| 1. |
Die Wes-Kaap Provinsiale Tesourie, in samewerking met Nedbank en die WKOD, nooi hiermee skole uit om in te skryf vir die 2010 Wes-Kaap Beurskompetisie, 'n opstelkompetisie.
|
| 2. |
Die Beurskompetisie bied aan graad 11-leerders in die Provinsie wat 'n kombinasie van Ekonomie, Wiskunde en Rekeningkunde as vakke neem, die geleentheid om beurse en ander aansporings te bekom ten einde verder op hierdie gebied aan 'n universiteit te studeer.
|
| 3. |
Twaalf beurse, asook 'n kontantprys as finansiële bystand tydens hulle graad 12-jaar, sal toegeken word aan leerders wat beoog om 'n graad in Ekonomie (bv. B.Comm. [Ekonomie]), Rekeningkunde (bv. B.Rek., B.Compt.), Handel (bv. B.Handelswetenskap) of Wiskunde by 'n Suid-Afrikaanse universiteit te verwerf.
|
| 4. |
Die beurse is vir graad 11-leerders wat uitblink (minimum vlak van 60%) in ten minste twee van die vakke Ekonomie, Wiskunde en Rekeningkunde, en wat kwalifiseer vir toelating tot 'n universiteit in 2012. Deelnemers moet Suid-Afrikaanse burgers wees wat oor 'n goeie skriftelike en mondelinge taalvermoë in Engels beskik.
|
| 5. |
Die beurskompetisie beoog om
- entoesiasme vir Ekonomie, Wiskunde en Rekeningkunde en beroepsmoontlikhede in hierdie verband te bevorder;
- kennis en vaardighede in Ekonomie, Wiskunde en Rekeningkunde te ontwikkel;
- probleemoplossings- en analitiese vaardighede te ontwikkel;
- leerders bloot te stel aan navorsingsmetodologie en opstelskryfvaardighede;
- leerders te voorsien van toegang tot en skakeling met die wêreld van werk;
- bewustheid van sosio-ekonomiese kwessies in SA te wek;
- uitmuntendheid aan te moedig en te beloon; en
- toekomstige leiers op die gebied van die ekonomie, wiskunde en rekeningkunde te ontwikkel.
|
| 6. |
Die tydraamwerk vir hierdie beurskompetisie is van Maart 2010 tot Maart 2011.
|
| 7. |
Verwys na die aangehegte Bylae A vir die opstelonderwerp (slegs in Engels voorsien).
|
| 8. |
Verwys na die aanhegsels vir die volgende:
|
| 9. |
Skole moet leerders kies om aan die kompetisie deel te neem. Hulle sal 'n opstel van ongeveer 2 200 woorde moet skryf. Die res van die graad 11-Ekonomieklas kan 'n opstel van hoogstens 500 woorde oor dieselfde onderwerp skryf.
|
| 10. |
'n Span onderwysers by die skool sal die assesseringspunteskema wat voorsien word gebruik om die drie toppresteerders te kies wat aan die minimum vereiste van 70% (opstel en mondelinge aanbiedings gekombineer) voldoen om te vorder na die volgende rondte van die kompetisie. Die opstelle en punteblaaie van die drie toppresteerders en van alle ander leerders wat meer as 70% behaal, moet teen nie later nie as 8 Oktober 2010 aan die onderwysdistrikskantoor voorgelê word vir assessering op Vlak 2 (Distriksvlak).
|
| 11. |
'n Assesseringspaneel in elke onderwysdistrik sal die kwalifiserende opstelle van skole assesseer en die finaliste kies. Die 10 beste opstelle per distrik sal deur hierdie paneel gekies en teen 22 November 2010 deurgestuur word na die finale rondte (provinsiale vlak).
|
| 12. |
Die twintig beste opstelle sal gekies word deur die finale keuringspaneel, bestaande uit verteenwoordigers van Nedbank, die Provinsiale Tesourie en die WKOD.
|
| 13. |
'n Maksimum van vyftien finaliste sal genooi word na die finale keuringsproses in Kaapstad in Maart 2011 - op die Vrydagmiddag en Saterdag net voor die Provinsiale Begrotingstoespraak. Hulle sal 'n mondelinge aanbieding oor hulle navorsingsbevindings moet doen en reageer op vrae wat die keuringspaneel aan hulle stel. Die Ekonomie-onderwysers van die finaliste sal genooi word om hulle te vergesel. Die lede van die onderwysdistrikspaneel sal genooi word na die toekenningseremonie daardie Saterdag.
|
| 14. |
Prinsipale word versoek om die inhoud van hierdie minuut onder die aandag van alle graad 11 Ekonomie-, Wiskunde-, Rekeningkunde- en Lewensoriënteringsonderwysers te bring.
|
GETEKEN: BK SCHREUDER
HOOF: ONDERWYS
DATUM: 2010:03:30
|