1. Opleidingskursusse oor die inhoud wat betrekking het op die Persoonlike Welsyn fokusarea is gedurende Junie 2010 in die distrikte vir onderwysers aangebied.
2. Nog 'n driedaagse opleidingskursus oor dieselfde inhoud sal op 29 en 30 September en 1 Oktober 2010 aangebied word vir onderwysers wat nie die kursus in Junie 2010 bygewoon het nie.
3. VOO Lewensoriëntering-onderwysers wat nie die Junie-werkswinkels bygewoon het nie, word uitgenooi om hierdie tweede werkswinkel by te woon, waar die gebruik van die materiaal van Vandag se Keuses uiteengesit sal word.
4. Die werkswinkel sal elke dag om 08:30 'n aanvang neem en om 17:00 ten einde loop.
5. Die kursus sal aangebied word by Bernadino Heights Sekondêre Skool, La Bohemeweg, Kraaifontein.
6. Onderwysers word versoek om die aangehegte registrasievorm te voltooi (Bylae A) en te faks na mev Hazel Visser, Direktoraat Lewensvaardighede en MIV/VIGS by faksnommer 086 567 9334 voor 30 Augustus 2010. Mev Visser kan gekontak word by tel no 021 467 2631.
7. Onderwysers van landelike distrikte sal vir reiskoste vergoed word. Diegene wat van voorneme is om vir hierdie uitgawes te eis, moet die volgende inligting beskikbaar hê by die kursus:

  • PERSAL-nommer
  • Enjinkapasiteit van die voertuig wat gebruik is en die jaar van die fabrikaat
  • Kilometerafstand van die skool na die opleidingsentrum.
8. Onderwysers van landelike distrikte wat akkommodasie benodig, moet hulle eie reëlings tref. Hierdie onderwysers moet hulle eise voorlê op die laaste dag van die werkswinkel voor hulle terugkeer.
9. Prinsipale word versoek om hierdie minuut onder die aandag van die Lewensoriëntering-onderwysers vir graad 10 tot 12 te bring.


GETEKEN: BK SCHREUDER
HOOF: ONDERWYS
DATUM: 2010-08-02

Bylae A: Registrasievorm  (grootte: 8 KB)