ALGEMENE ONDERWYS EN OPLEIDING (AOO)

1. Jaarlikse Nasionale Assesserings: Graad 1 - 6
2. Jaarlikse Nasionale Assesserings: Graad 9 loods in Wiskunde en in Taal van Leer en Onderrig (TLO) in 'n steekproef van skole
3. WKOD Geletterdheid- en Gesyferdheidassesserings: Graad 3 en 6
4. WKOD Wiskunde- en taal- (TLO) assesserings: Graad 9 loodsprogram

VERDERE ONDERWYS EN OPLEIDING (VOO)

1. Nasionale Senior Sertifikaat-eksamen (November 2010) en Aanvullende eksamen in Februarie/Maart 2011
2. Senior Sertifikaat-eksamen (Verslag 550)

ONDERWYS EN OPLEIDING VIR VOLWASSENES (OOV)

BOOV Vlak 4-eksamens en -assesserings

1. Die hoofdoel van hierdie jaarlikse assesserings wat in Tale (TLO) en Wiskunde afgeneem word, is om die lees-, skryf- en syfervaardigheid van leerders te verbeter. Die assesserings is in 2008 ingebring as 'n nasionale projek en sal voortduur tot 2011. Hierdie assesserings is van toepassing op alle leerders in graad 1 tot 6.
2. Die 2010 Jaarlikse Nasionale Assesserings vir graad 1, 2, 4 en 5 sal gedoen word op 'n datum waaroor besluit sal word deur die skool gedurende die eerste week van November 2010 (01-05 November 2010).
3. Graad 3 en 6 sal op 2 en 4 November 2010 skryf soos aangedui op die aangehegte rooster.
4. Toetse sal sentraal opgestel en gedruk word deur die nasionale Departement van Basiese Onderwys (DBO) vir alle leerders. Dit sal onder skole versprei word via die onderwysdistrikskantore.
5. Om seker te maak dat die korrekte getal gedrukte toetse ontvang word, word prinsipale versoek om bygewerkte statistiek aangaande die leerdergetalle per taal, graad en leerarea/-program wat geassesseer word, na die distrikskantore te stuur, ingevul op 'n patroonvorm wat deur die DBO verskaf sal word.
6. Die toetse sal op skoolvlak nagesien en gemodereer word onder toesig van skoolbestuurspanne.
7. Distriks- en provinsiale beamptes sal die bestuur, administrasie en afneem van hierdie assesserings moniteer.
8. Van skole sal verwag word om die punte elektronies vas te lê en die punte aan die onderwysdistrikskantore voor te lê.
9. Hierdie assesserings moet ingesluit word as 'n komponent in die samestelling van die assesserings vir graad 1 - 6. Dit beteken dat dit gebruik moet word as een van die formeel aangetekende assesseringstake vir die vierde kwartaal.
10. In ooreenstemming met die President se opdragte en die nasionale Minister se prioriteite, sal 'n steekproef van 200 skole met graad 3 en 6 per provinsie gekies word vir die onafhaklike afneem van toetse en die moderering van uitslae. Die lys van steekproefskole wat vir hierdie doel gekies is, sal na die provinsiale departemente gestuur word en skole sal dienooreenkomstig ingelig word.

1. Om die grondslag te lê vir Jaarlikse Nasionale Assesserings (JNA's) op graad 9-vlak, sal die DBO in 2010 taal- en wiskundetoetse opstel en loods en riglyne deel met skole oor wat die toetse sal dek in die volskaalse assesserings in 2011.
2. Die JNA's sal in 2010 plaasvind in 'n steekproef skole wat graad 9 aanbied. Die geselekteerde skole sal ingelig word sodra die lys van die DBO ontvang is.
3. Vir 2010 sal die JNA's aangebied word in die gepaste tale wat skole gebruik vir onderrig en leer (Engels en Afrikaans) op óf Huistaal- óf Eerste Addisionele Taalvlak.
4. Die graad 9-toetse sal sentraal opgestel en gedruk word deur die DBO vir alle leerders in die steekproefskole en deur die onderwysdistrikskantore onder skole versprei word.
5. Die toetse sal ekstern geadministreer word ooreenkomstig die aangehegte rooster.

