| 1. |
Die lyste van gedigte en kortverhale vir alle amptelike tale wat in graad 12 bestudeer word vir die Nasionale Senior Sertifikaat-eksamen in 2011 - 2012 is aangeheg, as Bylae 1 en 2. |
| 2. |
Die lys gedigte- en kortverhaalbloemlesings vir graad 12 is ingesluit in die 2008 - 2009 Nasionale Letterkundekatalogus vir die elf amptelike tale van Suid-Afrika. |
| 3. |
Poësie maak deel uit van die voorgeskrewe letterkundevereistes vir elk van die amptelike tale van Suid-Afrika wat in graad 12 aangebied word. Die aangehegte lyste van gedigte (Bylae 1) sal óf een van drie genres vir literatuurstudie op Huistaalvlak, óf anders een van vier genres vir literatuurstudie op Eerste Addisionele Taalvlak uitmaak. |
| 4. |
Kortverhale vorm ook deel van die voorgeskrewe letterkundevereistes op Eerste Addisionele Taalvlak. Die aangehegte lyste van kortverhale (Bylae 2) vir Engels en Afrikaans in Graad 12 maak een van die vier genres uit vir bestudering op Eerste Addisionele Taalvlak. |
| 5. |
Vir hierdie siklus het die nasionale departement nie 'n nuwe lys kortverhale voorgeskryf vir die amptelike Afrika-tale wat geëksamineer word in die 2011 Nasionale Senior Sertifikaat- eksamen nie. Die status quo word gehandhaaf en skole word verwys na die voorgeskrewe kortverhale soos gelys in Omsendbrief S2 van 2009 van die Departement van Basiese Onderwys. |
| 6. |
Bring asseblief hierdie inligting onder die aandag van onderwysers verantwoordelik vir die onderrig van tale vir graad 12. |
GETEKEN: BK SCHREUDER
HOOF: ONDERWYS
DATUM: 2010:10:19
|