| 1. |
HERNASIEN VAN SKRIFTE
Kandidate se skrifte kan in die volgende gevalle hernagesien word:
|
| 1.1 |
'n Kandidaat wat een of meer vakke in die Nasionale Senior Sertifikaat-eksamen of BOOV-Vlak 4-eksamen gedruip het, kan sy of haar skrif(te) in sodanige vak(ke) laat hernasien.
|
| 1.2 |
'n Kandidaat wat die Nasionale Senior Sertifikaat-eksamen geslaag het, maar in een of meer vakke nie die standaard wat vir 'n besondere doel vereis word (byvoorbeeld 'n beurs of die spesifieke vereistes van 'n tersiêre inrigting), bereik het nie kan, met die goedkeuring van die Departement, sy of haar skrif(te) in sodanige vak(ke)) laat hernasien. Die rede(s) vir die versoek om hernasien moet skriftelik op 'n afsonderlike vel papier verskaf word en moet die aansoek vergesel. Aansoeke wat nie deur die voormelde vergesel word nie, sal nie oorweeg word nie.
|
| 1.3 |
Die Departement kan na goeddunke die hernasien van 'n skrif of skrifte van 'n kandidaat wat die Nasionale Senior Sertifikaat- of BOOV-Vlak 4-eksamen geslaag het, toelaat as daar 'n verskil van minstens twee prestasievlakke is tussen die Septemberpunte wat deur die skool toegeken is en die punte wat in die nasionale eksamen behaal is.
|
| 1.4 |
Aansoeke om die hernasien van skrifte tesame met die voorgeskrewe bedrag van R70.00 per vak moet die Departement bereik nie later nie as 14 dae na die amptelike bekendmaking van eksamenuitslae. Geen aansoek om die hernasien van skrifte sal oorweeg word nie tensy die voorgeskrewe bedrag die aansoek binne die gemoemde tydperk vergesel.
|
| 1.5 |
Die sluitingsdatum vir aansoeke om die hernasien van November 2009-eksamenskrifte is 22 Januarie 2010. Geen laat aansoek sal aanvaar word nie.
|
| 2. |
HERKONTROLERING VAN SKRIFTE
|
| 2.1 |
Kandidate word toegelaat om aansoek te doen dat hulle skrifte weer gekontroleer moet word ten einde te verseker dat alle antwoorde nagesien en die punte korrek opgetel en geprosesseer is.
|
| 2.2 |
'n Aansoek om skrifte te laat herkontroleer moet gedoen word binne 14 dae na die amptelike bekendmaking van die uitslae. Die koste van herkontroleer is R12.00 per vak.
|
| 2.3 |
Aansoekers sal per brief van die uitslae van die hernasien of herkontrolering van skrifte in kennis gestel word. Waar toepaslik, sal 'n gewysigde Uitslagadvies uitgereik word.
|
| 3. |
BESIGTIGING VAN SKRIFTE
|
| 3.1 |
Indien hulle nie tevrede is met die uitslag van die hernasien of herkontroleer nie, mag kandidate aansoek doen om hulle skrifte teen R150.00 per vak te besigtig. Hierdie bedrag is nie terugbetaalbaar nie.
|
| 3.2 |
'n Skriftelike versoek, met duidelike rede(s) vir die versoek, moet by die Hoof van Onderwys ingedien word binne 30 dae na die amptelike bekendmaking van die uitslae. Geen aansoek sal na daardie tydperk oorweeg word nie.
|
| 3.3 |
'n Kandidaat en/of sy haar ouer(s) of voog sal toegelaat word om die betrokke skrif(te) te besigtig en mag, as gevolg daarvan, binne 'n tydperk van sewe dae 'n klag indien. Die Departement sal dan 'n finale besluit oor die betrokke uitslae neem.
|
| 4. |
TERUGBETALING TEN OPSIGTE VAN HERNASIEN
|
| 4.1 |
Koste aangegaan vir die hernasien van enige vak sal terugbetaal word slegs indien die kandidaat as gevolg van die hernasien
'n vak of vakke slaag wat hy of sy aanvanklik gedruip het; of punte aan hom of haar toegeken word wat die uitslag in 'n vak met minstens een simbool verbeter.
Terugbetaling van hernasiengeld sal plaasvind eers wanneer die hernasienproses vir alle vakke voltooi is.
|
| 4.2 |
Dit is dus noodsaaklik dat die kwitansie wat uitgereik word vir die betaling van die hernasiengeld op 'n veilige plek bewaar word. |
| 5.1 |
Aansoek om hernasien of herkontrolering moet op die voorgeskrewe vorm gedoen word. Afsonderlike vorms moet vir herkontroleer en hernasien van eksamenskrifte ingedien word. Aansoeke kan ingelewer word by die WKOD-hoofkantoor (Kliëntediensafdeling, 2de Vloer), of gepos word na die volgende adres:
Hoof: Onderwys
Aandag: Direktoraat: Eksamenadministrasie
Wes-Kaap Onderwysdepartement
Privaatsak X9114
Kaapstad
8000 |
|
| 5.2 |
Die aangehegte BRS-vorm moet saam met elke aansoek om hernasien ingedien word, ingeval 'n terugbetaling nodig blyk te wees.
'n Kandidaat wat nie 'n bankrekening het nie, moet sy of haar ouer of voog se bankrekeningbesonderhede op die BRS-vorm invul.
|
| 6. |
NAVRAE
Vorms kan aangevra word by die volgende telefoonnommers, e-posadresse, of WKOD-webadres:
|
GETEKEN: BK SCHREUDER
HOOF: ONDERWYS
DATUM: 2010:01:05
|