1. Met ingang van 2010 sal die WKOD sy toetsprogram as volg uitbrei:
   1. Alle graad 3-, 6- en 9-leerders sal jaarliks getoets word in skole met 5 of meer leerders per graad.
   2. Onafhanklike skole wat aan die vereiste kriteria voldoen, sal uitgenooi word om deel te neem in die graad 6 en 9 assesserings van 2010.
   3. Toetse moet aangebied word deur onafhanklike diensverskaffers.
   4. Hierdie toetse sal plaasvind van 6 tot 19 Oktober.
   5. Alle graad 3 en 6 leerders sal geassesseer word in Geletterdheid/Tale en Gesyferdheid/Wiskunde en graad 9-leerders sal geassesseer word in Wiskunde en die TLO (Engels en Afrikaans).
   6. Toetse sal geskeduleer word vir een dag per skool.
   7. Die slaagpunt vir alle toetse is 50%.
   8. Spesiale skole sal nie deelneem aan die WKOD-assesserings van 2010 nie.

2. Skole moet seker maak dat alle leerderinligting vir graad 3, 6 en 9 korrek ingesleutel is op die SOBIS aan die einde van Junie 2010.
3. Inligting aangaande die logistiese reëlings vir die toetse sal uitgestuur word deur die Direktoraat: Navorsinsgsdienste. Enige navrae aangaande hierdie assesserings moet gerig word aan Dr RS Cornelissen by tel. (021) 467-2286 of e-posadres rcornelissen@pgwc.gov.za

1. Die Nasionale Senior Sertifikaat-eksamen is vir die eerste keer in 2008 geskryf. Die aanvullende eksamen word in Februarie/Maart van elke jaar geskryf.
2. Die vraestelle word opgestel deur die DBO, gemodereer deur Umalusi en aan die provinsies verskaf vir administrasie en bestuur.
3. Soos in die verlede sal eksamenvraestelle by skole afgelewer word voor die eksamen geskryf word.
4. Die Nasionale Senior Sertifikaat se finale eksamen (met uitsluiting van die eksamens in die praktiese vakke) sal op 25 Oktober 2010 begin en op 3 Desember 2010 eindig. Die finale rooster is aan skole gestuur saam met Omsendbrief 0020/2010.
5. Alle kandidate wat die Nasionale Senior Sertifikaat-eksamen skryf, moet voldoen aan al die vereistes van Skoolgebaseerde Assessering (SGA), wat gemodereer en geverifieer moet word op skool- en distriksvlak voordat dit teen 30 September 2010 aan die Direktoraat: Eksamens voorgelê word.
6. Waar kandidate nie voldoen aan die vereistes van SGA nie, sal hulle eksamenresultate onvoltooid bly.

1. Die Senior Sertifikaat-eksamen wat die ou kurrikulum (Verslag 550) assesseer, sal in Junie 2011 uitgefaseer word.
2. Hierdie eksamen word slegs by bepaalde eksamensentrums afgeneem. Eksamenvraestelle sal by sentrums afgelewer word volgens die registrasie-statistieke.
3. Toelatingsbriewe wat die datum van die eksamen en die plek waar die kandidaat moet skryf, spesifiseer, word aan kandidate uitgereik.
4. Hierdie jaar het die eksamen op 13 April 2010 begin en sal op 8 Junie 2010 eindig.
5. Slegs kandidate wat voorheen geregistreer het en reeds oor 'n eksamennommer beskik, mag inskryf vir die Junie 2011-eksamen teen nie later nie as 30 September 2010.

1. Sedert 2009 is alle BOOV-sentrums versoek om die gestandaardiseerde terreingebaseerde assesseringstake wat deur die DBO opgestel is, te implementeer.
2. Die BOOV vlak 4-eksamens en -assesserings word in Mei/Junie en Oktober/November van elke jaar aangebied. Besonderhede van assessering vir BOOV Vlak 4 in 2010 is ingesluit in Assesseringsbestuurminuut 0004/2010.
3. 'n BOOV-vlak 4 assessering behels 50% terreingebaseerde assessering (TGA) en 50% eksamen-assessering.
4. Alle terreingebaseerde assessering punte moet gemodereer word op terrein-, distriks- en provinsiale vlak.
5. Die eksamenrooster vir Oktober 2010 sal binnekort uitgereik word na die sentrums.
6. Registrasie vir hierdie eksamens moet by die BOOV-sentrum geskied.