Met verwysing na Kurrikulum VOO-minuut 0001/2010 en 0005/2010, word verdere inligting hiermee verskaf oor vereistes vir deelname, skedule- en toekenningsreëlings vir die bogenoemde kompetisie:
| 1. |
Belangrike inligting aangaande vereistes vir deelname
|
| 1.1 |
Alle essays moet in Engels en in getikte vorm voorgelê word. |
| 1.2 |
Die essay se titel moet op die eerste bladsy van die essay verskyn. |
| 1.3 |
Die aantal woorde in die essay moet ook op die eerste bladsy verskyn. |
| 1.4 |
Al die bladsye moet genommer wees. |
| 1.5 |
Die leerder se naam en die naam van die skool moet nie op die bladsye van die essay verskyn nie. Hierdie besonderhede moet slegs op die inskrywingsvorm verskyn. |
| 1.6 |
Die essay moet, sonder die bibliografie, tussen 2200 en 2500 woorde bevat. |
| 2. |
Die mondelinge voordrag maak deel uit van die totale punt en moet in Engels gevoer word by die skool tydens die finale beoordeling. |
| 3. |
Die volgende dokumente moet elke inskrywing vergesel:
|
| 3.1 |
Voltooide inskrywingsvorm |
| 3.2 |
Nagesiende essay en voltooide rubriek |
| 3.3 |
'n Gesertifiseerde afskrif van die deelnemer se SA identiteitsdokument of geboortesertifikaat |
| 3.4 |
'n Gesertifiseerde kopie van die deelnemer se graad 10-akademiese prestasie en Junie se akademiese prestasie vir graad 11. |
| 3.5 |
'n Verklaring van egtheid |
| 3.6 |
Bewys van gekombineerde inkomste van ouers |
| 4.1 |
Keerdatum vir die inlewering van essays by die skoolkonvenor: 18 Oktober 2010 |
| 4.2 |
Beoordeling by skole: 18 tot 27 Oktober 2010 |
| 4.3 |
Inlewering by plaaslike distrikskantoor: Teen 29 Oktober 2010
| Merk die koevert: |
Vir aandag: Kurrikulumadviseur vir Ekonomie (Nedbank-Tesourie - WKOD Beurskompetisie) |
|
| 4.4 |
Beoordeling op distriksvlak moet afgehandel word deur 'n aangestelde paneel in Oktober - November 2010. |
| 4.5 |
Die tien beste bydraes per onderwysdistrik sal voorgelê word aan die Adjunkhoof-onderwyskundige: Ekonomie by die WKOD se Hoofkantoor teen 22 November 2010. |
| 4.6 |
Die 15 finaliste sal in Januarie 2011 deur 'n paneel gekies word. |
| 4.7 |
Finaliste word vir onderhoude geneem en die wenners word aangekondig: Die Maandag- en Dinsdagoggend voor die Provinsiale Begrotingsboodskap in Maart 2011. |
| 5. |
Pryse vir onderwysers van die leerders wat gewen het
|
| 5.1 |
'n Skootrekenaar vir die onderwyser van elk van die deelnemers wat eerste, tweede en derde geplaas is. |
| 5.2 |
'n Kontantprys van R5 000 aan die onderwyser van elk van die ander leerders aan wie beurse toegeken is. |
| 5.3 |
Skoolhoofde sal gevra word om die name van die betrokke onderwysers te verskaf. |
| 6.1.1 |
Die fokus van die kompetisie is gerig op akademiese voortreflikheid en die potensiaal van elke leerder. |
| 6.1.2 |
Essays sal suiwer op meriete beoordeel word. |
| 6.1.3 |
Essays van gelyke meriete sal verder geëvalueer word ooreenkomstig die volgende kriteria:
- Akademiese prestasies (Graad 10-uitslae en Junie-uitslae vir graad 11)
- Finansiële behoeftes van leerder, gebaseer op ouers en voogde se huishoudelike inkomste
- Onvermoëns (gelyke geleenthede sal in ag geneem word)
- Leerder se gemeenskapsbetrokkenheid en verbintenis tot die aanpak van die land se sosio-ekonomiese probleme
|
| 6.2 |
Addisionele kriteria
Die finale beoordelingspaneel sal onderhoude voer met die finaliste om die wenners te bepaal. Die paneel sal elke leerder evalueer ingevolge die volgende kriteria:
|
| 6.2.1 |
Intellektuele sprankel |
| 6.2.2 |
Vermoë om 'n rasionele argument te formuleer en te verwoord |
| 6.2.3 |
Kennis en begrip van huidige sosio-ekonomiese kwessies |
| 7.1 |
'n Maksimum van 15 leerders sal as finaliste gekies word. |
| 7.2 |
Alle finaliste sal gaste wees van die Wes-Kaap Provinsiale Regering en Nedbank, en sal alle funksies wat gereël word, moet bywoon. Dit sal insluit bywoning van die Begrotingstoespraakbanket, met die Minister van Finansies as die geleentheidspreker. |
| 7.3 |
Alle vervoer- en akkommodasiekoste sal gedek word van finaliste en hulle begeleiers wat meer as 100 km van Kaapstad af woon. Slegs vervoerkoste sal aan finaliste en begeleiers betaal word wat binne 100 km van Kaapstad af woon. |
| 7.4 |
Die begeleiers sal hulle leerders moet vergesel en as mentors vir hulle moet optree. |
| 8. |
Navrae oor die skryf en nasien van die essays moet gerig word aan die Ekonomie-kurrikulumadviseurs in die onderwysdistrikte. |
| 9. |
Prinsipale word versoek om hierdie minuut onder die aandag van alle Ekonomie, Wiskunde, Rekeningkunde en Lewensoriënteringonderwysers te bring. |
GETEKEN: BK SCHREUDER
HOOF: ONDERWYS
DATUM: 2010:10:05
|