1. Die aandag van prinsipale en hoofopsieners word gevestig op die beleid dat vakveranderinge in eksamenlokale tydens die Nasionale Senior Sertifikaat-eksamen (NSS) nie toegelaat sal word nie. Die NSS is 'n driejaarkwalifikasie en Skoolgebaseerde-assesseringspunte moes gedurende die graad 12-jaar deur kandidate gegenereer gewees het. Om vakveranderinge in eksamenlokale toe te laat, is dus strydig met die NSS-beleid en -regulasies.
2. Die WKOD het gedurende 2010 voldoende tyd toegestaan om te verseker dat inskrywings korrek is. Alle vakveranderinge in die eerste en tweede kwartale op SOBIS is goedgekeur. 'n Voorlopige inskrywingsskedule is ook in Augustus 2010 aan inrigtings gestuur. Na hierdie drie geleenthede behoort daar geen foutiewe registrasies van kandidate op die stelsel te wees nie.
3. Verwittig asseblief hoofopsieners van hierdie beleid. Indien 'n situasie egter voortvloei uit 'n foutiewe inskrywing, moet prinsipale die WKOD by een van die volgende telefoonnommers kontak:

Mnr JL Molfert 021 467 2915
Me G Laguma 021 467 2913
Me L van Rensburg 021 467 2912
Mnr L van Gensen 021 467 2976
4. U samewerking in hierdie verband sal hoog op prys gestel word.


GETEKEN: BK SCHREUDER
HOOF: ONDERWYS
DATUM: 2010:09:23