1. Die Nasionale Onderwystoekennings erken voortreflikheid en 'n hoë graad van professionalisme, en voorsien die onderwysgemeenskap van die geleentheid om die prestasies van uitmuntende opvoeders te erken. Voorts plaas hulle die kollig op die buitengewone werk wat oor die algemeen deur opvoeders verrig word.
2. Die Wes-Kaap Onderwysdepartement (WKOD) is dus trots om die provinsiale toekenningsgeleentheid vir die Nasionale Onderwystoekennings aan te bied en te organiseer, as voorloper van die jaarlikse Nasionale Onderwystoekenningseremonie.
3. Die onderskeie toekennings is soos volg:

UITNEMENDHEID IN LAERSKOOLONDERRIG
UITNEMENDHEID IN SEKONDÊRESKOOLONDERRIG
UITNEMENDHEID IN LAERSKOOLLEIERSKAP
UITNEMENDHEID IN SEKONDÊRESKOOLLEIERSKAP
UITNEMENDHEID IN GRAAD R-ONDERRIG
UITNEMENDHEID IN INKLUSIEWE ONDERWYS EN SPESIALEONDERWYSBEHOEFTESONDERRIG
UITNEMENDHEID IN BASIESE ONDERWYS EN OPLEIDING VIR VOLWASSENES (Vlakke 1 - 4 in die AOO-band alleenlik)
LEWENSLANGEPRESTASIE-TOEKENNING
4. Die ingeslote inligtingspamflet en nominasievorms word aan alle WKOD-inrigtings en BOOV-inrigtings en geregistreerde graad R-leerplekke versend. Alle onderwysers word uitgenooi om nominasies voor te lê (kriteria en formaat ingesluit in inligtingshandleidings) aan hulle prinsipale of sentrumbestuurders.
5. Prinsipale en sentrumbestuurders word versoek om die voltooide nominasievorms te stuur aan hulle onderskeie onderwysdistrikskantore vir die aandag van die distrikskoördineerders. Skakel asseblief met een van die volgende distrikskoördineerders indien u meer inligting benodig:

Eden & Sentrale Karoo: Mnr Eric Magodla044 8038358 / 083 508 4933
Kaapse Wynland: Mnr Joaniel Pieterse023 348 4619 / 082 325 2170
Overberg : Mr Japie Bailey028 212 3634 / 083 707 2197
Weskus: Mnr JA Mouton, tel.022 4822737 / 083 289 8437
Metro-Suid: Me Karen Dudley021 370 2000 / 082 691 6768
Metro-Oos: Me Desiree Watson021 900 7195 /072 212 655
Metro-Noord: Mnr Trevor Adams of me Suzette de Villiers021 938 3016 / 3013
Metro-Sentraal: Mnr Jeffrey Martin021 514 6730
6. U aandag word gevestig op die volgende uittreksels uit die nominasiehandleiding:

"Die prinsipaal/sentrumbestuurder moet 'n nominasievergadering belê wat die skoolbeheerliggaam of sentrumbeheerliggaam (SBL) moet insluit, waar die nominasieproses bespreek word."

"Die personeel en die SBL-lede moet die kriteriavereistes van elke kategorie bestudeer en eienskappe of kenmerke opstel vir hulle genomineerdes wat sal ooreenstem met bepaalde gegewe kriteria."

"Wanneer geskikte onderwysers/spanne genomineer is, moet hulle name op die gegewe nominasievorms ingevul word."

"Distriksbeamptes mag ook nomineer in konsultasie met die skool/gemeenskap."
7. 'n Maksimum van vyf onderwysers per kategorie mag 'n span vorm.
8. Prinsipale en sentrumbestuurders is verplig om die nominasievergadering te hou nie later nie as 14 Mei 2010. Notule van die vergadering moet gehou en voorgelê word aan die IBB-bestuurder, vir die aandag van die betrokke distrikskoördineerder.
9. Prinsipale en sentrumbestuurders moet ook die aangehegte Bylae A voltooi en voorlê aan die IBB-bestuurder, nie later nie as 14 Mei 2010, vir die aandag van die betrokke distrikskoördineerder.
10. Die sluitingsdatum vir die indien van alle nominasievorms by die distrikskoördineerder is 10 Junie 2010.
11. Die nominasievorm is ook beskikbaar op die Thutong Portaal te www.thutong.doe.gov.za sowel as op die nasionale Departement van Basiese Onderwys se webtuiste by www.education.gov.za.
12. Die Nasionale Onderwystoekennings word ondersteun deur die Hoof van Onderwys en die Provinsiale Minister van Onderwys.
13. Alle lede van die skoolgemeenskap word aangemoedig om deel te neem aan die nominasie van verdienstelike onderwysers vir Nasionale Onderwystoekennings.
14. Bring asseblief die inhoud van hierdie minuut onder die aandag van al u onderwyspersoneel.


GETEKEN: BK SCHREUDER
HOOF: ONDERWYS
DATUM: 2010:04:30

Bylae A  (grootte: 12 KB)