| |
| DATUM: |
27 tot 28 SEPTEMBER 2010 |
| PLEK: |
Kaapse Onderrig-en-leierskapinstituut,
Nooiensfonteinweg, Kuilsrivier |
| TYE: |
27 September 2010: 08:00 - 16:00
28 September 2010: 08:00 - 14:00 |
| WIE MOET DIT BYWOON? |
Wiskunde-onderwysers vir graad R tot graad 9 |
|
| 1. |
Die Wes-Kaap Onderwysdepartement (WKOD) nooi Wiskunde-onderwysers vir graad R tot graad 9 uit om óf as aanbieders óf as deelnemers deel te neem aan die bogenoemde Wiskunde-oplossingskonferensie. |
| 2. |
Doel
Die doel van hierdie Wiskunde-konferensie is om voorbeelde te voorsien van maniere waarop Wiskunde effektief aangebied kan word. |
| 3. |
Inligting vir Aanbieders |
| 3.1 |
Aanbieders wat geïnteresseerd is om 'n Wiskundeles, 'n referaat oor Wiskundeonderrig of 'n "beste praktyk"-werkswinkel by die konferensie aan te bied, moet deur die volgende gelei word:
- Die les of referaat of "Hoe ek dit onderrig"-werkswinkel moet van toepassing wees op graad R tot 9 Nasionale Kurrikulumverklaring vir Wiskunde.
- Die les moet 'n aspek van die Wiskunde-sillabus vir 'n bepaalde graad onderrig.
- Deelnemers aan die konferensie moet by die les of werkswinkel betrek word.
- Duur: 60 minute. Laat 5 - 10 minute toe vir groepbespreking of vrae.
- Lokale sal voorsien wees van draagbare tafels en stoele, 'n dataprojektor, 'n oorhoofse projektor en 'n witbord.
- Alle werkvelle vir die konferensie sal bymekaargesit en in boekvorm uitgedruk word. Dit beteken dat aanbieders nie addisionele afskrifte van gedrukte materiaal hoef te bring nie, tensy daar van deelnemers verwag word om die werkvelle te sny of te vou.
- Alle gedrukte material moet getik word en op 'n laserdrukker gedruk word, indien moontlik. Die WKOD sal die materiaal dupliseer.
|
| 3.2 |
Indien u belangstel om 'n item te lewer by die konferensie, voltooi asseblief die aangehegte Bylae A en stuur dit terug na mnr A. Lamprecht by faksnommer 021 900 5013 / 5175 of e-pos dit na alamprec@pgwc.gov.za teen 28 Mei 2010. |
| 4. |
Inligting vir Deelnemers |
| 4.1 |
Onderwysers wat nie hulle werk wil aanbied nie, maar wat die konferensie wil bywoon, word versoek om hulle besonderhede op die skoollys in Bylae B in te vul. |
| 4.3 |
Registrasie sal sluit sodra die eerste 500 deelnemers geregistreer het. |
| 4.4 |
Die konferensieprogram sal insluit grootgroep-paneelbesprekings en parallelle sessies wat deur die deelnemers aangebied word. Skole wat vir die konferensie registreer sal teen 22 September 2010 besonderhede van die konferensieprogram ontvang. |
| 5. |
Logistieke sake
Deelnemers of aanbieders uit die landelike onderwysdistrikte wat meer as 120 km retoer moet aflê, kan in die Kaapse Onderwys-en-leierskapinstituut se koshuis oornag op Sondag, 26 September en Maandag, 27 September 2010. Akkommodasie sal deur die WKOD betaal word. Reiskoste sal nie deur die WKOD gedek word nie. |
| 6. |
Die WKOD vertrou dat hierdie konferensie 'n verrykende ervaring sal wees vir alle Wiskunde-onderwysers wat dit bywoon. |
GETEKEN: BK SCHREUDER
HOOF: ONDERWYS
DATUM: 2010-04-28
|