1. VOLTOOIING VAN PUNTEBLAAIE
1.1 Die gerekenariseerde punteblaaie vir skoolgebaseerde assessering (SGA) vir alle vakke, sowel as die gepaste kontrolelyste is ingesluit. Die volgende vakke is uitgesluit:

Arabies 2de Addisionele Taal
Frans 2de Addisionele Taal
Duits Huistaal
Duits 2de Addisionele Taal
Hebreeus 2de Addisionele Taal
Hindi 2de Addisionele Taal
Italiaans 2de Addisionele Taal
Latyn 2de Addisionele Taal
Portugees 1ste Addisionele Taal
Portugees 2de Addisionele Taal
Spaans 2de Addisionele Taal
Oerdoe 2de Tweede Addisionele Taal
Landbouwetenskappe
Landboutegnologie
Landboubestuurspraktyke
Dans
Ontwerp
Dramatiese Kunste
Elektriese Tegnologie
Meganiese Tegnologie
Musiek
Religiestudies
Sotho Huistaal en Eerste Addisionele Taal
Visuele Kuns

Punteblaaie vir die bogenoemde vakke word direk na kurrikulumadviseurs toe gestuur. Prinsipale moet seker maak dat hulle al die vereiste punteblaaie ontvang het.

1.2 Let asseblief daarop dat slegs een kopie van elke punteblad vir voltooiing voorsien word. Dit is dus uiters belangrik dat afskrifte van die gemodereerde punteblaaie gemaak word deur die skool en vir rekorddoeleindes bewaar word.
1.3 Maak asseblief seker dat die modereringskedules voltooi is en beskikbaar is vir die kurrikulumadviseurs op die dag van moderering. Vakonderwysers moet slegs die ongemodereerde punt in die "Punte"-kolom invul.
1.4 Slegs na die finale moderering van elke vak, moet gemodereerde punte oorgedra word na die "mod"-kolom van die SGA-punteblaaie deur die kurrikulumadviseur.
1.5 Indien u skool die gerekenariseerde SGA-punteblaaie na die moderering ontvang, moet die nodige reëlings met die kurrikulumadviseur getref word vir die voltooiing van die punteblaaie.

2. TOEKENNING VAN SGA-PUNTE

'n Punt moet toegeken word aan elke kandidaat wie se eksamennommer op die punteblad voorkom. Dit geld ook vir kandidate wat

  • uitgesit of tydelik geskors is van die skool;
  • vir 'n verandering van sentrum aansoek gedoen het;
  • afwesig was vir 'n lang periode gedurende die jaar;
  • afwesig was op die dag van moderering; of
  • geregistreer was vir 'n vak by 'n ander skool of sentrum, bv. 'n kunssentrum.

3. AGTERSTALLIGE PUNTE (KANDIDATE WAT AFWESIG WAS EN DIEGENE WAT GEEN SGA-PUNTE HET NIE)
3.1 Sien Assesseringsbestuursminuut 0014/2009 van 24 Julie 2009 vir inligting oor kandidate wat nie ten volle voldoen het aan die vereistes vir SGA nie.
3.2 Waar 'n geldige rede verskaf word, moet die kandidaat 'n ander geleentheid gegun word om die SGA-taak te voltooi. Indien 'n kandidaat homself/haarself nie kan presenteer vir 'n spesifieke komponent van die SGA nie en die rede geldig is, word die kandidaat se SGA punt dan bereken op grond van die komponente wat voltooi is. Die maksimum punt word bereken met uitsluiting van die komponent waarvoor die kandidaat vrystelling ontvang het.

VOORBEELD 1: GELDIGE REDE

  Komponent 1 Komponent 2 Komponent 3 Komponent 4 Komponent 5 Totaal
Maksimum punte 25 20 20 30 25 120
Leerder se punte 12 Vrygestel 8 23 Vrygestel 43
Maksimum punte vir leerder 25   20 30   75
SGA_punt = (12 + 8 + 23)/75
= 43/75 x 100
= 57%

Hierdie finale persentasie moet omskep word in 'n punt uit 120 soos volg:

SGA-punt = 57/100 x 120
= 68

Hierdie punt (68/120) sal op die SGA-skedule ingevul word.

3.3 Waar geen geldige rede verskaf word nie, word 0 aan die kandidaat toegeken vir daardie komponent van die SGA.

VOORBEELD 2: GEEN GELDIGE REDE

  Komponent 1 Komponent 2 Komponent 3 Komponent 4 Komponent 5 Totaal
Maksimum punte 25 20 20 30 25 120
Leerder se punte 12 Nie vrygestel 8 23 Nie vrygestel 43
SGA-punt = (12 + 0 + 8 + 23 + 0)/120
= 43/120

Hierdie punt (43/120) sal op die SGA-skedule ingevul word.

3.4 Die volgende prosedure vir die voltooiing van punteblaaie (Bylae A) moet beklemtoon word:
3.4.1 Kandidaat het geen SGA-komponente voltooi nie, maar 'n geldige rede is verskaf. Voeg in '999' op punteblad. 'n Geldige rede of redes moet verskaf word aan die Kurrikulumadviseur by die modereringsessie en aangestuur word na die Direktoraat: Eksamenadministrasie.

IMPLIKASIES VAN '999':

  • Kandidaat sal 'n onvoltooide uitslag ontvang (selfs al is die teorievraestel geskryf).
  • Kandidaat met '999' sal 3 kalendermaande gegun word na die vrystelling van die resultate om SGA-punte voor te lê. Versuim om dit te doen sal veroorsaak dat die kandidaat die volledige vak sal moet herhaal.
3.4.2 Kandidaat het geen SGA-komponente voltooi nie, en geen geldige rede is verskaf nie: Voeg in '444' op punteblad. Sulke kandidate sal 'n onvolledige uitslag ontvang en moet die hele vak herhaal.
3.4.3 In die geval van 'n goedgekeurde vakverandering wat nie op die punteblad getoon word nie: Voeg in '888' in die 'punt'-kolom. Voltooi Bylae B ten opsigte van elke vak.
3.4.4 Geen punt tussen "000" en "005", op die bogenoemde gebaseer, sal aanvaar word nie.

4. KANDIDATE MET SPRAAK- EN/OF GEHOORGEBREKE

Kandidate met spraak- en/of gehoorgebreke moet, in die plek van 'n mondelinge punt, 'n pro rata-punt ontvang, gebaseer op die punte wat hulle behaal het in die Junie en September 2010-eksamens.


5. VERANTWOORDELIKHEID VAN PRINSIPALE AANGAANDE DIE VOLTOOIING VAN PUNTEBLAAIE

Prinsipale moet seker maak dat alle Nasionale Senior Sertifikaat-kandidate in hulle skole die vereiste SGA-punte ontvang het.


6. KEERDATUM

Assesseringskoördineerders moet verseker dat die voltooide punteblaaie die Direktoraat: Eksamenadministrasie teen 22 Oktober 2010 bereik.


7. AGTERSTALLIGE SGA-PUNTE

Prinsipale word versoek om nie kandidate sonder SGA-punte direk na die Departement te verwys na die vrystelling van die resultate nie. Die korrekte prosedure aangaande agterstallige SGA-punte is dat die Departement via die kurrikulumadviseur by die relevante onderwysdistrikskantoor genader moet word.



GETEKEN: BK SCHREUDER
HOOF: ONDERWYS
DATUM: 2010:09:29

Bylae A: Punteblad voorbeeld  (grootte: 12 KB)
Bylae B: Vakveranderings of nuwe inskrywings  (grootte: 11 KB)