| 1. |
Eksamenskrifte, saam met alle ander eksamenverwante dokumente, moet verpak word ooreenkomstig die prosedures wat bepaal is in die Prosedurehandleiding vir Prinsipale, Sentrumbestuurders, Hoofopsieners en Opsieners, en gestuur word aan die Departement op die voorafbepaalde afhaaldatums wat in paragraaf 3 hieronder aangedui word.
|
| 2. |
Onder geen omstandighede mag eksamenskrifte aan die Departement gepos of persoonlik deur prinsipale of hoofopsieners afgelewer word nie.
|
| 3. |
Skynet sal die skrifte tussen 08:00 en 15:00 op die volgende datums by eksamensentrums afhaal:
Woensdag, 17 Februarie 2010
Woensdag, 24 Februarie 2010
Woensdag, 03 Maart 2010
Woensdag, 10 Maart 2010
Woensdag, 17 Maart 2010
Woensdag, 24 Maart 2010
Vrydag, 26 Maart 2010 (Finale afhaal) |
|
| 4. |
TERUGSENDING VAN SKRIFTE
|
| 4.1 |
Maak asseblief seker dat die volgende dokumente korrek voltooi is:
- Courier Collection Register (Bylae A), elke keer wanneer 'n Skynet-verteenwoordiger kom afhaal;
- Confirmation of Final Collection (Bylae B), wat deurgefaks moet word wanneer die Skynet-verteenwoordiger die finale pakke skrifte by die sentrum afhaal.
|
| 4.2 |
Onder geen omstandighede mag plastieksakke teruggehou word op dae wanneer Skynet eksamenskrifte kom afhaal nie. Alle skrifte in u besit moet aan die koeriers gegee word wanneer hulle kom.
|
| 4.3 |
Nadat die Skynet-verteenwoordiger die pakke skrifte afgehaal het, sal 'n afskrif van die versendingsbrief aan u oorhandig word. Hierdie versendingsbrief moet deur die hoofopsiener saam met die puntebladkontrolelyste vir rekorddoeleindes geliasseer word.
|
| 4.4 |
Onder geen omstandighede mag die Nasionale Senior Sertifikaat-geleibriewe gebruik word vir enigiets anders as die terugsending van eksamenverwante dokumente nie. Alle ongebruikte geleibriewe moet saam met die finale pakke skrifte aan die Direktoraat: Eksamenadministrasie terugbesorg word.
|
| 5. |
Prinsipale en sentrumbestuurders, met behulp van die hoofopsiener, moet seker maak dat al die eksamenskrifte teen 12:00 op 26 Maart 2010 deur die koerier afgehaal is.
Indien daar enige skrifte is wat nie afgehaal is nie, moet me Monica Hollenbach (tel. 467 2960) of mnr Rashaad Martin (tel. 021 467 2961) van die Direktoraat: Eksamenadministrasie ONMIDDELLIK daarvan in kennis gestel word.
|
| 6. |
Om 'n ordelike proses te verseker, word hoofde van inrigtings vriendelik versoek om die nodige reëlings vir die veilige bewaring van vraestelle en antwoordskrifte te tref. Hulle moet ook seker maak dat 'n afskrif van hierdie minuut aan elke hoofopsiener gegee word. |
GETEKEN: BK SCHREUDER
HOOF: ONDERWYS
DATUM: 2010:02:08
|