| 1. |
WERWING EN AANSTELLING VAN OPSIENERS
Prinsipale van skole en bestuurders van leersentrums vir volwassenes word vriendelik versoek om geskikte persone uit die gemeenskap te werf om as hoofopsieners en assistentopsieners vir die bogenoemde eksamens op te tree.
Nominasies vir alle opsieners moet gemaak word op Addendum A (geel vorm), wat so gou as moontlik voorgelê moet word aan die IBB-bestuurder. Die IBB-bestuurder moet sodanige nominasies goedkeur en die finale lys name teen 09 Junie 2010 voorlê aan die Departement.
Die lys van nominasies moet vergesel wees van 'n gewaarmerkte afskrif van die ID en die mees onlangse akademiese rekord (ten minste graad 12) van elke genomineerde.
Wanneer hoofopsieners genomineer word, moet die volgende aspekte in oorweging geneem word:
|
| 1.1 |
Die IBB-bestuurder moet 'n persoonlike onderhoud voer met die persoon wat genomineer is as hoofopsiener. |
| 1.2 |
Die IBB-bestuurder moet seker wees van elke genomineerde se lees-, skryf-, gehoor- en visuele vermoëns, en sy/haar gesondheidstoestand. |
| 1.3 |
Die IBB-bestuurder moet vasstel of persone wat genomineer is as hoofopsieners ook bereid is om as hoofopsieners op te tree vir die Maart 2011 NSS- aanvullende eksamen en die Mei-Junie 2011 Senior Sertifikaat-eksamen indien hulle dienste benodig word. |
| 1.4 |
Dit moet egter duidelik gestel word aan hoofopsieners dat, indien hulle hulself verbind tot 'n aanstelling as hoofopsiener vir Maart 2011 en Mei/Junie 2011, hulle by daardie besluit moet bly. |
| 1.5 |
Aansoekers of genomineerdes wat vir voltydse diens elders aansoek gedoen het, moet verkieslik nie oorweeg word vir aanstelling nie. |
| 2. |
NOMINASIE VAN HOOFOPSIENERS
|
| 2.1 |
Addendum B (groen vorm - Nominasie van hoofopsieners) moet voltooi en geteken word deur die prinsipaal of sentrumbestuurder en 'n afskrif moet onmiddellik oorhandig word aan die persoon wat as hoofopsiener genomineer is. Hierdie nominasiebrief bevat baie belangrike instruksies. 'n Gewaarmerkte afskrif van die genomineerde se ID en van sy of haar mees onlangse akademiese rekord (ten minste graad 12) moet by Addendum B aangeheg word. |
| 2.2 |
Tydens die onderhoud met die genomineerde hoofopsiener moet die IBB-bestuurder, nadat hy of sy hom- of haarself vergewis het dat die persoon wat genomineer is 'n geskikte persoon is wat in staat is om die vereiste pligte uit te voer, Addendum C (pienk vorm) aan die genomineerde oorhandig om voltooi te word, waarna die vorm ook deur die IBB-bestuurder onderteken moet word. |
| 3. |
NOMINASIE VAN ASSISTENTOPSIENERS
Die prinsipaal of sentrumbestuurder moet verklaar dat die genomineerde(s) bevoegd is om die pligte van assistentopsiener(s) uit te voer, waarna die IBB-bestuurder moet aandui of die aanstelling van die genomineerde(s) aanvaarbaar sal wees. Addendum D (blou vorm) moet dan voltooi en geteken word deur die assistentopsiener(s).
|
| 4. |
DIENSKONTRAK
Alle hoof- en assistentopsieners moet bereid wees om 'n dienskontrak met die WKOD te sluit aangaande hulle pligte en verantwoordelikhede tydens die afneem van die eksamen. Die kontrak sal geldig wees vir die eksamens van November 2010, Maart 2011 en Mei/Junie 2011.
|
| 5. |
INDIEN VAN NOMINASIEVORMS |
| 5.1 |
Na voltooiing moet Addendums A, B, C, D, E en F onverwyld deur die IBB-bestuurder aangestuur word om die Direktoraat: Eksamens (Vir aandag: Me E du Toit) teen 09 Junie 2010 te bereik. |
| 5.2 |
Let Wel: Om onnodige vertragings met die aanstellingsproses te voorkom, moet IBB-bestuurders toesien dat al die voltooide vorms saam, en nie afsonderlik nie, aan die Departement gestuur word.
