EKSAMENADMINISTRASIEMINUUT: 0008/2010 |
AAN: | DIREKTEURE (HOOFKANTOOR EN ONDERWYSDISTRIKSKANTORE),HOOF- ONDERWYSKUNDIGES, HOOFDE:IBB-KOöRDINERING EN ADVIES, KRINGSPANBESTUURDERS,IBB-BESTUURDERS,BOOV-KURRIKULUMADVISEURS EN BESTUURDERS VAN GEMEENSKAPSLEERSENTRUMS |
| REGISTRASIE VAN LEERDERS VIR DIE BOOV VLAK 4-EKSAMENS IN MEI 2010 MET DIE OOG OP DIE VERKRYGING VAN DIE ALGEMENE ONDERWYS-EN-OPLEIDINGSERTIFIKAAT |
| 1. |
Die Wes-Kaap Onderwysdepartement (WKOD) sal die Mei 2010 BOOV Vlak 4-eksamens aanbied ooreenkomstig die toepaslike reëls, kriteria en standaarde. LET ASSEBLIEF DAAROP DAT DIE EKSAMEN VANAF 3 MEI 2010 TOT 25 MEI 2010 AFGENEEM SAL WORD. |
| 2. |
Alle geregistreerde WKOD-gemeenskapsleersentrums word versoek om hulle kandidate in te skryf vir eksamens in die leerareas van hulle keuse, indien dit deur die WKOD aangebied word, op voorwaarde dat die kandidate al die eenheidstandaarde in die betrokke leerareas voltooi het.
|
| 3. |
Die eksamen vir 'n leerarea tel 50%, terwyl die oorblywende 50% verkry sal word van gemodereerde leerterreingebaseerde assesseringsportefeuljes. GEEN LEERDER MAG TOEGELAAT WORD OM IN TE SKRYF VIR `N LEERAREA INDIEN DIE LEERDER NIE DIE TERREINGEBASEERDE ASSESSERING VOLTOOI HET NIE. LEERDERS MET GEEN TERREINGEBASEERDE PUNTE SAL NIE UITSLAE ONTVANG NIE.
|
| 4. |
Sentrumbestuurders word versoek om een van die ingeslote inskrywingsvorms in te vul vir elke kandidaat wat vir die eksamen wil inskryf. Indien 'n kandidaat as gevolg van siekte of ander onvermydelike omstandighede afwesig is, moet die betrokke kandidaat se inskrywingsvorm onderteken word deur die sentrumbestuurder wat dan ook langs sy of haar handtekening moet aandui dat die kandidaat afwesig was.
|
| 5. |
Ten opsigte van die versoek vir "tipe inskrywing" op die vorm, gebruik asseblief die gepaste kode om aan te dui of die kandidaat afkomstig is van 'n departementele (openbare) of 'n onafhanklike (industriële) volwassene-leersentrum. |
| 6. |
Let daarop dat geen veranderings in leerareas toegelaat sal word nadat die inskrywings gefinaliseer is nie. Inskrywingsvorms moet dus akkuraat ingevul word. |
| 7. |
Alle voltooide inskrywingsvorms, in streng alfabetiese volgorde gerangskik, en Bylae A, moet die Direktoraat: Eksamenadministrasie bereik teen nie later nie as Donderdag, 1 April 2010 Geen laat inskrywings sal aanvaar word nie. |
| 8. |
Die riglyne rakende die standaardisering, appčlle en sertifisering kan verkry word in Omsendbrief 0027/2004 en moet saamgelees word met die dokument, Nasionale beleid oor die afneem van die BOOV-vlak 4-eksamens,(Staatskoerant 23590,2002) wat in 2002 aan openbare volwassene-leersentrums voorsien is. |
GETEKEN: T SINGH
HOOF: ONDERWYS
DATUM: 2010:03:23
Grand Central Towers, Laer-Parlementstraat, Privaatsak X9114, Kaapstad 8000
Meld asseblief verwysingsnommers in alle korrespondensie
VEILIGE SKOLE: 0800 45 46 47
INBELSENTRUM: 0861 92 33 22
|
