DIE PRINSIPAAL
| 1. |
Soos u bewus is, is u skool genomineer as een van 250 skole wat sal deelneem aan die eerste uitrol van die provinsiewye LitNum-intervensie. |
| 2. |
U skool is in 2009 genooi om tot 8 onderwysers te kies om gedurende die Julie 2009-vakansie Gesyferdheidsopleiding by te woon. Dit is opgevolg deur voortgesette skoolgebaseerde ondersteuning en opleiding vir die res van die onderwysers by u skool. |
| 3. |
Hierdie jaar sal u skool oorskakel na die Geletterdheids-/Taalsiklus. Die opleiding van kampioenonderwysers sal oor 5 dae strek: 10, 11, 12 (Saterdag), 14 en 15 Junie, wat dus die minimum ontwrigting van die skoolvakansietydperk sal verseker. (Sien Bylae A1 vir die plek waar die opleiding aangebied sal word.) Tye: 08:00 tot 16:30 daagliks, behalwe 11 Junie 2010 - sessies eindig om 13:00 om Openingseremonie van Sokkerwêreldbeker te akkommodeer. Daaglikse registrasie vanaf 07:30. |
| 4. |
U skool word versoek om 'n verdere 8 onderwysers te nomineer om Geletterdheids-/Taalopleiding op die volgende basis te ontvang:
| Intermediêre Fase: |
1 x DH, 1 x graad 4-onderwyser, 1 x graad 5-onderwyser, 1 x graad 6-onderwyser |
| Grondslagfase: |
1 x DH, 1 x graad 1-onderwyser, 1 x graad 2-onderwyser, 1 x graad 3-onderwyser;. Hierdie onderwysers moet die volgende onderrig: Tale. |
|
| 4.1 |
Klein skole en skole met multigraadklasse moet volgens konteks uit bogemelde kategorieë kies. |
| 4.2 |
Vanweë die behoefte aan die handhawing van die intervensie, kan slegs onderwysers wat permanente WKOD-poste beklee oorweeg word. (Sien ook punt 7 hieronder.) |
| 5. |
Prinsipale word versoek om die aangehegte registrasievorm (Bylae B1) te voltooi en hierdie vorm teen NIE LATER NIE as 14:00 op Vrydag 26 Maart 2010 by die betrokke AOO-koördineerder hieronder te besorg:
|
| 6. |
'n Reistoelae sal op die volgende voorwaardes betaal word:
- Bywoning by die volle kursus moet deur die distrik se AOO-koördineerder en die getekende bywoningsregister bevestig word.
- Die afstand wat vir die tydperk gereis is, moet 100 km oorskry.
Vervoer moet so ver as moontlik gedeel word. Waar van taxi's gebruik gemaak word, moet onderwysers reël dat 'n groep by 'n sentrale punt opgelaai word.
|
| 7. |
Hierdie is 'n unieke geleentheid vir die geselekteerde onderwysers om Geletterdheids-/Taal-kampioene en leiers in u skool te word. Hulle sal ook die diensverskaffers en die Departement behulpsaam kan wees met die kontekstualisering van opleiding en ondersteuning vir die tydperk van die intervensie. Hierdie wedersydsvoordelige verhouding sal bevordelik wees vir die onderrig en leer van Geletterdheid/Taal dwarsdeur die skool. |
| 8. |
Indien u enige verdere navrae het, moet u asseblief nie huiwer om u distrik se AOO-koördineerder te kontak nie. |
| 9. |
Die WKOD sien uit na u skool se deelname aan die LitNum-intervensie. Dit is 'n positiewe reaksie op die uitdaging wat ons in die gesig staar: die verhoging van geletterdheids- en gesyferdheidsvlakke in alle skole en die versekering dat alle leerders in staat is om op die verwagte vlakke te kan lees, skryf en reken. |
GETEKEN: BK SCHREUDER
HOOF: ONDERWYS
DATUM: 2010-03-16
|