|
| 5.3 |
Let Wel: Geen persoon wie se aanstelling nie deur die IBB-bestuurder goedgekeur is nie, mag pligte as opsiener uitvoer nie. Opsieners mag onder geen omstandighede plaasvervangers vir enige deel van hulle werk aanstel nie. Indien omstandighede 'n hoofopsiener of assistentopsiener verhinder om toesig oor 'n eksamen te hou, moet die prinsipaal of sentrumbestuurder, in oorleg met die IBB-bestuurder, reël dat 'n plaasvervanger aangestel word en die Departement moet onmiddellik van die verandering in kennis gestel word. Plaasvervangers moet ook hulle bankbesonderhede op 'n Addendum E-vorm indien.
|
| 6. |
KRITERIA VIR DIE AANSTELLING VAN OPSIENERS
|
| 6.1 |
In normale omstandighede moet geen persoon vir aanstelling as hoof- of assistentopsiener oorweeg word nie as hy of sy |
| 6.1.1 |
onder die ouderdom van 25 jaar is |
| 6.1.2 |
verwant is aan 'n kandidaat wat die eksamen aflê |
| 6.1.3 |
'n onderwyser is by daardie skool of 'n onderwyser is wat kandidate vir enige van die eksamens voorberei |
| 6.1.4 |
in enige hoedanigheid dien in die personeel van die skool of in die koshuis waar kandidate van 'n spesifieke skool tuisgaan |
| 6.1.5 |
die eggenoot of eggenote of ander familieverwant van die hoofopsiener is. |
| 6.2 |
Indien daar meer as 30 kandidate by 'n eksamensessie is, is die WKOD bereid om vir so 'n sessie een assistentopsiener vir elke bykomende 30 kandidate of gedeelte daarvan aan te stel, of een assistentopsiener vir elke lokaal waarin kandidate skryf, op voorwaarde dat al die lokale ten volle benut word voordat daar gebruik gemaak word van 'n ekstra lokaal. |
| 6.3 |
By sessies waar daar slegs 'n klein getal kandidate is (minimum van twee) sal die dienste van een assistentopsiener voldoende wees. In so 'n geval sal die hoofopsiener nie normale opsienersdiens verrig nie, afgesien daarvan om 'n assistentopsiener af te los indien hy of sy 'n kandidaat wat verlof gekry het om die lokaal weens 'n dringende behoefte te verlaat, moet vergesel.
|
| 6.4 |
Waar praktiese en teorie-eksamens by dieselfde eksamensessie afgeneem word, moet van die dienste van 'n assistentopsiener gebruik gemaak word.
|
| 6.5 |
Wanneer die dienste van twee of meer assistentopsieners benodig word vir sessies waar twee of meer eksamenlokale gelyktydig gebruik word, sal die hoofopsiener nie normale opsienersdiens verrig nie.
|
| 6.6 |
Hoofopsieners en assistentopsieners moet 'n akademiese kwalifikasie van ten minste graad 12 hê. Indien dit nie die geval is nie, moet 'n motivering vir die nominasie voorgelê word.
|
| 6.7 |
Wanneer al die kandidate vroulik is, moet die hoofopsiener en assistentopsieners vroulik wees. Waar die kandidate mans sowel as vrouens insluit en die hoofopsiener 'n man is, moet ten minste een van die assistentopsieners 'n vrou wees, of, indien die hoofopsiener 'n vrou is, moet ten minste een van die assistentopsieners 'n man wees. |
| 6.8 |
Die volgende voorbeelde gee 'n aanduiding van hoeveel opsieners aangestel mag word:
| GETAL KANDIDATE |
GETAL HOOFOPSIENERS |
GETAL ASSISTENTOPSIENERS |
| 2 |
1 |
1 |
| 30 |
1 |
1 |
| 31 |
1 |
2 |
Indien daar van addisionele assistentopsieners gebruik gemaak word, moet die Direktoraat: Eksamens onverwyld daarvan in kennis gestel word (Verwys na tabel).
