1. Die Wes-Kaap Onderwysdepartement (WKOD) het groot waardering vir sy staatsdienswerknemers wat ernstig daarop ingestel is om hulle kennis van tendense in die onderwys te verbreed en hulle vaardighede te ontwikkel.
2. Die WKOD is bereid om werknemers finansieel by te staan met verdere studie en nooi dus werknemers wat in 2011 deeltyds wil studeer uit om aansoek te doen om 'n beurs.
3. Die toekenning van die beurs sal onderhewig wees aan die volgende:

  • Aansoekers moet personeel wees wat aangestel is ingevolge die Staatsdienswet (Wet 103 van 1994), met inbegrip van kantoorgebaseerde opvoeders, en moet in diens wees van die WKOD.
  • Aansoekers moet permanent aangestel wees deur die WKOD.
  • Hulle moet aan die toelatingsvereistes van die betrokke inrigting voldoen.
  • Hulle moet vas van plan wees om deeltyds te studeer gedurende 2011.
  • Hulle mag nie reeds 'n staatsbeurs of enige ander beurs ontvang nie.
  • Hulle moet Suid-Afrikaanse burgers wees.
4. Alle aansoeke sal geëvalueer word ooreenkomstig die volgende kriteria:

  • Die gepastheid van die voorgenome studieveld met betrekking tot die WKOD se huidige en toekomstige strategiese behoeftes
  • Die betrokke direktoraat se behoefte aan spesifieke of skaars vaardighede
  • Gelyke beregtiging van werknemers (ras, geslag, gestremdhede)
  • Stedelike teenoor landelike gebiede
  • Verband met spesifieke werkbeskrywing
  • Ontwikkelingstoepaslikheid
  • Ander kwalifikasies
  • Salarisvlak
  • Nagraadse teenoor voorgraadse studies
  • Die toesighouer se aanbeveling, wat die aansoek moet vergesel
  • Beskikbaarheid van fondse
  • Die vereistes van die Wet op Gelyke Indiensneming (Wet 55 van 1998), die Wet op Vaardigheidsontwikkeling (Wet 97 van 1998) en ander toepaslike wetgewing.
5. Elke beursaansoek moet uit die volgende dokumente bestaan:

  • 'n Voltooide aansoekvorm om 'n studiebeurs (afskrif aangeheg)
  • 'n Geskrewe skatting van studiekostes (registrasie, onderriggeld en ander stuidieverwante uitgawes) vir die 2011 akademiese jaar (Hierdie inligting kan verkry word van tersiêre inrigtings.)
  • Die toesighouer se aanbeveling op 'n afskrif van die aangehegte Bylae A-vorm.
6. Alle aansoeke moet teen 31 Augustus 2010 by een van die volgende adresse ingehandig word:

  Die Hoof van Onderwys
Vir aandag: Mnr AM Shasha / Mev NP Funani
Direktoraat: Interne Menslikekapitaalbestuur
Wes-Kaap Onderwysdepartement
Privaatsak X14
Kuilsrivier
7579
7. Aansoekvorms kan ook geplaas word in die posbus wat aangedui word met "Staatsdiensbeurse" in die ingangsportaal te Grand Central Towers, Laer Parlementstraat, Kaapstad.
8. Geen laat, onvolledige, gefakste of onleesbare aansoeke sal in aanmerking geneem word nie.
9. Die Beurskomitee sal alle aansoeke oorweeg en prioritiseer en dan aanbevelings oor die toekenning van die beurse doen. Beurstoekennings sal nie die volle registrasie- en onderriggeld oorskry nie, maar sal dit ook nie noodwendig volledig dek nie. Die aantal aansoeke wat ontvang is en die beskikbare fondse sal bepaal hoeveel beurse toegeken sal word.
10. Die Seniorbestuur van die WKOD sal die finale goedkeuring skenk aan die getal beurse wat toegeken sal word.
11. Elke suksesvolle aansoeker sal 'n formele ooreenkoms met die WKOD moet aangaan om 'n jaar se diens te lewer vir elke jaar waarvoor die beurs toegeken is, en om te voldoen aan al die ander bepalings wat in die ooreenkoms uiteengesit is.
12. Korrespondensie sal net met suksesvolle kandidate gevoer word. Indien u nie binne 6 weke na die sluitingsdatum gekontak word nie, moet u aanneem dat u aansoek onsuksesvol gewees het.
13. Moet asseblief nie huiwer om die persone te kontak wat bo-aan hierdie minuut gemeld word indien u verdere inligting benodig oor die beursskema nie.
14. Maak asseblief seker dat al die staatsdienspersoneellede in u komponent bewus is van die inhoud van hierdie minuut.


GETEKEN: BK SCHREUDER
HOOF: ONDERWYS
DATUM: 2010-07-27

Aansoekvorm  (grootte: 31 KB)
Bylae A: Toesighouer se aanbeveling vorm  (grootte: 9 KB)