1. Die Wes-Kaap Onderwysdepartement (WKOD) berei opleiding voor vir VOO-Lewensoriënteringonderwysers sodat verseker kan word dat hulle beroepsopleiding aan leerders kan gee met selfvertroue en bevoegdheid.
2. 'n Opleidingskursus in die PACE Skool-tot-Werk-program sal vir onderwysers van Lewensoriëntering, graad 10 tot 12, aangebied word. Dit is slegs vir onderwysers wat nog nie opleiding in hierdie program ontvang het nie. Hierdie eendaagse kursus sal duur van 8:30 tot 16:00 en sal op 16 Oktober 2010 by Ravensmead Sekondêre Skool, Uilswaterweg (uit De la Reyweg) Ravensmead, Parow, sowel as by Esselenpark Sekondêre Skool, Buitekantstraat, Worcester, aangebied word.
3. Een VOO-onderwyser per skool word uitgenooi om die kursus by te woon, op voorwaarde dat hy of sy nie dieselfde kursus in 2009 bygewoon het nie.
4. Onderwysers van landelike distrikte sal vergoed word vir reiskoste. Onderwysers wat beplan om hierdie uitgawes terug te eis, moet die volgende inligting by die kursus beskikbaar hê:

  • Aansoeker se Persal-nommer:
  • Enjinkapasiteit van die voertuig wat gebruik is en die jaar van die fabrikaat
  • Afstand in kilometer van die skool na die opleidingsentrum
5. Onderwysers van landelike distrikte wat akkommodasie benodig, moet hulle eie reëlings tref. Hulle moet hulle eise vir akkommodasie-onkoste op die laaste dag van die kursus indien, voordat hulle vertrek.
6. Die aangehegte registrasievorm (Bylae A) moet voltooi word deur die onderwyser wat die kursus sal bywoon. Prinsipale word versoek om die voltooide registrasievorm teen 10 September 2010 aan mev DJ Christiaans te faks by 021 467 2258.
7. Prinsipale word versoek om die inhoud van hierdie minuut onder die aandag van alle betrokke Lewensoriënteringonderwysers te bring.


GETEKEN: BK SCHREUDER
HOOF: ONDERWYS
DATUM: 2010:08:10

Bylae A: PACE Skool-tot-Werk registrasievorm  (grootte: 8 KB)