|
| 7. |
PLIGTE VAN HOOFOPSIENERS EN ASSISTENTOPSIENERS
|
| 7.1 |
Die pligte van hoofopsieners en assistentopsieners verskyn in Bylae A van die dienskontrakte vir hoofopsieners en assistentopsieners. Hierdie pligte moet op bevredigende wyse uitgevoer word vir die duur van die eksamen. |
| 7.2 |
Hoofopsieners moet die WKOD se opleiding vir opsieners bywoon. |
| 7.3 |
Prinsipale moet seker maak dat alle assistentopsieners behoorlik opgelei is voordat hulle toegelaat word om 'n eksamenlokaal binne te gaan. Alle assistentopsieners moet die teenwoordigheidsregister teken en bevestig dat hulle die nodige opleiding ontvang het. |
| 7.4 |
Opsieners moet nie kandidate sonder toesig laat tydens 'n eksamensessie nie. |
| 7.5 |
Opsieners mag nie kandidate bystaan in enige onreëlmatige aktiwiteite tydens die afloop van die eksamen nie. Die WKOD sal nie huiwer om kriminele aanklagte aanhangig te maak teen enige opsiener wat skuldig bevind word aan betrokkenheid by 'n onreëlmatigheid. |
| 7.6 |
Die hoofopsiener moet die prinsipaal bystaan met die kontrolering van alle besendings vraestelle wat ontvang word. Vir hierdie taak sal hy of sy vergoeding ontvang vir slegs een bykomende sessie, ongeag die getal besendings of die afstand wat afgelê moet word om teenwoordig te wees by die ontvangs en kontrolering van vraestelle. |
| 7.7 |
Die hoofopsiener moet ook die prinsipaal bystaan met die byhou van 'n register wat deur die prinsipaal, vakhoof en hoofopsiener onderteken moet word wanneer 'n pak vraestelle uit die kluis verwyder word.
|
| 7.8 |
Hoofopsieners en assistentopsieners moet hulle ID's en kontrakte by hulle hê vir die duur van die eksamens.
|
| 7.9 |
Voor die aanvang van die eksamen moet elke hoofopsiener seker maak dat die eksamenlokaal geskik is vir die afneem van die eksamen.
|
| 8. |
OPLEIDING VAN OPSIENERS |
| 8.1 |
Die hoofopsiener moet ingelig word dat hy of sy verplig is om opleidingsessies vir opsieners by te woon. |
| 8.2 |
Hoofopsieners wat binne 'n radius van 75 km van die skool of sentrum woon waar die opleiding sal plaasvind, sal vir een bykomende sessie vergoed word. |
| 8.3 |
Hoofopsieners wat meer as 75 km woon van die plek waar hierdie opleidingsessies aangebied word, sal vir twee bykomende sessies vergoed word. |
| 8.4 |
Assistentopsieners word nie vergoed vir die bywoning van die opleidingsessies nie. |
| 9. |
VERGOEDING VAN OPSIENERS
|
| 9.1 |
Die WKOD sal opsieners aanstel en vergoed in ooreenstemming met die Personeel-administrasiemaatreëls. |
| 9.2 |
Onafhanklike skole en kolleges is verantwoordelik vir die vergoeding van hulle eie opsieners. Alhoewel die opsieners van onafhanklike skole nie deur die WKOD besoldig word nie, moet prinsipale van onafhanklike skole, hoofde van kolleges en gevangenisse daarop let dat dit verpligtend is om die aannamevorms (Addendums C en D) te voltooi en na die Departement terug te stuur. |
| 9.3 |
Hoofopsieners van onafhanklike skole en kolleges moet hulle eisvorms vir opsienerswerk wat uitgevoer is, inlewer by die prinsipaal of sentrumbestuurder, wat dan reëlings sal tref vir hulle vergoeding. Personeel by gevangenisse wat as opsieners diens doen vir die Nasionale Senior Sertifikaateksamen ontvang nie addisionele vergoeding nie. Indien opsieners by gevangenisse nie in diens van die gevangenis is nie, moet die Departement skriftelik daarvan in kennis gestel word.
|
| 9.4 |
Administratiewe personeel en onderwysers wat 'n salaris ontvang van die Departement en wat ook dien as opsieners, sal nie deur die Departement vergoed word vir opsienersdienste verrig nie. |
| 9.5 |
Die huidige tarief (onderhewig aan verandering) vir opsienerswerk is R129,85 per sessie vir 'n hoofopsiener en R86,55 per sessie vir 'n assistentopsiener. |
| 9.6 |
OPSIENERS SAL ONDER GEEN OMSTANDIGHEDE VIR VERVOERKOSTE VERGOED WORD NIE (Prinsipale en sentrumbestuurders moet dus opsieners aanstel uit die onmiddellike gemeenskap wat deur die skool of sentrum bedien word).
