| 1. |
Aansoeke word ingewag van onderwysers, kurrikulumadviseurs en senior kurrikulum-beplanners wat graag as nasieners wil dien vir die Nasionale Senior Sertifikaat-eksamen (NSS-eksamen) vanaf November 2010 tot Maart 2012 aanvullende eksamen. Die lys van NSS-vakke en vraestelle is aangeheg as Bylae A. |
| 2. |
Kriteria vir die aanstelling van nasieners |
| 2.1 |
Aansoekers moet in besit wees van 'n erkende driejaar na-Senior Sertifikaat-eksamenkwalifikasie, wat die betrokke vak moet insluit op tweede-, maar verkieslik derdejaarvlak. |
| 2.2 |
Aansoekers moet oor 'n minimum van twee jaar ervaring in die onderrig van die betrokke vak op graad 12-vlak beskik. Hulle moes ook die vak vir ten minste twee van die volgende jare onderrig het: 2008, 2009 en 2010. Voorkeur sal egter gegee word aan onderwysers wat tans die Nasionale Kurrikulumverklaring aan graad 12-kandidate onderrig. |
| 2.3 |
Alle aansoekers moet in diens wees by inrigtings wat kandidate voorberei vir die NSS-eksamens wat opgestel is deur die Departement van Basiese Onderwys (DBO). |
| 2.4 |
Met die oog daarop om die gehalte van nasien te verbeter en te verseker dat kandidate nie te na gekom word nie, sal die Wes-Kaap Onderwysdepartement (WKOD) slegs daardie aansoekers oorweeg wat 'n bewese geskiedenis het van uitstekende uitslae in die besondere vak in die 2008 en 2009 NSS-eksamens. |
| 2.5 |
Slegs aansoekers wat 'n minimum slaagsyfer van 60% behaal het in hulle klasse in die betrokke vak sal oorweeg word vir aanstelling as nasieners in 2010 en daarna. |
| 2.6 |
Aansoekers wat aangedui het dat hulle beplan om af te tree of te bedank, en wat hulle diens by die WKOD beëindig teen 30 September van 2010, sal nie oorweeg word vir aanstelling as nasieners nie, behalwe in gevalle waar die betrokke onderwyser by 'n onafhanklike skool aansluit wie se kandidate die NSS-eksamens van die DBO aflê. |
| 2.7 |
Aansoekers wat beplan om af te tree teen 30 September 2011 moet die WKOD vroegtydig van hul voorneme verwittig. |
| 2.8 |
'n Persoon wat op verlof is tydens die periode wat die nasienperiode voorafgaan en insluit se aanstelling as nasiener sal beëindig word. 'n Persoon wat by die einde van die jaar vir meer as 50 dae met verlof was se aanstelling sal ook beëindig word. |
| 2.9 |
Alhoewel die WKOD dit sou verkies dat prinsipale teenwoordig moet wees by hulle skole aan die einde van die akademiese jaar, mag prinsipale ook aansoek doen om aangestel te word as nasieners. Alle prinsipale moet hulle persoonlike aansoek om na te sien voorlê aan die onderwysdistriksdirekteur vir goedkeuring. |
| 2.10 |
Om 'n hoë standaard van nasien te verseker, sal alle aansoekers onderwerp word aan 'n bevoegdheidsassessering. |
| 2.11 |
Die WKOD sal die aanstelling van enige aangestelde nasiener wat nie bevredigend presteer in die uitvoering van sy of haar pligte as nasiener in enige van die bogenoemde nasienperiodes beëindig. |
| 2.12 |
Die finale besluit oor die aanstelling van nasieners berus by die Superintendent-generaal van die WKOD. |
| 3.1 |
Die WKOD sou verkies dat alle aansoeke aanlyn gedoen word. Aansoekers wat egter nie toegang tot die Internet het nie mag aansoeke na die WKOD pos of per hand aflewer. |
| 3.2 |
Alle aanlynaansoeke moet voor 28 Mei 2010 gedoen word by http://wced.wcape.gov.za. |
| 3.3 |
Die aanlynaansoekvorm vir nasieners bestaan uit vyf afdelings: |
| 3.3.1 |
Afdeling A: Persoonlike inligting |
| 3.3.2 |
Afdeling B: Kwalifikasies |
| 3.3.3 |
Afdeling C: Vakinligting |
| 3.3.4 |
Afdeling D: Verklaring deur die aansoeker |
| 3.3.5 |
Afdeling E: Sertifisering deur prinsipaal of toesighouer |
| 3.4 |
Aansoekers moet 'n afsonderlike aanlynaansoek invul vir elke vraestel waarvoor hulle aansoek doen. |
| 3.5 |
Interne moderatore van vraestelle met 'n klein getal kandidate wat, addisioneel tot hulle funksie as interne moderatore, as nasieners van ander vraestelle aangestel wil word, moet ook op die bogenoemde manier aansoek doen. |
| 3.6 |
Alle aanlynaansoeke moet voor 28 Mei 2010 gedoen word. |
| 3.7 |
Dit is die aansoeker se verantwoordelikheid om seker te maak dat sy of haar aansoek deur sy of haar prinsipaal of toesighouer gesertifiseer is. |
| 4. |
Aansoekers wat vir die eerste keer aansoek doen
|
| 4.1 |
Alle aansoekers wat vir die eerste keer aansoek doen moet, addisioneel tot die aansoek aanlyn, ook 'n afskrif maak van hulle finale gesertifiseerde aansoek en dit pos, saam met gesertifiseerde afskrifte van die volgende dokumente na die Direktoraat: Eksamenadministrasie:
- Sertifikaat van hoogste akademiese kwalifikasie;
- Sertifikaat van hoogste professionele kwalifikasie; en
- Akademiese studierekord(s), wat die vakke wat geneem en geslaag is, aandui.
