| 1. |
Die WKOD bied 'n hersieningsprogram aan gedurende Februarie-Maart 2011 om kandidate wat die aanvullende Nasionale Senior Sertifikaat-eksamens (NSS-eksamens) aflê, te help. Die hersieningsprogram begin op 1 Februarie en eindig op 13 Maart 2011. Dit sal plaasvind van 15:00 tot 17:00 op weeksdae en van 14:00 tot 18:00 op Sondae. Lesse sal aangebied word deur ervare graad 12-onderwysers en regstreeks uitgesaai word na geselekteerde sentrums in die agt onderwysdistrikte van die Wes-Kaap. |
| 2. |
Die NSS-vakke wat aangebied word, is die volgende:
- Wiskunde
- Fisiese Wetenskappe
- Geografie
- Lewenswetenskappe
- Engels EAT
- Afrikaans HT
|
| 4. |
Kandidate wat gebruik wil maak van hierdie geleentheid sal teen 25 Januarie 2011 by die sentrum naaste aan hulle woonplek moet registreer. (Sien Bylae B vir die ligging van hierdie sentrums.) |
| 4.1 |
Kandidate kan registreer vir soveel van die bogenoemde vakke as wat hulle wil. |
| 4.2 |
Die voltooide registrasievorm (Bylae C) moet per hand afgelewer word of gepos word na die naaste sentrum teen nie later nie as 25 Januarie 2011.
|
| 4.3 |
Kandidate word versoek om die betrokke vraestel(le) wat hulle in Oktober - November 2010 geskryf het asook hulle eie skryfbehoeftes na die lesse saam te bring. |
| 5. |
Kandidate wat nie toegang het tot al die sentrums soos in Bylae B genoem word nie, kan ondersteuningslesse op DVD's van die WKOD aankoop teen 'n nominale prys, deur die bestelvorm (Bylae D) te voltooi en dit te faks na EDUMEDIA by 021 685 7421. |
| 6. |
Prinsipale word versoek om 'n afskrif van die hersieningsrooster en die geskikte vorms aan elke kandidaat wat kwalifiseer vir die Februarie - Maart-aanvullende eksamen te voorsien op die dag wanneer hulle, hulle uitslae by die skool kom afhaal. |
GETEKEN: BK SCHREUDER
HOOF: ONDERWYS
DATUM: 2010:12:03
|