1. Die Wes-Kaap Onderwysdepartement (WKOD) maak graag hiermee bekend dat 250 beurse beskikbaar gestel sal word aan lede van skoolbestuurspanne wat die Gevorderde Onderwyssertifikaat (GOS): Skoolleierskap (SL) wil verwerf.
2. Die GOS: SL-kursus is toegespits op die verbetering van onderwys in skole deur skoolbestuurspanne op te lei in skoolleierskap en -bestuur.
3. Die volgende persone mag aansoek doen om beurse:

  • Prinsipale op ROKW 13 (M+3) of hoër
  • Adjunkprinsipale op ROKW 13 (M+3) of hoër
  • Departementshoofde op ROKW 14 (M+4) of hoër
  • Onderwysers in die permanente diens van die WKOD
  • Onderwysers wat voldoen aan die toelatingsvereistes van die betrokke universiteit (Sien Bylae A.)
  • Onderwysers wat nie in ontvangs is van 'n ander staatsbeurs of enige ander beurs nie
4. Die GOS: SL-kursus sal aangebied word op 'n deeltydse basis oor 'n tydperk van twee jaar, van Januarie 2011 tot Desember 2012. Die kursus sal toegang verleen tot 'n NKR-vlak 6-kwalifikasie en sal netwerkonderrig, asook kontaksessies gedurende skoolvakansies, insluit. (Sien Bylae A.)
5. Elke beurs dek registrasie- en onderriggelde en sal direk in die bankrekeninge van die betrokke hoër onderwysinrigtngs inbetaal word.
6. Akkommodasie, gereël deur óf die gekontrakteerde universiteit óf die WKOD, sal verskaf word slegs aan onderwysers wat vanaf landelike gebiede reis.
7. Waar van toepassing, sal vervoerkoste na en van die opleidingsplek gedek word deur die WKOD, op voorwaarde dat onderwysers van dieselfde dorp of skool vervoer deel.
8. Onderwysers is self verantwoordelik vir die koste van hulle leerondersteuningsmateriaal, waar van toepassing.
9. Onderwysers wat vir die kursus en beurs oorweeg wil word, word versoek om die aangehegte Bylae B- en C-vorms te voltooi en albei vorms teen Woensdag, 10 November 2010 by die volgende adres in te dien:

  Hoof: Onderwys
Vir aandag: Mnr G de Bruyn/Me JC Titus
Direktoraat: Interne-menslikekapitaalontwikkeling
Wes-Kaap Onderwysdepartement
Kaapse Onderrig-en-leierskapinstituut
Privaatsak X14
Kuilsrivier
7579
10. Aansoeke kan ook gepos word in die houer gemerk "Onderwyserontwikkeling" op die tweede vloer van die Uitvoerendekunstegebou (Performing Arts Building), oorkant die Kaapse Onderrig-en-leierskapinstituut se Administrasiegebou in Ou Nooiensfonteinweg, Kuilsrivier.
11. Aansoek- en ooreenkomsvorms is aangeheg by hierdie minuut. Afskrifte van hierdie vorms is ook beskikbaar by die WKOD se Kliëntediensafdeling op die tweede vloer van Grand Central Towers, Kaapstad.
12. Let asseblief daarop dat

  • onvoltooide of onleesbare aansoeke nie oorweeg sal word nie, en
  • geen aansoeke wat gefaks word, aanvaar sal word nie.
13. Aansoeke wat na die sluitingsdatum ontvang word, sal nie oorweeg word nie.
14. LET WEL:

  • Die naam van die Universiteit van u keuse (Universiteit van Stellenbosch of Universiteit van Kaapstad) moet duidelik op die aansoekvorm gemeld word.
  • Gewaarmerkte kopieë van u matrieksertifikaat, akademiese en/of professionele kwalifikasiesertifikaat/-sertifikate en ID moet saam met u aansoek ingedien word.
15. Die Beurskomitee sal al die aansoeke oorweeg en prioritiseer, en dan aanbevelings doen vir die toekenning van die beurse.
16. Elke suksesvolle aansoeker sal 'n formele ooreenkoms met die WKOD moet aangaan om 'n jaar se diens te lewer vir elke jaar waarvoor die beurs toegeken word, en sal ook moet voldoen aan die ander bepalings wat in die ooreenkoms uiteengesit is.
17. Maak asseblief seker dat die inhoud van hierdie dokument onder die aandag van alle onderwysers gebring word.


GETEKEN: BK SCHREUDER
HOOF: ONDERWYS
DATUM: 2010:11:01

"Annexure A: 2010 Bursaries available for Advanced Certificate in Education (ACE)"  (size: 31 KB)
Bylae B: Aansoek om studiebeurs  (size: 66 KB)
Bylae C: "Agreement on payment of tuition fees from state funds"  (size: 25 KB)