Aansoeke van nuwe aansoekers wat nie deur die bogenoemde dokumente vergesel word nie, sal nie oorweeg word nie. Geen uitsonderings sal gemaak word en geen korrespondensie sal in hierdie verband gevoer word nie.
|
| 4.2 |
Die aansoek en ondersteunende dokumentasie kan ook per hand afgelewer word of per geregistreerde pos na die volgende adres gestuur word:
Hoof: Onderwys
Vir aandag: Mnr M Cameron / Mnr N. Riddles
Direktoraat: Eksamenadministrasie
Wes-Kaap Onderwysdepartement
4de Vloer, Grand Central Towers
Laer Parlementstraat
KAAPSTAD
8001 |
| 4.3 |
Gesertifiseerde aansoekvorms en relevante dokumentasie van nuwe aansoekers moet die Direktoraat: Eksamenadministrasie bereik teen 16:00 op 28 Mei 2010.
|
| 5. |
Sertifisering van aanlynaansoeke
|
| 5.1 |
Prinsipale en toesighouers moet alle aanlynaansoeke sertifiseer tussen 28 Mei 2010 en 4 Junie 2010. Aansoeke wat nie deur die prinsipaal of toesighouer goedgekeur is nie, sal nie deur die WKOD aanvaar word nie. |
| 5.2 |
Voltooide aansoekvorms van kurrikulumadviseurs en prinsipale moet deur die onderwys-distriksdirekteur of sy of haar gedelegeerde gesertifiseer word. |
| 5.3 |
Voltooide aansoekvorms van VOO-senior kurrikulumbeplanners moet gesertifiseer word deur die Direkteur: Kurrikulum VOO of haar gedelegeerde. |
| 6.1 |
Drukstukaansoeke moet op die aangehegte aansoekvorm (Bylae B) gedoen word en moet van die volgende vergesel word:
- 'n Begeleidende brief waarin die aansoeker verduidelik hoekom hy of sy vir die pos aansoek doen.
- 'n Voltooide Verklaringsvorm waarvan 'n afskrif aangeheg is aan hierdie minuut as
(Bylae C).
|
| 6.2 |
Die aansoekvorm en verklaring moet volledig ingevul word en gesertifiseer word deur die betrokke prinsipaal of toesighouer en gepos word of afgelewer word by die Direktoraat: Eksamenadministrasie teen 28 Mei 2010. (sien paragraaf 4.2 hierbo vir die adres) |
| 7. |
Reëlings vir die nasienperiode
|
| 7.1 |
Alle nasienwerk sal gedoen word by 'n lokaal of lokale in of naby Kaapstad, soos deur die WKOD besluit. |
| 7.2 |
Die datums van die nasienperiode sal later bevestig word. Nasieners moet seker maak dat al hulle skoolverwante nasienwerk en administratiewe pligte afgehandel is voor die nasienwerk begin. |
| 7.3 |
Daar sal van nasieners verwag word om skrifte na te sien vir ten minste 8 uur per dag, dit skakel tye wat eenkant gesit is vir maaltye of teepouses uit. Die nasiensentrum sal oop wees vir nasienwerk daagliks vanaf 06:00 tot 22:00. |
| 7.4 |
Daar sal van alle nasieners verwag word om 'n opleidingsessie by te woon. |
| 8. |
Die nasientarief vir elke vraestel sal bekend gemaak word sodra dit ontvang is van die Departement van Basiese Onderwys. |
| 9. |
Die nasien van die NSS-eksamenskrifte is een van die belangrikste funksies van die eksamenproses. Die WKOD is trots op die aanstelling van gekwalifiseerde en bevoegde nasieners. Prinsipale en ander senior beamptes wat nasieners aanbeveel moet dus in goeder trou optree. Let asseblief daarop dat die verskaffing van foutiewe inligting op die aansoekvorm beskou sal word as bedrog en daar sal opgetree word ingevolge die Wet op die Indiensneming van Opvoeders. |
| 10. |
Alle navrae, per telefoon of skriftelik, moet gerig word aan die Direktoraat: Eksamenadministrasie, en nie aan die hoofnasieners nie. Aansoekers mag een van die volgende beamptes kontak:
|
| 11. |
Dit is uiters belangrik dat prinsipale, onderwysdistriksdirekteurs, IBB-adviseurs en kurrikulumadviseurs die inhoud van hierdie minuut onder die aandag bring van alle onderwysers. Die Direktoraat: Eksamenadministrasie kan nie enige verantwoor-delikheid aanvaar indien onderwysers nie van die inhoud van hierdie minuut ingelig word nie. |
| 12. |
Prinsipale word versoek om ontvangs van hierdie minuut op die aangehegte vorm (Bylae D) te erken en dit terug te besorg aan hierdie kantoor teen 27 Mei 2010.
|
GETEKEN: BK SCHREUDER
HOOF: ONDERWYS
DATUM: 2010-05-14
|