INGCACISO EMFUTSHANE YECANDELO LOLAWULO LOVAVANYO: 0014/2010 |
IYA: | KUMASEKELA BALAWULI-JIKELELE, KUBALAWULI ABAZIINTLOKO, KUBALAWULI (KWANDLUNKULU NAKWII-OFISI ZEZITHILI ZEMFUNDO), KUMASEKELA-BALAWULI, KWIINGCALI ZEMFUNDO EZIZIINTLOKO, KWIINTLOKO ZOQUQUZELELO NENGCEBISO NGEZEKHARITYHULAM, KUBAPHATHI BEEKOMITI ZESEKETHE, KWIINTLOKO ZOQUQUZELELO NENGCEBISO NGEZE-IMG, KUBAPHATHI BEZE-IMG, KUBAQUQUZELELI BE-GET, KUMASEKELA EENGCALI ZEMFUNDO EZIZIINTLOKO, KUBAQUQUZELELI BOVAVANYO, KUBACEBISI NGEZEKHARITYHULAM NAKWIINTLOKO ZAWO ONKE AMAZIKO EMFUNDO ALUNGISELELA ABAVIWA IIMVAVANYO ZIKAZWELONKE EZENZIWA QHO NGONYAKA |
| UKUHLEHLISWA KWEEMVAVANYO ZIKAZWELONKE ZAQHO NGONYAKA (ANNUAL NATIONAL ASSESSMENTS) ZAMABAKALA 1 - 6 NEZEBAKALA 9 |
| 1. |
ISebe leMfundo esiSiseko kuzwelonke lazise onke amaphondo ukuba iiMvavanyo zikaZwelonke zaqho ngoNyaka (Annual National Assessments (ANAs)) kumaBakala 1 - 6 neBakala 9, ebezilungiselelwe ukubhalwa ngoNovemba 2010, zihlehlisiwe. Ezi mvavanyo ze-ANA ziya kubhalwa kwiKota yokuqala ka-2011. Izikolo ziya kwaziswa yakuba imiselwe imihla. |
| 2. |
Njengoko iziphumo ze-ANA kumaBakala 1 - 6 kuLwazi lokuBala/kwiMathematika nakuLwazi lokuFunda nokuBhala/kwiiLwimi beziza kubandakanywa njengemisebenzi emiselweyo yovavavanyo ebhaliweyo (formal recorded assessment tasks) kwiKota yesi-4 ngo-2010, ziyacetyiswa izikolo ukuba ziqhubeke nemisebenzi yovavanyo lwazo lwangaphakathi kuLwazi lokuBala/kwiMathematika nakuLwazi lokuFunda nokuBhala/kwiiLwimi kwiKota yesi-4, njengoko zazenze ngolo hlobo ngo-2008.
|
| 3. |
Inkqubo yabafundi beBakala 9 ayiyi kuchaphazeleka njengoko zonke izikolo zizisetela iimviwo zazo zangaphakathi. |
| 4. |
Ezi Mvavanyo zikaZwelonke zaqho ngoNyaka mazingabhidaniswa neeMvavanyo zeNkqubo yeMfundo zeSebe iWCED (Systemic Tests). ISebe iWCED liya kuqhuba ezi mvavanyo zenkqubo yemfundo zephondo zamaBakala 3, 6 no-9 ngeli thuba 6 - 19 Oktobha 2010. |
| 5. |
ISebe leMfundo leNtshona Koloni licela uxolo ngenkxamleko yenu. |
ISAYINWE: NGU-PA VINJEVOLD
INTLOKO: YESEBE LEMFUNDO
UMHLA: 2010:09:15
Grand Central Towers, Lower Parliament Street, Private Bag X9114, Cape Town 8000
Nceda ubhale iimombolo zesalathisa kuyo yonke imbalelwano
Safe Schools: 0800 45 46 47
CLIENT CALL CENTRE: 0861 92 33 22
|
