIBAKALA 11 |
| 3.2.1 |
Zizifundo ezibini kumfundi ngamnye ezona zininzi ngonyaka ezinokutshintshwa. |
| 3.2.2 |
Umhla wokuvala kokungeniswa kwezicelo zizikolo zokutshintsha izifundo yi-31 Julayi ngonyaka ngamnye. |
| 3.2.3 |
Zonke izicelo zotshintsho lwezifundo mazivunywe yi-ofisi yesithili semfundo ungadlulanga owe-15 Agasti ngonyaka ngamnye. |
| 3.3 |
UTSHINTSHO LWEZIFUNDO KWIBAKALA 12 |
| 3.3.1 |
Sisifundo esinye kumfundi ngamnye ezona zininzi ngonyaka esinokutshintshwa. |
| 3.3.2 |
Umhla wokuvala kokungeniswa kwezicelo zizikolo zotshintsho lwezifundo yi-31 Januwari ngonyaka ngamnye. |
| 3.3.3 |
Kuzo zonke izicelo zotshintsho lwezifundo makunikwe ingcebiso (be recommended) ngazo yi-ofisi yesithili semfundo nge-15 Februwari ngonyaka ngamnye. |
| 3.3.4 |
Lonke utshintsho lwezifundo luya kuvunywa ngekhompyutha nguNdlunkulu ungadlulanga owe-28 Februwari ngonyaka ngamnye. |
| 4. |
UKUVUNYWA KOTSHINTSHO LWEZIFUNDO UKUQALA NGO-2011 KUYE PHAMBILI |
| 4.1 |
Kwakubanje kuvunywe isicelo sotshintsho lwezifundo, iCEMIS iya kuhlaziywa ngokuzenzekelayo ize ithumele ii-imeyili ezingqina utshintsho olo ezikolweni. |
| 4.2 |
Kwiimeko ezingaqhelekanga kakhulu, o.k.t. xa kungena isicelo sotshintsho lwezifundo ezingaphezu kwezibini ngomfundi weBakala 11 okanye utshintsho lwesifundo ngaphezu kwesinye ngomfundi weBakala 12, isikolo masingenise isicelo sotshintsho lwezifundo kumququzeleli wovavanyo kwi-ofisi yesithili semfundo. Umququzeleli wovavanyo uya kufaka ekhompyutheni isicelo egameni lesikolo yaye kuya kuba nguNdlunkulu onoxanduva lokuvuma utshintsho lwezifundo. |
| 5.1 |
Kulindeleke ukuba inqununu isayine iishedyuli zobhaliso zamaBakala 10 no-11 kwiCEMIS ingadlulanga i-15 Septemba ngonyaka ngamnye. Le nkqubo iya kucacisiwa kwiCEMIS. |
| 5.2 |
Kucelwa iinqununu ziqinisekise ukuba bonke abafundi babhaliswe ngokuchanekileyo kwiCEMIS kumaBakala 10 no-11 ukwenzela ukuba luthintelwe utshintsho lwezifundo kwiBakala 12. |
| 6. |
Kucelwa iinqununu namagosa ee-ofisi zezithili zemfundo ukuba bazise okubhalwe kule ngcaciso imfutshane ootitshala, abazali nabafundi ukuze bakuthathele ingqalelo. |
ISAYINWE: NGU-BK SCHREUDER
INTLOKO: YESEBE LEMFUNDO
UMHLA: 2010:11:03
|