1. Eksamenskrifte en alle ander eksamenverwante dokumente moet verpak word ooreenkomstig die prosedures bepaal in die Prosedurehandleiding vir Prinsipale, Sentrumbestuurders, Hoofopsieners en Opsieners, en gestuur word aan die Departement op die afhaaldatums wat in paragraaf 3 hieronder aangedui word.

2. Onder geen omstandighede mag eksamenskrifte aan die Departement gepos word of persoonlik deur prinsipale of hoofopsieners afgelewer word nie.

3. Skynet sal die skrifte tussen 08:00 en 15:00 op die volgende datums by eksamensentrums afhaal en by die Departement aflewer:

Maandag 18 Oktober 2010 Nasionale Senior Sertifikaat
Donderdag 28 Oktober 2010 Nasionale Senior Sertifikaat en BOOV V4
Dinsdag 02 November 2010 Nasionale Senior Sertifikaat en BOOV V4
Donderdag 04 November 2010 Nasionale Senior Sertifikaat en BOOV V4
Dinsdag 09 November 2010 Nasionale Senior Sertifikaat en BOOV V4
Donderdag 11 November 2010 Nasionale Senior Sertifikaat en BOOV V4
Dinsdag 16 November 2010 Nasionale Senior Sertifikaat en BOOV V4
Donderdag 18 November 2010 Nasionale Senior Sertifikaat en BOOV V4 - finale afhaal
Maandag 22 November 2010 Nasionale Senior Sertifikaat
Dinsdag 23 November 2010 Nasionale Senior Sertifikaat
Woensdag 24 November 2010 Nasionale Senior Sertifikaat
Donderdag 25 November 2010 Nasionale Senior Sertifikaat
Maandag 29 November 2010 Nasionale Senior Sertifikaat
Dinsdag 30 November 2010 Nasionale Senior Sertifikaat
Woensdag 01 Desember 2010 Nasionale Senior Sertifikaat
Donderdag 02 Desember 2010 Nasionale Senior Sertifikaat
Vrydag 03 Desember 2010 Nasionale Senior Sertifikaat
Maandag 06 Desember 2010 Nasionale Senior Sertifikaat - finale afhaal

4. TERUGSENDING VAN SKRIFTE
4.1 Maak asseblief seker dat die volgende dokumente volledig en korrek voltooi word:

  • Koerier Kollekteer Register, elke dag wat die Skynet-verteenwoordiger kom afhaal.
  • Bevestiging van finale Kollektering, wat deurgefaks moet word wanneer die Skynet-verteenwoordiger die finale pakke skrifte by die sentrum afhaal.
4.2 Onmiddellik na die beëindiging van elke sessie moet die skrifte van die betrokke sessie in bondels verpak word volgens die punteblad/-blaaie en verseël word in 'n grys plastieksak. (Bondels van verskillende vakke mag in dieselfde sak gesit word). Die kleiner verseëlde sessie-sakke moet almal saam in 'n groter sak gesit word om die getal sakke/pakkette per besending tot die minimum te beperk.

Onder geen omstandighede mag plastieksakke wat minder as 200 skrifte bevat, teruggehou word op dae wat Skynet eksamenskrifte afhaal nie. Alle skrifte in u besit moet aan die koeriers oorhandig word as hulle kom.
4.3 Nadat die Skynet-verteenwoordiger die pakke skrifte opgelaai het, sal 'n afskrif van die versendingsbrief aan u oorhandig word. Die hoofopsiener moet hierdie afskrif saam met die betrokke puntebladkontrolelyste liasseer vir rekorddoeleindes.
4.4 Onder geen omstandighede mag die Nasionale Senior Sertifikaat-geleibriewe vir enigiets anders gebruik word as vir die terugsending van eksamenverwante dokumente nie. Alle ongebruikte geleibriewe moet aan die Direktoraat: Eksamenadministrasie terugbesorg word saam met die finale pakke skrifte.

5. Teen 11:00 op 6 Desember 2010, voordat die skool vir die einde van die jaar sluit, moet Prinsipale/Sentrumbestuurders, bygestaan deur die hoofopsiener, seker maak dat al die eksamenskrifte deur die koerier afgehaal is.

Indien daar skrifte is wat nie afgehaal is nie, moet mnr Dean Pretorius van die Direktoraat: Eksamenadministrasie ONMIDDELLIK daarvan in kennis gestel word (tel. 021 467 2960/1 of 084 6767 451).

6. Om te verseker dat die proses ordelik verloop, word hoofde van inrigtings versoek om die nodige reëlings te tref vir die veilige bewaring van vraestelle en antwoordskrifte. Hulle moet ook asseblief sorg dat elke hoofopsiener 'n afskrif van hierdie Minuut ontvang.


GETEKEN: BK SCHREUDER
HOOF: ONDERWYS
DATUM: 2010:09:14