KURRIKULUMONTWIKKELINGMINUUT: DCF 0003/2010 |
AAN: | LEWENSORIËNTERING (VOO) - OPLEIDING VAN ONDERWYSERS IN KEUSES VANDAG (TODAY'S CHOICES) |
| LEWENSORIËNTERING (VOO) - OPLEIDING VAN ONDERWYSERS IN KEUSES VANDAG (TODAY'S CHOICES) |
| 1. |
Lewensoriëntering het vier fokusareas: Persoonlike Welsyn, Burgerskapopleiding, Rekreasie en Fisiese Aktiwiteit, en Loopbane en Loopbaankeuses. |
| 2. |
Opleidingskursusse in die Persoonlike Welsyn-fokusarea is gedurende April 2010 aangebied aan meesteropleiers wat deur die distrikte geselekteer is. Die kursusse het die inhoud van toepassing op hierdie fokusarea gedek. |
| 3. |
Sedert April 2009 het die WKOD aan elke leerder in graad 10 en 11 'n boek met die titel Today's Choices for FET Learners, en 'n aparte stel van Today's Choices aangaande die inhoud vir graad 12 uitgereik. Elke skool het ook 'n stel onderwysersgidse met bygaande CD's per Lewensoriënteringonderwyser ontvang. Al die materiaal moet beskou word as bronmateriaal bykomend tot die Lewensoriënteringhandboek en ander bronmateriaal. |
| 4. |
Alle VOO-Lewensoriënteringonderwysers sal uitgenooi word na werkswinkels op 10, 11 en 12 Junie 2010 in die onderskeie onderwysdistrikte, waartydens die gebruik van die materiaal verduidelik sal word. Die werkswinkels sal om 8:30 'n aanvang neem en om 16:00 ten einde loop. Die lokale verskyn as 'n lys in Bylae A. |
| 5. |
Onderwysers word versoek om die aangehegte registrasievorm (Bylae B) te voltooi en te faks na mev. Hazel Visser, Direktoraat: Lewensvaardighede en MIV/Vigs, by faksnommer 086 567 9334 voor 24 Mei 2010. Mev Visser kan gekontak word by tel. 021 467 2631. |
| 6. |
Onderwysers van die landelike distrikte sal vergoed word vir reiskoste. Onderwysers wat hiervoor wil aansoek doen, moet die volgende inligting gereed hê by die kursus:
- PERSALnommer
- Enjinslagvolume van die voertuig wat gebruik is en jaar van vervaardiging
- Kilometerafstand van die skool tot by die lokaal.
|
| 7. |
Onderwysers van die landelike distrikte wat akkommodasie verlang, moet die distrik se kurrikulumadviseur vir Lewensoriëntering kontak. Hierdie onderwysers moet hulle eise inlewer voor hulle die werkswinkel verlaat. |
| 8. |
Prinsipale word versoek om hierdie minuuut onder die aandag te bring van graad 10 tot 12 Lewensoriënteringonderwysers. |
GETEKEN: BK SCHREUDER
HOOF: ONDERWYS
DATUM: 2010-05-14
Grand Central Towers, Laer-Parlementstraat, Privaatsak X9114, Kaapstad 8000
Meld asseblief verwysingsnommers in alle korrespondensie
VEILIGE SKOLE: 0800 45 46 47
INBELSENTRUM: 0861 92 33 22
|
