DIE PRINSIPAAL
| 1. |
Soos u bewus is, is u skool genomineer as een van 250 skole wat sal deelneem aan die eerste uitrol van die provinsiewye LitNum-intervensie. |
| 2. |
U skool is in 2009 genooi om tot 8 onderwysers te kies om gedurende die Julie 2009-vakansietydperk Gesyferdheidsopleiding by te woon. Dit is opgevolg deur voortgesette skoolgebaseerde ondersteuning en opleiding vir die res van die onderwysers by u skool. |
| 3. |
Hierdie jaar sal u skool oorskakel na die Geletterdheids-/Taalsiklus. Die opleiding van kampioenonderwysers sal oor 5 dae strek: 21 tot 25 Junie, om die minimum impak op die 2010 Sokkerwêreldbekerprogram te verseker. (Sien Bylae A3 vir die plek waar die opleiding aangebied sal word.) Tye: 8h30 tot 16h00 daagliks, met registrasie vanaf 8h00. |
| 4. |
U skool word versoek om 'n verdere 8 onderwysers te nomineer om Geletterdheids-/Taalopleiding op die volgende basis te ontvang:
| Grondslagfase: |
1 x DH, 1 x graad 1-onderwyser, 1 x graad 2-onderwyser, 1 x graad 3-onderwyser; |
| Intermediêre Fase: |
1 x DH, 1 x graad 4-onderwyser, 1 x graad 5-onderwyser, 1 x graad 6-onderwyser. Hierdie onderwysers moet die volgende onderrig: Tale. |
|
| 4.1 |
Klein skole en skole met multigraadklasse moet volgens konteks uit bogemelde kategorieë kies. |
| 4.2 |
Vanweë die behoefte aan die handhawing van die intervensie, kan slegs onderwysers wat permanente WKOD-poste beklee oorweeg word. (Sien ook punt 10 hieronder.) |
| 5. |
Prinsipale word versoek om die aangehegte registrasievorm (Bylae B3) te voltooi en hierdie vorm teen NIE LATER NIE as 14:00 op Vrydag 26 Maart 2010 by die betrokke AOO-koördineerder hieronder te besorg:
| Distrik |
AOO-koördineerder |
Tel. |
Faks |
| Kaapse Wynland |
Malefo Makena |
023 348 0605 |
086 657 7632 |
| Eden & Sentrale Karoo |
Alta Raath |
044 803 8300 |
086 511 0504 |
| Overberg |
Edgar Johannes |
028 214 7359 |
028 214 7400 |
| Weskus |
Ebrahim Peck |
021 860 1569 |
021 8725394 /
021 8711107 |
|
| 6. |
'n Reistoelae sal op die volgende voorwaardes betaal word:
- Bywoning van die volle kursus moet deur die distrik se AOO-koördineerder en die getekende bywoningsregister bevestig word;
- Die afstand wat vir die tydperk gereis is, moet 100 km oorskry.
Vervoer moet so ver as moontlik gedeel word. Waar van taxi's gebruik gemaak word, moet onderwysers reël dat 'n groep by 'n sentrale punt opgelaai word.
|
| 7. |
Akkommodasie en maaltye (aandete en ontbyt) sal op die volgende basis beskikbaar gestel word: |
| 7.1 |
Bywoning van die volle kursus, bevestig deur die distrik se AOO-koördineerder en die bywoningsregister;
|
| 7.2 |
Slegs indien die afstand na die plek van opleiding (een rigting) 60 km oorskry;
|
| 7.3 |
Slegs in gedeelde kamers in die kollegekoshuis;
|
| 7.4 |
Slegs indien 'n versoek om akkommodasie saam met die voltooide kursusregistrasie teen 26 Maart 2010 ingedien word (Bylae B3);
|
| 7.5 |
Tydperk van verblyf: Teken in na 16:00 op 20 Junie, teken uit voor 09:00 op 25 Junie; |
| 7.6 |
Onderwysers wat verkies om in die koshuis te bly, moet hulle eie beddegoed, handdoeke en toiletware saambring. |
| 8. |
Onderwysers wat verkies om nie in die koshuis te bly nie, moet op die volgende let: |
| 8.1 |
Tot R200 per dag mag vir aandete, bed en ontbyt geëis word; |
| 8.2 |
Tot R130 per dag mag geëis word indien die onderwyser by familie tuisgaan. Hierdie eis moet vergesel wees van 'n beëdigde verklaring van die betrokke familielid. |
| 9. |
Alle oorspronklike dokumentasie ter ondersteuning van eise vir uitgawes moet op die laaste dag van die opleiding ingedien word. Geen fakse of fotokopieë sal aanvaar word nie. Aangesien onderwysers slegs na voltooiing van die opleiding vergoed sal word, sal hulle eers self moet betaal. Waar nodig, word skole vriendelik versoek om hulle onderwysers in hierdie verband behulpsaam te wees. |
| 10. |
Hierdie is 'n unieke geleentheid vir die geselekteerde onderwysers om Geletterdheids-/Taal-kampioene en leiers vir die graad in u skool te word. Hulle sal ook die diensverskaffers en die Departement behulpsaam kan wees met die kontekstualisering van opleiding en ondersteuning vir die tydperk van die intervensie. Hierdie wedersydsvoordelige verhouding sal tot voordeel wees vir die onderrig en leer van Geletterdheid/Taal dwarsdeur die skool. |
| 11. |
Indien u enige verdere navrae het, moet u asseblief nie huiwer om u distrik se AOO- koördineerder te kontak nie.
|
| 12. |
Die WKOD sien uit na u skool se deelname aan die LitNum-intervensie. Dit is 'n positiewe reaksie op die uitdaging wat ons in die gesig staar: die verhoging van geletterdheids- en gesyferdheidsvlakke in alle skole, en die versekering dat alle leerders in staat is om op die verwagte vlakke te kan lees, skryf en reken. |
GETEKEN: BK SCHREUDER
HOOF: ONDERWYS
DATUM: 2010-03-16
|