|
| 9.7 |
Let Wel: Die regulasies (IRP10) wat betrekking het op die betaling van werknemersbelasting bepaal dat alle salarisse van persone wat deeltyds in diens is, onderhewig is aan 'n belastingaftrekking van 25%. Die Departement sal gevolglik 'n belastingaftrekking van 25% toepas op alle bedrae wat aan opsieners betaal word vir dienste gelewer. Daarom geld die indien van 'n werknemersbelastingaftrekking vir werknemers (IRP3) nie meer nie. Opsieners wat kwalifiseer vir kwytskelding of gedeeltelike kwytskelding van werknemersbelasting moet, na ontvangs van 'n IRP5-sertifikaat (besonderhede van betaling vir inkomstebelasting wat deur die Departement afgetrek is) die vorm, tesame met die voorgeskrewe vorm IB 12.S, by hulle plaaslike Ontvanger van Inkomste indien.
IRP 5-sertifikate word normaalweg gepos aan opsieners se huis- of posadres gedurende Mei en Junie van die jaar wat volg op die tydperk wat hulle as opsieners opgetree het.
VOORBEELDE:
| |
Getal sessies |
Tarief |
Bruto |
Belasting |
Netto bedrag |
| Hoof-opsiener |
12 |
R 129,85 |
R 1558,20 |
R 389,55 |
R 1168,65 |
| Assistent-opsiener |
12 |
R 86,55 |
R 1038,60 |
R 259,65 |
R 778,95 |
|
| 9.8 |
Ten einde die uitbetaling van opsienerseise te bespoedig, moet elke hoof- en assistentopsiener sy of haar identiteitsnommer op die aannamevorm skryf en 'n gewaarmerkte afskrif van sy of haar ID aanheg.
|
| 9.9 |
Addendum E moet voltooi word slegs deur genomineerdes van skole wat nie met die betaling van opsieners kan help nie. Die vorm moet voltooi en as korrek gesertifiseer word en die bankrekening moet as aktief verklaar word deur die betrokke bank.
|
| 9.10 |
Waar prinsipale in 2009 ooreengekom het dat opsienersgelde in die skool se bankrekening gedeponeer kan word, sal dieselfde prosedure in 2010 gevolg word, tensy die skool die Departement van 'n alternatiewe reëling verwittig |
| 10. |
EKSAMENSKRYF-FASILITEITE
|
| 10.1 |
Ten minste een maand voor die aanvang van die eksamen moet die hoofopsiener, in oorleg met die prinsipaal of sentrumbestuurder, seker maak dat geskikte en voldoende eksamenskryf-fasiliteite beskikbaar is vir al die kandidate wat vir die eksamen ingeskryf het. |
| 10.2 |
Kandidate moet geplaas word met voldoende ruimte tussen hulle om die moontlikheid van onreëlmatige praktyke uit te skakel. Die skoolsaal en/of soveel klaskamers as wat nodig mag wees moet gebruik word om toe te laat vir die volgende spasiëring van lessenaars of tafels waarby kandidate sal sit:
- 'n Spasie van 150 cm aan albei kante van elke lessenaar of tafel
- 'n Spasie van 120 cm voor en agter elke lessenaar of tafel
|
| 10.3 |
Die IBB-bestuurder moet die eksamensentrums in sy of haar distrik besoek om te bepaal of aan hierdie voorskrif voldoen word. |
| 11. |
PLIGTE VAN DIE PRINSIPAAL OF SENTRUMBESTUURDER
|
| 11.1 |
Verantwoordbaarheid vir die behoorlike bestuur van die eksamens berus by die prinsipaal van die skool of die bestuurder van die sentrum waar die eksamen geskryf word. |
| 11.2 |
Die prinsipaal of sentrumbestuurder moet seker maak dat vraestelle veilig en in die korrekte volgorde in die kluis bewaar word, dat die eksamenlokale bevredigend is en dat hoofopsieners en assistentopsieners gepas opgelei is. |
| 11.3 |
Prinsipale en sentrumbestuurders word versoek om seker te maak, in oorleg met die IBB-bestuurder, dat bevredigende reëlings getref word om te verseker dat kandidate nie tydens die eksamensessies gesteur sal word nie. |
| 12. |
Maak asseblief seker dat 'n afskrif van hierdie Eksamenadministrasieminuut aan die hoofopsiener en elke assistentopsiener oorhandig word. |
GETEKEN: BK SCHREUDER
HOOF: ONDERWYS
DATUM: 2010-05-07
|